Nhiv kruôr đhâu, ntơưv Lào Cai muôx jiês kriz uô shông Du lịch têz qơưk 2017 đros tsênhv njiêz “cxuô zav jông Tây Bắc”. Dự thiêz hêik ntơưv ntênhk, zơưv Nguyễn Văn Bình, Ủy viên bộ chính trị, Bí thư trung ương Đảng, trưởng ban chox kriê Tây Bắc ntâuk gri siêz têx thênhv huôv tsar du lịch Lào Cai hêik taz, chor tỉnh Tây Bắc thiêz Việt Nam hêik cxuô. Thôngx cxix hêik pâuz têx kror uô tsik tâu tâu thiêz hêik chor bộ, nganhx trung ương, chính quyền chor tiv phaz tsuv sir jos uô, paz huôv tsar du lịch trâu Việt Nam, chiê uô muôx chêx cur Bộ chính trị li Nghị quyết số 8, hnuz 6/1/2017 zos cxiv tsa Du lịch zos nganhx kinh tế têz qơưk. Zơưv Nguyễn Văn Bình hêik mênhx:

“Pêz kriz uô shông du lịch têz qơưk, kriz thơưx trâu chor huôx tôngv uô tsưr ziv cxiv sta du lịch zos yênhxx nganhx kinh tế trâu têz qơưk; txix cxuô cấp, chính quyền, côngv thôngx doanh nghiệp thiêz pêx xênhv li sir jos, cur njênhs tiêk Du lịch thax tsav Tây Bắc hêik taz thiêz du lịch Việt Nam hêik cxuô zuôr muôx tâu têx kror huôv tsar hênhr hâur shông 2017”./.

(An Kiên-Lik Thox cxêik nhênhv)

          Trơưk li Tsênhv qơư yuô pov ntux yar ntux nas T.Ư, njuôk xav hâur têx hnuz zuôr txos no, hâur thax tsav tỉnh Yên Bái tror muôx chuô txiêk, no njiv, jê tưv txix 13 txos 17 tưv, ntux lok six no njiv trâu têx thax tsav tox siêz. txix têx li heik sâuv, tỉnh  Yên Bái fuô kriê cxuô huyện, TP, thị xã sir jos tso canr bôv muk trâu têx xã, jêx jok chiê yax kriê, vênhv tôngv tsôngv box uô cxuô faz tsưr ziv phax tar no njiv trâu têx tsiêx cxu thiêz têx kôngz lôngk chiv châux yiêz. Đros thiêz tsôngv box li đas jos, tỉnh Yên Bái heik têx tsêr kho moz, qơư y tế bax tsưr ziv, hâux lưv chiê lênhk tok têx lênhx nênhs moz tuôx nhoz chơưv kho moz, thâuv tsôngv box trâus muôx moz. Têx tsêr cơưv sir jos uô cxuô faz tsưr ziv phax tar no trâu shux xênhz, lar heik zos têx shux xênhz nox nhoz hâur tsêr cơưv, cơưv ntơưr ntơưv têx thax tsav tox siêz đêz đrôngs./.

(VOV4-Riê Lâux cxeik, nhênhv)

          Thâuv 2 six 10 phênhz zar hnuz kêix 12/2/2017, ntơưv xã Mường Hung, huyện Sông Mã, tỉnh Sơn La. Công an huyện Song Mã sik côngv đros Đônx pênhz Phax Mường Cai uô tâu yênhx côngz chuyên án zuôr muôs, thâux gra tsik zos chêi tsơưr zax zênhz lox txix ntus đriv lok hâur têz qơưk, sâu tsês ntâu hồng phiến thiêz zênhz đơưz, cxov tâu iz lênhx nênhs. Nênhs trâus cxov zos Lò Văn Ích (zus shông 1984), nhoz ntơưv Cụm Nà Cáy, huyện Mường Ét, tỉnh Hủa Phăn, têz qơưk Lào, sâu ntơưv qơư tâu 34.000 ntâu luz yuôx zênhz đơưz, xar muôx iz thôngx zênhz đơưz, 2 luz mêir điện thoại, đros iz cxiê zav txơưr đuô. Đhâu nus, xuz thơưx lênhx nênhs co jênhv tiêk: tưz zuôr chor zênhz đơưz co ntơưv iz lênhx txir nênhx pâuz tsik tsênhz bê thiêz qơư nhoz ntơưv thax tsav ntus đriv chiê chox lok muôs hâur têz qơưk zuôr liv. Thâuv tsênhv chox muk muôs chêk trâus cxov. Nhiv no txuz hâux lưv tsênhv tâu chor lưx lươngv txơưx jênhv qênhz yuôx uô cov tsênhz mênhx./.

(Tuyết Lan-Lik Thox cxêik nhênhv)

          Iz txuz plâuz lox nhiv muôx no ntơưv jok Ma Lù Thàng, xã Huổi Lèng, huyện Mường Chà, tỉnh Điện uô 3 lênhx hâur iz chuôz zis trâus tuôs, zos: Zơưv Xêir Nzơưk Xênhv Shôngx  67 shông, pos nzơưv Xênhv Vưx 66 shông zos zơưv Nzơưk tuk pxõ niêv thiêz tuk tuz zos Hux Xênhv Shôngx 16 shông. Txix cxuô faz tsưr ziv zok nriêr, yơưz vơưz, Ban têx lênhx nênhs uô hâux lưv zok nriêr lênhx tiz nênhs fêv thiêz đơưk tu têx plâuz ntus xav tinhv qir tiv xuz thơưx uô muôx yưv txuz plâuz no zos cik txos siz txênhz ar têz. Lênhx nênhs tâu njuôk xav zos đros muôx têx li heik sâuv zos Thox Xênhv Shôngx, 31 shông nhoz đros côngv jok. Đhâu thâuv zôngv triêv txuôk luôx têz tuô tuôs 3 lênhx nênhs heik sâuv, lênhx nênhs tuô nênhs ntơư tưz tso têk khiêr gâuv. Mông nhiv kruôr no txix Công an tỉnh Điện Biên: Đhâu tsưr tsix yơưz vơưz, qênhz yuôx ntêk lênhx tiz nênhs fêv, thâuv zuôr xar 2 six zar hnuz kêix hnuz 12/2, lưv lươngv muôx vax huôv tưz qênhz pov Thox Xênhv Shôngx, lênhx nênhs chênhr tâu xav tiêk zos tuô tuôs 3 lênhx nênhs heik ntơư tsênhv khiêr gâuv trâu ntơưv jok Phi Công, xã Hừa Ngài, huyện Mường Chà. Txix cxuô faz tsưr ziv, lưv lươngv muôx vax huôv tưz zênhx max ntêk tâu Thox Xênhv Shôngx. Seiz pov Thox đas jos ntâus jux juk, plu đuz tas, chor lưv lươngv muôx vax huôv tưz zênhx max chox muk trâu qơư y tế xã chiê đros chơưv paz. Taz sik đhâu ntơư 30 phênhz Thox tưz trâus tuôs. Đhâu qênhz njuôk shuôs tso pov, hâur Thox plaz muôx ntâu yuôx nox tuôs, muôx têx nưk tưz pâuz tâu, txơưv li chas lok cux khiêr tsi điv, viv li thiêx đê yuôx nox tuôs./.

(Thu Thùy-Riê Lâux cxeik, nhênhv)