Xã Bum Nưa, huyện ntus đriv Mường Tè nhiv kruôr tâu tỉnh Lai Châu côngz fur tax ploz tsênhr nôngx cxênhz yiêz đhâu ntâu shông sir jos uô. Xã Bum Nưa đar 7000 hecta, muôx 700 ntâu ziv chuôz zis, phênhv sâu phênhv ntâu khov txos uô xênhz yar kôngz jôngr nuv. Khov cấp ủy, chinhr quyênx tiv phaz chox kriê jông đros thiêz tsôngv box li thôngx ziv, Bum Nưa tưz nquôr bê tông 31 cei cêr ntâu. Tas shông 2016, phênhv sâu fênhx pheiz tas nro tsôngv box âhur xã tax 22 tsov đeiv iz lênhx nênhs iz shôngk; nênhs lox tôngv muôx hâux lưv uô tsav 92%; chuôz zis pluôs txu grês yuôr 24%..../.

( TTTB- Txâur Vax cxeik nhênhv)

          Txix iz ciêz lok no, pox nhuôs jok Bản Lầu, huyện Mường Khương, tỉnh Lầu Cai, tưz sâu chiv txir pôngr lux yiêz. Xã Bản Lầu nhiv no muôx 550 ha txir pôngr lux jông sâu, njuôk xav muôx 12.500 tấn. Ntâu ziv chos txir pôngr lux sâu tâu txix 100-200 triệu đêiv iz shông. Txir pôngr lux tâu pêx xênhv chos tsex tsung ntơưv chor jêx jok: Đồi Gianh, Pạc Bo, Na Lốc, Cốc Phương…

Công ty zav nox thiêz muôs tơưv saz đrâuv têz qơưk Đồng Giao, tỉnh Ninh Bình, tưz tso cán bộ muk njiz chor tsưr vax, taz por sâu zuôr tas nro txir, iz hnuz sâu zuôr trâu pêx xênhv Bản Lầu txix 20-25 tấn txir pôngr lux./.

(Thanh Thủy-Lik Thox cxêik nhênhv)

          Hnuz 13/2, công an tỉnh Điện Biên ntês tâu 2 lênhx nênhs muôv muôs zax zênhz, sâu tâu 2 thôngx zênhz đơưz. Lơưr co, đhâu ntâu hnuz hmo seiz car lênhx nênhs, thâuv 7 six tas cik hnuz 13/2, ntơưv thax tsav jos Ngã Ba, xã Mường Toong, huyện Mường Nhé, tỉnh Điện Biên, tuêv côngz xưv Công an huyện Mường Nhé, tỉnh Điện Biên tưz pov 2 lênhx nênhs tsar yêz meir njuôs xav thâux zax zênhz. Tuêv côngz xưv tưz heik 2 lênhx nênhs đrês yêz taz sik 2 lênhx nênhs co cux tir ntâus zov chênhr. Tuêv côngz xưv truôx siêz thiêz cxov tâu 2 lênhx nênhs co, sâu tâu 2 thôngx zênhz đơưz hnhar 700gam đros iz cxiê chuôz zênhx muôx lênhx coaz. 2 lênhx nênhs no zos Sơn Xênhv Vax xênhz shông 1983 thiêz Cu Xênhv Lý xênhz shông 1986 sik đros nhoz jos Na Cô Sa 1, xã Na Cô Sa, huyện Nậm Pồ, tỉnh Điện Biên. Nhiv no hâux lưv no tsênhv tâu chiz coaz cảnh sát qênhz yuôx, công an huyện Mường Nhé, tỉnh Điện Biên tror tơưv txênhz, krêz đar chiê nzor chox têx lênhx nênhs no tik cêr cxâuv lơưr pháp luật li cui tênhv. Thôngx cxix đros công an huyện Nậm Pồ thiêz Zênhx pênhz phax Na Cô Sa tsưr tsix mul seiz shuôk qơư 2 lênhx nênhs heik sâuv nhoz./.

( CTV- Txâur Vax cxeik nhênhv)

          Txix shông 2014 txos nhiv no, Công an huyện Yên Bình, tỉnh Yên Bái tưz pov, cxov tsês 52 txuz muôx 150 lênhx nênhs tưr txiêx txix ntâu kror, sâu tsês yênhx puô triệu đêiv nhiêx txiêx đros ntâu zav cik txos. Hâur co, txix hâur shôngk shông 2017 txos nhiv no tưz cxov tâu 5 txuz, 27 lênhx nênhs tưr txiêx.

Chiê txo grêk tsơưs tưr txiêx muôx sâuv thax tsav, ntu zuôr txos, đros lưx lươngv công an li sir jos; chor ban, nganhx thiêz chính quyền tiv phaz cux tsuv sir jos uô côngz xưv yax kriê lok têx tưr txiêx li têx uô hiêv txos chuôz zis thiêz xã hội, đhâu co gra siêz pêx xênhv li jênhv pâuz. Thôngx cxix sir jos hêik pêx xênhv cxaz chuôz tsav txênhz, hêik pâuz nênhs phamv cxâuv chiê taz por ngaz tuk sâuv thax tsav./.

(Đinh Tuấn-Lik Thox cxêik nhênhv)