Zar hnuz kêix hnuz 14/12, jiês cơưv tiv 3, HĐND tỉnh Sơn La khóa 14 tưz cơưv suôx câuv. Jiês cơưv no tưz thôngz đhâu 26 Nghị quyết zov chênhr, muôx têx Nghị quyết lok tsưr ziv huôv tsar kinh tế, taz por txiv ngaz XH, njuôk xav nhiêx txiêx shông 2017; lok tsưr ziv phênhz têx nhiêx txiêx shông 2017; tsưr ziv yưv pênhr côngz shông 2017; tsênhv chei paz huôv tsar ju lix côngv thôngx; paz shux xênhz thiêz tsêr cơưv phưv thôngz nhoz têx xã, jêx jok txov nhêv…./.

(Hồng Việt-Riê Lâux cxeik, nhênhv)

     Six hơưv đhâu, Ban taz por zaoz thôngz tỉnh Yên Bái cxơưz tiês côngz xưv seiz car, yưr lir yêz thâux hnhar; hlôngr yiêz tsưr ziv yax mông chiê muôz siêz têx lênhx nênhs tsar yêz, têx taz viv vênhv teiv li jênhv pâuz thiêz siêz chiv chir uô trơưk Pháp luật li cui tênhv lok yêz thâux hax huv. Taz sik, đros thiêz têx lênhx nênhs cxoz txưv uô cxâuv, lưx lươngv muôx txơưx jênhv li hâux lưv qênhz yuôx yưr lir uô cxâuv zuôr njiz ntâu phêv liv./.

( An Kiên- Txâur Vax cxeik nhênhv)

     Tas cik hnuz 14/12, ntơưv tỉnh Lai Châu, HĐND 2 huyện: Phong Thổ, Sìn Hồ khóa 20, ntu 2016-2021 qir tsưr tsix cơưv jiês tiv 3. Ntơưv jiês cơưv, đôngx chir Zax Páo Mỷ-Ủy viên T.Ư Đảng, Phưv Bí thư thường trực Tỉnh ủy tưz heik trâu sđ pâuz txos Côx hội khóa 14, jiês cơưv tiv 2 li têx hâux lưv uô tâu.

     Hâur hnuz uô hâux lưv xuz thơưx, HĐND huyện Sìn Hồ thôngz đhâu têx pov cov: Kiểm điểm UBND huyện hâux lưv chox kriê, lês car uô têx nuv shông 2016, hâux lưv, tsưr ziv uô têx nuv hâur shông 2017; qênhx shênhx uô lơưr tsưr ziv huôv tsar kinh tế-XH, taz por côx phax-txiv ngaz shông 2016 thiêz tsưr ziv shông 2017; dự thảo Nghị quyết lok tsưr ziv huôv tsar kinh tế-XH, taz por côx phax-txiv ngaz shông 2017; Thường trực HĐND huyện shông 2016 thiêz têx hâux lưv zov chênhr hâur shông 2017……/.

(KT-Riê Lâux cxeik, nhênhv)

      Thâuv 10 six tas cik hnuz 14/12, tuêv cảnh sát nhoz phòng cảnh sát coar lik hành chính thiêz txiv ngaz xã hội, công an tỉnh Lào Cai tưz pov, ntês cxov 1 lênhx nênhs thâux 13 cir fov ntơưr cxôngx yêz meir. Co zos Lại Văn Nghĩa, xênhz shông 1983, nhoz xã Thịnh Hưng, huyện Yên Bình, tỉnh Yên Bái. Lơưr thượng tá Hoàng Văn Dũng, tsar phongx cảnh sát coar lik hành chính thiêz txiv ngaz xã hội, công an tỉnh Lào Cai, thâuv txos kaz shôngk shông, têx txuz thâux gra fov ntơưr tsi trơưk chei sâuv thax tsav chuôz ndê. Têx lênhx nênhs thâux gra fov ntơưr li têx tsưr ziv uô cux tsưv ziv đuô chiê jav têx xưv phuôv mak Pháp luật tưz cui tênhv./.

( TTT-Txâur Vax cxeik  nhênhv)

     Zuôr xar 6 cxênhz tỷ đeiv zos hur si chor pênhr nhiêx zuôr trâus txos chiê trâu kho thiêz huôv tsar chaz têx xor tênhv tênhz hâur tỉnh Điện Biên txos shông 2025. Hâur ntơư Công ty uô thiêz chaz têx xor tênhv têz qơưs yưv muôx 2.140 tỷ,, Công ty tênhv tênhz faz baz thiêz Công ty tênhv tênhz Điện Biên yưv muôx 3.300 tỷ đeiv. Chor nhiêx tsênhv yuôr mak zos tsôngv kruô thiêz têz qơưs nhiêx txiêx muôz uô. Trơưk li tsưr ziv, luôs hâux lưv heik sâuv xav txos shông 2025 zuôr muôx 2 qơư điện áp 22kv thiêz 35 kv. Cux ntơưv jiês uô hâux lưv, chor đại biểu tưz tso tơưv têx tsưr ziv chaz thiêz uô xor tênhv tênhz muk trâu têx thax tsav tox siêz đêz đrôngs; têx cxix luôs tênhv tênhz li têx cui tinhv lok por hưv tênhx qơư thiêz huôv tsar truôx vênhk tâu cxiv kho; zoz qơưx zuôr ar trâu uô têx côngz trênhx tênhv tênhz hâur thax tsav…../.

( KT-Riê lâux cxeik, nhênhv)