Hâur oz hnuz 17 thiêz 18/12, Ban thươngx vuv tinhv uyv Yên Bair tsưr tsix jiês cơưv shâuv, hêik pâuz, kriz uô Nghiv quyêtz trung ương 4 (khoar 12) thiêz cơưv shâuv chuyên đêx “Têx tsênhv njiêz hâur shưz xar, cêr uô nênhx Hôx Chir Minh” trâu canr bôv chênhr hâur tinhv. Chor têiv plor tâu hêik pâuz Nghiv quyêtz Trung ươg 4 (khoar 12) li têx tsênhv njiêz chênhr lok “Chuôz cxaz cxiv tsa, kho đuô Đangv; tir thêir têx tsik jông muôx yưv lok shưz xar, cêr uô nênhx hâur Đangv”; tsênhv njiêz chuyên đêx “Têx vênhv thix lok shưz xar, cêr uô nênhx Hôx Chir Minh”, hâur co hêik mênhx txos têx tsênhv njiêz li Shưz xar Hôx Chir Minh, cêr uô nênhx Hôx Chir Minh…/.

TTT-Lik Thox cxeik, nhênhv

     Hnuz 17/12, tổng công ty tênhv jos faz Bắc tsưr tsix ntênhs uô tiêr 2 dự án cungz tênhv tênhz têz qơưk trâu têx ziv chuôz zis tsi tâu muôx tênhv zôngv nhoz tỉnh Sơn La shông 2015-2016 ntơưv xã Chiềng Bôm, huyện Thuận Châu, tỉnh Sơn La. Hâur six hơưv cxôngx shông 2015- 2016, Tổng công ty tênhv jos faz Bắc tưz uô tiêr 2 dự án cungz tênhv têz qơưk trâu têx ziv chuôz zis tsi muôx tênhv zôngv nhoz 9 xã tỉnh Sơn La, cungz tênhv trâu 8000 ziv chuôz zis nhoz 120 jêx jos nhoz hâur tỉnh. Chiê uô tiêr têx dự án no, têx taz viv tưz chaz 300 cei cêr xor tênhv, 35 trạm biến áp ntơưv têx huyện Mai Sơn, Thuận Châu, Sông Mã đros phênhv yưv pênhr zos 220 tỷ đeiv ntâu... Hâur ntu 2016-2018, tổng công ty tênhv jos faz Bắc tror uô dự án cungz tênhv trâu têx ziv chuôz zis tsi tâu muôx tênhv nhoz 114 jêx jos 4 huyện Thuận Châu, Mường La, Bắc Yên, Phù Yên. Dự án muôx 250 cei cêr xor tênhv 22 Kv, 35 Kv; 105 trạm biến áp thiêz 160 cei cer xor tênhv 0,4 kv, thâuv uô tiêr zuôr muôx cxaz 4.700 ziv chuôz zis tâu sir zôngv tênhv tênhz têz qơưk./.

Hoàng Long- Txâur Vax cxeik nhênhv

       Phongx canhv satz zoz thôngz công an tinhv Điênv Biên tưz kriz uô jiês taz por ngaz tuk zoz thôngz, ngaz tuk xar hôiv sâuv cxuô txox cêr hâur jiês tsiêz shông 2017. Jiês kriz uô no truz ntêr txix hnuz 16/12/2016 txos hnuz 15/2/2017. Hâur ntu no, lưx lươngv canhv satz zoz thôngz zuôr tsêx tsung kriz uô chor tsưr ziv côngz xưv chiê taz por ngaz tu zoz thôngz, ngaz tuk xar hôiv sâuv cxuô kror, phưx vưv zoz qơư muk lok, uô si, thâux xa kruô, hax huv trâu pêx xênhv hâur chor jiês: Noel, tsiêz zax lix 2017, tsiêz zênhz lix kêiz shông, chor ntênhk hôiv hâur shôngk shông yiêz…đros chor tsưr ziv chuôz cxaz taz por ngaz tuk zoz thôngz, lưx lươngv canhv satz zoz thôngz zuôr xưv lik truôx chor nênhs phamv cxâuv, hâur co sir jos xưv bluô kror cxâuv hâuk chơưr, bia thâuv tsar yêz…/.

Thu Thùy-Liuk Thox cxeik, nhênhv

      Cux xưk li ntâu tỉnh tox siêz faz Bắc txơưr, oz hnuz đhâu, ntux ziv no njiv thâuv hmo ntux thiêz tas cik sơưr nzor nhoz ntâu tiv phaz hâur tỉnh Lai Châu. Iz cxiê huyện li Sìn Hồ, Phong Thổ, Tam Đường, Mường Tè, jêx tưv cxôngx 8 txos 13 tưv. Tiv zix 9 xã tox siêz huyện Sìn Hồ thiêz 8 xã ntus đriv li Phong Thổ, muôx têx thâuv jêx tưv grês kis cxôngx 6 txos 8 tưv. Njuôs pov hâur 2,3 hnuz zuôr txos, tsi taz tox siêz mak têx thax tsav kis jêx tưv cux zuôr grês kis. Viv li, tỉnh Lai Chau tưz chox kriê têx tiv phaz thiêz nganhx muôx txơưx jênhv chuôz tsar côngz xưv canhv pov, phax tar no njiv trâu tsôngv box, tsoz chos thiêz tsiêx tu zus. Zơưv Nguyễn Khắc Tiệp, Phưv phongx kôngz nuv thiêz phuôv tsar nôngx cxênhz huyện Sìn Hồ, tỉnh Lai Châu puz pâuz:

    “Nhiv no sâuv huyện muôx 63 cxênhz tul tsiêx cxu thiêz phongx cux paz txưv zuôr xar 500 guôx tu zus cxôngx têx phênhv pênhr. Đrâuv co phòng cux heik cán bộ mul têx xã chiê chox kriê têx tsưr ziv phax tar no, heik kriê tsôngv box uô guôx por vêv tsiêx cxu thiêz yax môngx pox nhuôs tsi tso nhux”./.

Khắc Kiên-Txâur Vax cxeik nhênhv