Nhiv kruôr đhâu, thường trực Hội đôngx mênhx cxưx Côx hôiv zos zơưv Hà Ngọc Chiến, Ủy viên Trung ương Đảng, Chủ tịch Hội đôngx mênhx cxưx Côx hôiv uô trưởng đoanx tưz muôx jiês uô hâux lưv đros Ban chox kriê Tây Bắc. Thax tsav Tây Bắc nhiv no muôx 11 triệu ntâu pêx xênhv đros 32 mênhx cxưx cưr tix sik đros uô nênhx nhoz, hâur co mênhx cxưx tsơưs nênhs tsav muôx 62% ntâu. Taz sik, Tây Bắc cux zos thax tsav kinh tế-xã hội phiv liv tiv zix têz qơưk, zoz thôngx tax tsik tâu tâu zoz qơưx; qênhx shênhx tsir qơư nhoz tsik zos chêi cux tsênhv muôx. Txix tsênhv tsênhz co, Ban chox kriê Tây Bắc hêik trâu Thường trực Hội đôngx mênhx cxưx côx hôiv hêik trâu Trung ương Đảng, Côx hôiv, chính phủ lok iz cxiê tsênhv chêi mênhx cxưx hâur ntu zuôr txos li: tsêx trung thox cxov pênhr jos trâu chor tiv phaz, đros cêir chêx hâux lưv uô; tsov cưv yưv pênhr trâu zoz thôngz, tiv zix zos zoz thôngz têx jêx jok, txix xã txos tỉnh, têx cêr lox; kriz uô cxiv tsa luật mênhx cxưx…zơưv Hà Ngọc Chiến, Ủy viên Trung ương Đảng, chủ tịch Hội đôngx mênhx cxưx Côx hôiv puz pâuz:

          “Hêik sơưr đơưk hâur ntu zuôr txos tror chuôz cxaz chor huôx tôngv chox kriê, qênhz yuôx, sêiz kaz kriz uô tsênhv chêi mênhx cxưx, tôn giáo hâur thax tsav. Sir jos uô côngz xưv qênhz yuôx, sêiz kaz hâux lưv kriz uô tsênhv chêi lox, tsênhv njiêz zos 135, cxiv tsa jêx jok yiêz, thiv pluôs truôx đrênhk. Tsov cưv txos têx tsênhv chêi pênhr jos cux xưk li lok cán bộ mênhx cxưx”./.

(Thừa Xuân-Lik Thox cxêik nhênhv)

         Nganhx sê tỉnh Sơn La tsênhv krêz uô ntâu tsưr ziv sir jos chiê phênhv sâu tax 4.050 tỷ đeiv hâur shông no. Tiv zix zos tror cxơưz tiês hlôngr yiêz hành chính, chiê muôz theox chênhv jông tiv zix trâu lênhx nênhs khiêz nhiêx sê, uô jông côngz xưv coar lik thiêz txu grês phênhv nux grê nhiêx sê kis đuô 5%; hlôngr yiêz côngz xưv yax mông tsênhv chei nhiêx sê; chuôz tsar kỷ luật hâur nganhx thiêz phuôx tôngv đêz đar têx phongz yaox tưr thik cxôngx ciês hâur shôngk shông....Zơưv Đặng Quang Hưng, phưv chi cục tsar chi cục nhiêx sê tỉnh Sơn La puz pâuz:

         “ Cục nhiêx sê Sơn La tror chuôz tsar côngz xưv yax mông, paz txưv nênhs khiêz nhiêx sê pâuz tâu têx tsênhv chei nhiêx sê co chiê chiv chir uô lơưr tsênhv chei nhiêx sê. Sir jos coar lik hâur côngz xưv seiz car phênhv sâu sâuv thax tsav chiê taz por cxix cxuô”./.

( H.Việt- Txâur Vax cxeik nhênhv)

          Nhiv kruôr đhâu, Cục thi hành án dân sự tỉnh Lào Cai đros chor taz viv txơưx jênhv nhoz tỉnh tưz hlơưr por tsês 60 thôngx zênhz đơưz, 20 cir zax zênhz thiêz 43 tuk câuk nxư, muôx 104 cir ntâu. Chor zax zêhz thiêz câuk nxư hêik co puôr lênhx zos têx zav sâu tâu hâur chor txuz zok cxov tâu sâuv thax tsav tỉnh Lào Cai, tưz tâu chor cơ quan txơưx jênhv muôz lok xưv. Hâux lưv hlơưr por tsês zax zênhz thiêz câuk nxư no zos chiê gra siêz chêx cur côngz xưv uô lơưr án dân sự sâuv thax tsav tỉnh Lào Cai; thôngx cxix kriz uô truôx luật phax tar zax zênhz thiêz Công ước ntiêx têz lok muôl muôs cxuô zav tsiêx kuk mak Việt Nam tưz cxaz chuôz cir jênhv shông 1994./.

(KT-Lik Thox cxêik nhênhv)

         Thâuv 1 zar tar su hnuz 19/2, Phòng cảnh sát qênhz yuôx nênhs phamv cxâuv lok zax zênhz, Công an tỉnh Điện Biên tưz ntês tâu 2 lênhx nênhs thâux 10 thôngx zênhz đơưz. Thax tsav ntês tâu 2 lênhx nênhs no zos nhoz jos Lói 1, xã Mường Lói, huyện Điện Biên, tỉnh Điện Biên. 2 lênhx nênhs tâu xav tênhv zos: Chua Xênhv Vax xênhz shông 1994 thiêz Por Xênhv Thox xênhz shông 1988, puôr lênhx nhoz jos Búng Bói, huyện Phun Thoong, tỉnh Luông Pha Băng, têz qơưk Lào. Ntơưv chiz coaz công an, qir thơưx Chua thiêz Por jênhv zuôr chor zax zênhz sâuv ntơưv Lào thiêz chox mul Điện Biên chiê muôs txơưv trâus lưx lươngv công an ntês cxov. Nhiv no hâux lưv no tsênhv tror tâu qênhz yuôx uô cov tsênhz mênhx./.

( CTV- Txâur Vax cxeik nhênhv)