Ntênhs phêv Pax lâus tỉnh Điện Biên shông no zuôr tsưr tsix cxôngx hnuz 11 txos 14/3 zuôr txos. No zos iz hâur têx huôx tôngv ndar txos shông ju lix têz qơưk 2017 nhiv kruôr tsưr tsix ntơưv Lào Cai. Ntênhs phêv muôx têx huôx tôngv li : Piêr kriê vênhx huôv chax chês têx mênhx cxưx tsơưs nênhs; Lênhx phaz heik cưr cxiêx...; thik nriêr lênhx hluôk nxeik jông gâux; piêr kriê têx đruôz shav, xiv huv jông, tưr thik thiv thao.... Tiv zix, jiês thik nriêr “ Lênhx nxeik jông gâux” muôx 8 tỉnh Tây Bắc cxaz chuôz. Ban tsưr tsix xar njôngr cxơưz tiês têx huôx tôngv cxơưz cxiz yưv pênhr, sik côngv uô ju lix, yênhx trus chox Điện Biên yênhx qơư ju lix jông hâur tê qơưk hâur têx shông zuôr txos./.

( Thu Thùy- Txâur Vax cxeik nhênhv)

          Shông no tỉnh Laox cai sir jos  chos cov tâu 9 cxênhz ha ntông uô jôngr. Uô ntêx, cxuô đơn vị cux kir txêik zuz nôngz uô ntêx trâu tỉnh chiê bax chos 10,6 triệu tsoz ntông uô jôngr thiêz bax tâu cxix cxuô nôngz, zuz chiê chos ntông uô jôngr hâur shông no.

          Ndax trâu shôngk shông yiêz no,  cxuô thax tsav tsênhv qơư tưz tsêz chos tâu 60 cxênhz tsoz ntông cxuô zav. Zơưv Vũ Hồng  Điệp, chi cục phó chi cục kiểm Lâm tinh Laox cai hêik pâuz:

           “Chiê uô cov tâu truôx luôs hâux lưv no, pêz tưz hêik trâu tỉnh chiê tso tơưv nzor luôs hâux lưv chos ntông uô jôngr trâu cxuô tsênhv qơư thiêz bax cxix cxuô zuz nôngz, txos têx hnuz muôx ntux nas tsuv huôk njôngrsixx hơưv hnuz nhôngs chos, ntông thiêx chiêx jông”./.

                                                        (Tsu cxêik nhênhv-An Kiên)

          Mù Cang Chải tâu pâuz txos đros têx đras liêx kêz nteir lox thiêz lok six jông gâux. Kaz hli 9, hâur hlik hli 10, đhâu jiês sâu blêx, nôngz jâuz zuôr tâu tsêz chos sâuv têx liêx kêz nteir têx xã La Pán Tẩn, Nậm Khắt, Chế Cu Nha, Dế Xu Phình... huôv tsar tơưs pax trơưk six hơưv.

Lơưr njuôs xav, iz hecta jâuz zuôr sâu tâu muôx nhos 30 tsov đeiv. No zos iz phênhv sâu tsi mê đros têx ziv chuôz zis nhoz no, tsi tâu heik txos phênhv sâu cxôngx uô ju lix. Nhiv no, tsôngv box tox siêz muôx cxaz cêr shir phaz, yuôr tsôngv kruô nhoz tiêx đras mak muôx cxaz qơư tuôx seiz shuôk uô si nhoz Mù Cang Chải.

Niêv lâuk Nhứ Xênhv Thox nhoz jos Nậm Khắt, xã Nậm Khắt, huyện Mù Cang Chải, tỉnh Yên Bái puz pâuz:

           “ Cur chuôz zis tâu huyện cungz nôngz jâuz chiê chos thiêz tâu cán bộ heik kriê tsoz phưz viv li mênhv chêx jâuz huôv tsar jông, zaz zâuv chôngz tsôngv kruôr tuôx ndis shuôk, tsov shav, lok six shir phaz”./.

( Đinh Tuấn- Txâur Vax cxeik nhênhv)

          Cik txos txuz uô 6 lênhx nênhs trâus tuôs thiêz ntâu lênhx trâus saz tsênhv taz tov chơưv kho trâu tsêr kho moz, đhâu iz pluôs nox ntơưv jos Tả Chải, xã Ma Ly Chải, huyện ntus đriv phong Thổ, Lai Châu. Bộ y tế tưz cưk yuôx tuôx muk txos ntơưv qơư chiê qênhz yuôx, sêiz shuôk qir tiv trâus kâus tsơưr tưx zav nox. Cơ quan y tế tỉnh Lai Châu cux gra têx jâuz mor, chơưr trâus tsơưr tưx chiê xa trâu tsêr kho njuôk moz Trung ương sêiz njuôk shuôk cov pâuz tsênhz mênhx qir tiv uô muôx tsơưr tưx.

                                                        (Tsu cxêik nhênhv-Khắc  Kiên)