Zar hnuz keix hnuz xiêz 10/4, UB tỉnh Lào Cai tsưr tsix khiêz phêv côngz fur hâux lưv Công ty cổ phần Tứ Đỉnh li tsêr meir uô kuôr hlâu nhoz xã Bản Lầu, huyện Mường Khương, tỉnh Lào Cai uô kiês nênhs tênhx qơư zos qir tiv uô ntâu mênhv chêx txir pôngr lux thiêz pox nhuôs li jâuz tâuv trâus tuôs; thôngx cxix côngz fur tỉnh li chox kriê hâur hâux lưv khưx phưx têx tsi tâu uô tâu nhoz tsêr meir thâuv muôx chêx cuk qênhz yuôx tsênhz mênhx. Lơưr tỉnh li chox kriê, công ty cổ phần Tứ Đỉnh tsuv muôx txơưx jênhv pâux nzir, paz txưv têx trâus ruôr hiêv lok kôngz lôngk, jâuz tâuv trâu yênhxx ziv chuôz zis nôngx mênhx trâus zênhr shar uô ntêx hnuz 20/4. Tsêr meir uô kuôr hlâu zuôr trâus tso tsês tsi uô hâux lưv chiê khưx phưx têx uô cxâuv lok tênhx qơư, khoa học công nghệ, yưv pênhr, cxiv tsa, taz por lox tôngv... Thâuv tas nro têx co tâu chiz coaz muôx txơưx jênhv tỉnh sâu jênhv, taz por zoz qơưx mak tsêr meir thiêx li tâu tror huôx tôngv./.

(An Kiên- Txâur Vax cxeik nhênhv)

     Côngz xưv thox cxov hâux lưv uô tsênhv tâu tỉnh Yên Bái cxơưz tiês uô, reik đros sir jos car chêx hâux lưv uô, chuôz cxaz phênhv sâu trâu nênhs lox tôngv nôngx cxênhz, txu yeiz cxuôv pluôs trâu tsôngv box tox siêz. Shông 2016, tas nro tỉnh Yên Bái muôx 17.700 lênhx nênhs tâu thox cxov hâux lưv uô, chuôz ndê têx lênhx nênhs lox tôngv tâu thox cxov hâur tỉnh txos 47% ntâu. Hâur shông, têx tiv phaz hâur tỉnh cux paz txưv car chêx hâux lưv uô trâu 18 cxênhz nênhs lox tôngv. Nhiv no, tas nro tỉnh Yên Bái muôx 22 qơư cxaz chuôz huôx tôngv thox cxov hâux lưv uô. Tas shông 2017, tas nro tỉnh sir jos thox cxov hâux lưv trâu 15 cxênhz nênhs lox tôngv lur hnuz txos ntêr hnuz thiêz chuyên nghiệp. Sâuv co car chêx hâux lưv uô trâu 17 cxênhz 700 nênhs lox tôngv./.

(Đinh Tuấn- Txâur Vax cxeik nhênhv)