Txix hâur shôngk shông txox nhiv no, tỉnh Sơn La tưz huiz tôngv tâu 818 tiv đêiv pênhr xã hội hóa chiê yưv pênhr trâu khoa học công nghệ, kôngz nuv, công nghiệp, y tế, zoz thôngz vận tải. Thôngx cxix, uô jông tsưr ziv sâu chor tsưr tsix, tiz nênhs đros cxaz chuôz uô li phênhv sâu txix ar thiêz pênhr uô chor dự án cxuô zav. Hâur co, dự án cxiv thêir ntus đêx Nậm La (thành phố) zuôr muôx 3.000 tiv đêiv yưv pênhr uô qơư đô thị yiêz; dự án đêx liv nhoz Nà Sản (Mai Sơn) muôx nhos 250 tiv đêiv yưv pênhr trâu cxiv luôs đêx liv; dự án tsêr kho moz 550 luz txax xar muôx 300 tiv đêiv yưv pênhr uô cxuô zav qơư đô thị…/.

(Hồng Việt-Lik Thox cxêik nhênhv)

         Chiê  paz txo grêk tsơưs têx trâus uô hiêv lok lênhx tiz nênhs thiêz chuôz zênhx chuôz tas tiv đêx nas chuô uô, têx lênhx nênhs uô hâux lưv njuôk xav, yuô pov ntux yar ntux nas tỉnh Yên Bái tưz sir jos heik trâu tsôngv box sơưr đơưk bax têx tsưr ziv phax tir thêir ntux txơưr txar. Ciês đeix yuô pov ntux yar ntux nas tỉnh Yên Bái tưz đhok uô 20 qơư njuôk ntux yar ntux nas hlôngr trâu têx qơư, meir njuôk ntux yar ntux nas đrav ntêx, chiê phưx vưv trâu luôs hâux lưv yuô pov ntux têx txơưr txar hâur six hơưv zuôr txos. Zơưv Lò Huy Hoàn, Giám đốc Đeix yuô pov ntux yar ntux nas tỉnh Yên Bái heik:

"Têx mông pêz heik lok sâuv yuô pov ntux yar ntux nas xa trâu têx qơư njuôk ntux yar ntux nas ntơưv cxuô thax tsav qơư chiê lơưr bax tsưr ziv heik trâu tsôngv box ntơưv qơư pâuz. Nhoz têx qơư heik sâuv ntơưv têx huyện, thị xã cux tưz bax tâu 100% têx chuôz zênhx uz no zuôr trâus txos chiê phưx vưv tâu zênhx max luôs hâux lưv no"./.

(Đinh Tuấn-Riê Lâux cxeik, nhênhv)

         311.000 ntâu lênhx kruô tưz tuôx ndis shuôk, du lịch ntơưv tỉnh Điện Biên hâur chor hli hâur shôngk shông no. Hâur co muôx zuôr xar 55 cxênhz lênhx kruô ntiêx têz. Tas nro phênhv sâu txix du lịch njuôk xav  muôx 430 tiv đêiv ntâu, zuôr xar 50% tsưr ziv hâur shông, ndê muôx 30% pir li six chênhz tsêz no. Zơưv Phạm Văn Dũng, Giám đốc sở vênhx huôv-thể thao thiêz Du lịch tỉnh Điện Biên puz pâuz:

“Tiv Điện Biên tsênhv txov nhêv viv li têx pênhr jos tsơưr lươngv siêz cux tsênhv tsik tâu bax tuôx trâu Điện Biên. Viv li, chiê huôv tsar tax tâu mak huiz tôngv, thox cxov pênhr jos ntơưv qơư; tiv zix zos du lịch côngv thôngx thiêz hêik chor doanh nghiệp sik đros côngv jos chiê muôz nhiêx txiêx, pênhr jos chiê thox cxov…”./.

(Thu Thùy-Lik Thox cxêik nhênhv)

         Lưv lươngv Công an tỉnh Lào Cai nhiv kruôr ntêk tâu 2 lênhx nênhs zos 2 vir ndâuk tsênhv thâuv taz tov thâux gra tsi trơưk chei 14 poz zênhz đơưz. 2 lênhx nênhs trâul ntêk tâu ntơư zos Zax Thị Dớ, xênhz shông 1987, nhoz ntơưv xã Vân Hồ, huyện Vân Hồ, tỉnh Sơn La thiêz Zax thị Pax, xênhz shông 1994, nhoz ntơưv xã Đông Sang, huyện Mộc Châu, tỉnh Sơn La. Ntơưv cơ quan Công an, Dớ thiêz Pax gơưk krêz lênhk tiêk, tưz nhav thâux gra chor zax zênhz heik sâuv, đros thiêz nhiêx ntiêr zos 20 tsov đeiv. Nhiv no, txuz plâuz heik co tsênhv tror tâu Công an tỉnh Lào Cai qênhz yuôx, uô tsênhz mênhx./.

(An Kiên-Riê Lâux cxeik, nhênhv)