Txix nhiv no txos trâu shông 2020, tỉnh Điện Biên muôx 1.500 ziv chuôz zis, zos chor muôx côngz cxiv kho têz qơưs; 8.100 ziv chuôz zis pluôs zuôr tâu cxiv uô tsêr nhoz, xav nhiêx tas 240 tỷ đêiv. Cux zos ntu no, trơưk li njuôk xav, tỉnh Điện Biên zuôr muôx 2.900 lênhx công nhân; 17.400 lênhx shuv xênhz muôx tsêr nhoz  cơưv ntơưr. Tỉnh Điện Biên zos thax tsav txov nhêv, luôs hâux lưv cxiv uô tsêr nhoz xã hội, zos luôs hâux lưv uô muôx liv trâu sđ thiêz tỉnh Điện Biên tưz hêik Chính phủ, cxuô Bộ ngênhx Trung ương  tsuv  muôz 240 tỷ đêiv nhiêx chiê huôv tsar uô tsêr xã hội; cxiv uô tsêr trâu chor nênhs muôx côngz têz qơưs nhoz./.

(Tsu cxêik nhênhv-Thu Thuỳ)

Sâuv tas nro cêr ntus đriv tỉnh Sơn La txos nhiv no muôx zuôr xar 6 cxênhz ziv chuôz zis đros thiêz 24 cxênhz lênhx nênhs đăng cir chiv chir coar lik cêr ntus đriv thiêz ndêx đriv têz. Lưx lươngv pênhz phax tỉnh cux tưz tsưr tsix huôv tsar cêr fôngx zưs uô cxuô hâux lưv đros têx jêx jos nhoz buôk ntus đriv Việt Nam- Lào thiêz iz cxiê taz viv por vêv ntus đriv têz qơưk lào. Hâux lưv cxơưz tiês phongz yaox tsongv box chiv chir cxaz chuôz por vêv ndêx đriv têz thiêz txiv ngaz jêx jos tưz gôngr phênhv yênhx trus hlôngr yiêz tsôngv box luz nênhx; cxiv tsa thax tsav phax phưv truôx tul, cxiv tsa ntus đriv hôx fênhx....Thượng tá Cà Văn Lập, phưv chính ủy Bộ chỉ huiz bộ đội pênhz phax tỉnh Sơn La puz pâuz:

“Bộ đội pênhz phax chox kriê têx zênhx pênhz phax đros cấp ủy, chinhr quyênx tiv phaz thiêz têx nganhx muôx lênhx coaz uô jông côngz xưv seiz car, cxiv sâu ntâuz ntơưr thiêz choz trâu têx ziv chuôz zis, têx tsưr tsix, lênhx nênhs cxaz chuôz chiv chir coar lik cêr đriv têz. Uô jông côngz xưv yax mông, vênhv tôngv, muôz siêz jênhv pâuz trâu tsôngv box thax tsav ntus đriv”./.

(B.Thủy-Txâur Vax cxeik nhênhv)

Ntơưv jiês cươv pov tsir hnuz xiêz 8/12, hlôngr njêx muôs trâu cxuô cơ quan pov tsir Trung ương thiêz tsênhv qơư, uỷ ban tỉnh  Laox Cai, zuôr sâu tsês thax tsav du lịch Hàm Rồng-Sa Pa, txix công ty cổ phần du lịch cao su Hàm Rồng, nhoz saz Tập đoanx công nghiệp cao su VN chiê huôv tsar uô đuô cxuo zav cov muôx liv trâu sđ thiêz têz qơưs. Qir tiv sâu tsês chiê thax tsav du lịch Hàm Rồng-Sa Pa, viv công ty no uô kênhx cxuô luôs hâux lưv tso tơưv 4 luz hli./.

(Tsu cxêik nhênhv-An Kiên)

Tsôngv box ....yuô! Tul qox Tiền ( lok sik zos qox A) zos tul qox hlâu kuz thiêz puôk tsuôx ntâu ntơưv thax tsav thị trấn Mậu A, huyện Văn Yên, nhoz sâuv niêv cêr Yên Bái- Khe Sang. Tul qox zos txox cêr chiê têx xã mul lol tsênhv qơư huyện Văn Yên; têx tsêr meir uô kok ntông, uô ntơưr, ciêv fix mul lol zôngx ziv đuô, thôngx cxix tuôv Văn Yên tỉnh Yên bái đros huyện Bảo Yên tỉnh Lào Cai. Thâuv co, tul qox nhiv kruôr tâu cxiv yiêz nhoz buôk co chiê hlôngr trâu tul qox A mak trâus tso tsês. Cxôngx qênhx shênhx tul qox trâus puôk tsuôx ntâu, kuôk nor 5 shôngk, iz tul qox yiêz tâu tỉnh Yên Bái krêz uô. Taz sik tsi pâuz viv li chas mak nhiv kruôr uô tâu ndêx txơưv tso tsês? Lênhs tov Sở zaoz thôngz vênhv teiv tỉnh Yên Bái cux puz pâuz, viv muôx tsi txâuk pênhr uô muôx qênhx shênhx no. Yuôr tsôngv box mak xar tiêk, tul qox yiêz cxiv uô tsi huv đros viv li tâu tso tsês. Nhiv no, yênhx cxênhz tsôngv box yax six mul lol đhâu qox A tsênhv six fênhx tos njôngr tul qox yiêz tâu uô tiêr, têx nganhx muôx txơưx jênhv nhoz Yên Bái tsuv seiz shuôk, nzor têz trâu tsôngv box./.

(TTT- Txâur Vax cxeik nhênhv)