Jiês thik THPT têz qơưk shông 2017 tưz zuôr xar txos. Six hơưv no, nganhx zaoz zux thox cxov tỉnh Sơn La cux li têx shux xênhz tưz bax cxix cxuô chuôz zênhx, yênhx tưv trâu jiês thik. Shông no, tas nro tỉnh Sơn La muôx 9.500 lênhx shux xênhz dưv thik ntơưv 43 qơư thik. Chiê jiês thik tâu tsưr tsix jông, tax chêx cuk siêz, nganhx zaoz zux thox cxov tỉnh Sơn La tưz chox kriê têx tsêr cơưv tsưr tsix cơưv shâuv, nhênhz chơưv thiêz heik kriê đêz đar têx hlôngr yiêz hâur jiês thik txos tas nro têx cán bộ, nhân viên, shux xênhz thiêx shux xênhz li niêv txir... Zơưv Phạm Đăng Quang, phưv Giám đốc Sở zaoz zux thiêz thox cxov tỉnh Sơn La puz pâuz:

          “ Sở zaoz zux tưz heik trâu UB tỉnh yênhx lix têx Ban chox kriê mul qênhz yuôx tas nro têx qơư thik hâur tỉnh; têx tsêr cơưv; têx huyện tsov cưv bax jông trâu côngz xưv thik THPT têz qơưk, txos six hơưv no tư uô jông, njuôs xav zuôr muôx tâu jiês thik jông”./.

(TTT- Txâur Vax cxeik nhênhv)

           Chiê uô cov tâu truôx luôs hâux lưv trâu jiês tưr cơưv tas ntơưr lớp 12 shông  2017, Sở zoz zux tỉnh Laox cai tưz cxiv tsa tâu ban sêiz car tưr thi muôx 833 lênhx; ntơư zos cán bộ sêiz car tưr thi, y tế nhoz trâu 15 thax tsav qơư tưr thi. Trơưk li njuôk xav,  hnuz 15/6, sở zoz zux zuôr cơưv Ban sêiz car tưr thi chiê choz zok hâux lưv cov tsênhz mênhx trâu cxuô lênhx sêiz car tưr thi. Txos trâu hnuz 20/6, zuôr muk sêiz shuôk, qênhz yuôx cxuô qơư tưr thi./.

                                                    (Tsu cxêik nhênhv-KT)

          Nhiv kruôr đhâu, Công an tỉnh Điện Biên xav jênhv, lưx lươngv cảnh sát qênhz yuôx nênhs phamv cxâuv lok zax zênhz ( công an tỉnh Điện Biên) nhiv kruôr ntês tâu 2 lênhx nênhs zos Vì Văn Chung xênhz shông 1986 thiêz Mùa A Tủa xênhz shông 1988 puôr lênhx nhoz ntơưv jos Nà Nếnh B, xã Pú Hồng, huyện Điện Biên Đông, tỉnh Điện Biên tsênhv muôv muôs, thâux gra 10 poz zênhz đơưz, 30 naz muôx 6 cxênhz njiêr zax zênhz. 2 lênhx nênhs no cux jênhv chor zax zênhz no tâu zuôr cxôngx iz lênhx nênhs Lào nhoz ntus đriv, tsênhv tâu lơưr chox mul muôs txơưv trâus công an ntês cxov./.

( KT- Txâur Vax cxeik nhênhv)

          Ntơưv Yên Bái nhiv kruôr muôx yưv iz txuz uô tuôs nênhs, zos tus txir kuz muôz trox yêz hlơưr tus pox niêv kuz trâus tuôs.

Thâuv 4 six sơưr nzor, hnuz xiêz 9/6, zơưv Lê Viết Tiến, xênhz shông 1986 tưz muôz trox yêz hlơưr pos Nguyễn Thị Hương, xênhz shông 1987, thâuv px jêx jos sđ pov pâuz thiêx chox muk chơưv kho trâu tsêr kho moz, taz sik cux chơưv tsik tâu, pos Hương tưz trâus tuôs.

Trơưk li pâuz, Lê Viết Tiến oz niêv txir tưz siz đrâux tas, taz sik shor zos tiv li chas ho muôz trox yêz hlơưr nưs tus pox niêv tưz đrâux ntơư. Nhiv no cơ quan muôx  vax huôv hâur têz qơưs tsênhv taz tov qênhz yuôx cov tsênhz mênhx chiê muôz Lê Viết Tiến tik cêr cxâuv cov zos đrêiv chêi têz qơưs tso tơưv./.

                                                  (Tsuv cxêik nhênhv-TTT)