Nhiv kruôr đhâu, zơưv Phạm Minh Chính, Ủy viên bộ chính trị, bí thư trung ương Đảng, trưởng ban tsưr tsix Trung ương đros đoanx côngz xưv tưz uô hâux lưv ntơưv tỉnh ntus đriv Lai Châu. Ntơưv jiês uô hâux lưv, trưởng ban tsưr tsix Trung ương tưz ntâuk gri siêz Đảng bộ, chính quyền thiêz pêx xênhv cxuô mênhx cxưx hâur tỉnh li têx sir jos, sik côngv siêz, tiv zix zos huôv tsar kôngz nuv hax huv tsơưr lươngv siêz, cxiv tsa jêx jok yiêz, cxuôv yêiz thiv pluôs, tuôr truôx côx phax-ngaz tuk, sik côngv huôv tsar. Zơưv Phạm Minh Chính hêik tỉnh Lai Châu tror phuôx huiz kror liv hâur uô xênhz yar kôngz nuv, sir jos cêv kuôk thax tsav uô xênhz yar kôngz nuv tsơưr lươngv siêz, đros cxiv tsa jêx jok yiêz, gra siêz phênhv sâu thiêz luz nênhx trâu pêx xênhv./.

(Khắc Kiên-Lik Thox cxêik nhênhv)

      Hnuz 15/4, tsêr cơưv đại học Tây Bắc thiêz tỉnh đoàn Sơn La sik đros tsưr tsix phêv ziv Olympic têx môn khoa học Mác- Lê nin thiêz HCM li siêz xar cấp tỉnh jiês tiv 1, đros njiêz luv “ Txox cêr chi cax lul”. Jiês thik chiê gôngr phênhv chuôz tsar zaoz zux chủ nghĩa Mác- Lê nin thiêz HCM li siêz xar, muôz siêz jênhv pâuz chính trị, kriê cxaz lý tưởng cơưx mênhv, muôz theox chênhv trâu đoàn viên, shux xênhz sik njiz, sik thav chênhz zênhv hâur nriêr pâuz thiêz vênhv zôngv têx môn khoa học Mác- LêNin thiêz siêz xar HCM lol hâur hâux lưv cơưv ntơưr, uô côngz xưv....Niêv lâuk Lò Thị Thúy Hà, phưv bí thư thường trực Tỉnh đoàn Sơn La puz pâuz:

      “Đhâu jiês thik no, pêz xar njôngr tror muôx têx jiês thik tov kaz no. Pêz xav tênhv Jiês thik zuôr chox lol trâu têx shux xênhz têx tsêr cơưv cao đẳng, đại học sâuv thax tsav tỉnh iz qơư uô si jông, zos jiês chiê têx shux xênhz nriêr pâuz lok lý luận chủ nghĩa Mác- Lênin, siêz xar HCM cux xưk li têx shux xênhz vênhv zôngv lol hâur tsênhv tsênhz luz nênhx li chas”./.

(Hoàng Long- Txâur Vax cxeik nhênhv)

       Nhiv kruôr đhâu, hâur Hnuz hội nhênhv ntơưr tsưr tsix ntơưv tsêr cơưv cxênhx pêz số 1, thành phố Lào Cai, tỉnh Lào Cai 10.000 fâu ntơưr tưz tâu khơưk muôz trâu chor nhuôs zâu pluôs, thax tsav txov nhêv thiêz paz thư viện, tủ ntơưr thax tsav tox siêz, nhoz đêz, ntus đriv. No cux zos iz hâur chor huôx tôngv tsênhv njiêz, chiê uô lơưr hnuz ntơưr Việt Nam jiês tiv 4 ntơưv tỉnh Lào Cai. Ngô Lan Chi, shux xênhz lớp 12B2, tsêr cơưv cxênhx pêz số 1, thành phố Lào Cai hêi:

     “Xã hội huôv tsar lok công nghệ li nhiv no mak nhênhv ntơưv tsênhv zos yênhx iz kror cor cav tsơưs chor hluôk thiêz nhiêv. Viv li chor hnuz hội nhênhv ntơưr li no zuổ rlok six muôx gri trâu sơưr đơưk pâuz nhênhv têx ntơưr thiêz tuôr chiê tâu cor acv nhênhv ntơưr li cxôngx nzor”./.

(An Kiên-Lik Thox cxêik nhênhv)

        Nhiv kruôr đhâu, tuêv côngz xưv phongx canhv sát qênhz yuôx nênhs phamv cxâuv lok txiv ngaz xã hội, Công an tỉnh Điện Biên tsênhv uô jênhv vưv ntơưv thax tsav tuêv 4B, xã Thanh Xương, huyện Điện Biên, tỉnh Điện Biên pov Trần Quang Huệ ( 41 shông), nhoz tuêv 5, xã Cáo Điền, huyện Hạ Hòa, tỉnh Phú Thọ (nhiv no nhoz jos Sen Át, huyện Mường Mày, tỉnh Phong Sa Ly, têz qơưk Lào) tsar yêz meir mul saz Tây Trang- Điện Biên. Thâuv lưx lươngv muôx txơưx jênhv heik đrês yêz, Huệ txơưv tsar yêz đrâu lol ntơưv tuêv côngz xưv thiêz khiêr lơưv, taz sik tưz trâus trinh sát ntês tâu. Qênhz yuôx hâur naz khi sâuv yêz, chiz coaz công an pov thiêz sâu tâu 8 poz đax đax, hâur co muôx zax zênhz hnhar 5 cir, đros ntâu chuôz zênhx muôx lênhx coaz. Nhiv no hâux lưv tror tâu qênhz yuôx krêz đar tơưv txênhz./.

(Vũ Lợi- Lê Hoàng- Txâur Vax cxeik nhênhv)