Tsôngv cưr tix fôngx zưs hmor yuô! Đhâu zuôr xar 6 shông sir jos uô, tsêr meir đêx tênhv Lai Châu tưz uô tiêr uô ntêx iz shông pir đros thiêz côx hôiv li Nghị quyết. Hnuz 20/12, ntênhs uô tiêr tâu tsưr tsix ntơưv côngz tsinhx, muôx phưv thủ tướng chính phủ Trịnh Đình Dũng, lênhs tov têx bộ, ban, nganhx TW thiêz chính quyênx tiv phaz tuôx dưv. Tsêr meir đêx tênhv Lai Châu zos têz qơưk li côngz tsinhx tsênhv thiêz jênhv tâu têx đ/c lênhs tov Đảng thiêz têz qơưk li tsov cưv. Côngz tsinhx tâu krêz côngz uô shông 2011, nhoz thax tsav huyện ntus đriv Nậm Nhùn, tỉnh Lai Châu. Côngz tsinhx muôx 3 tuêv meir, tas nro công suất zos 1.200 MW thiêz thâuv uô tiêr zuôr cungz tênhv tênhz trâu cxix luôk tênhv têz qơưk zos 4,7 tỷ kWh iz shôngk. Chiê muôx tâu chêx cuk no, têx tsưr thâux cux xưk li chinhr quyênx tỉnh Lai Châu tưz uô tiêr lok six ntâu luôk hâux lưv zov chênhr. Đros thiêz uô tiêr côngz tsinhx nzor đuô iz shôngk, cxênhx txuôk tâu ntâu phênhv, tập đoàn tênhv jos Việt Nam tưz uô muôx liv trâu têz qơưk muôx nhos 7000 tỷ đeiv./.

(K.Kiên- Txâur Vax cxeik nhênhv)

      Thượng tá Hoàng Văn Dũng, trưởng phòng sêiz car hành chính thiêz ngaz tuk xar hôiv, Công an tinhv Lào Cai puz pâuz, taz viv nhiv kruôr cxov tâu iz lênhx nênhs lok kror cxâuv tsês chiê chuôz lov tơưs tsik zos chêi hnuz 18/12, ntơưv iz luz tsêr nhoz trâu công nhân sâuv thax tsav xã Si Ma Cai, huyện Si Ma Cai, tinhv Lào Cai, lưx lươngv txơưx jênhv pov, sâu tsês 16 cir yuôx tơưs cuz công nghiệp Anfo, 25 luz cêr tênhv K8, 5 thiêr hluô hlơưr cuz thiêz iz luz mêir nhêv tơưs cuz. Đhâu qênhz yuôx xuz thơưx, lênhx nênhs trâus cxov co zos Hoàng Trọng Quỳnh (Zos hu uô Hoàng Văn Đông) zus hnuz 7/8/1979, nhoz ntơưv tôv 2A, thiv trấn Phố Ràng, huyện Bảo Yên, tinhv Lào Cai. Quỳnh jênhv tiêk hâur ntu uô công nhân tưz jêik chor yuôx tơưs cuz co chiê zuk sir zôngv. Nhiv no txuz hâux lưv no tsênhv tror tâu lưx lươngv txơưx jênhv qênhz yuôx uô cov tsênhz mênhx./.

(An Kiên- Lik Thox cxeik, nhênhv)

      Hnuz 19/12, tsêr cơưv cao đẳng sư phạm Yên Bái krêz cơưv têx lớp thox cxov kriê cxaz cưk kriê cấp 1 chiê yênhx cưk kriê mê nhuôs zâu uô đề án njuôs xav cxix luôk tsêr cơưv sâuv thax tsav tỉnh Yên bái ntu 2016-2020. Cxaz chuôz muôx 100 ntâu học viên zos nhân viên, cưk kriê cấp 1 têx tsêr cơưv nhoz têx phongx zaoz zux thiêz thox cxov Yên Bình, Lục Yên, Mù Cang Chải thiêz Trạm Tấu. Hâur jiês no, học viên tâu pheiz yênhx 3 lớp thox cxov lơưr njiêz luv tsaz yênhx mê nhuôs zâu huv đros yênhx tưv chuyên môn nhiv no. Tsêr cơưv cao đẳng sư phạm Yên Bái tưz bax jông cơ sở cxuô zav phưx vưv têx khóa cơưv taz por tsơưr lươngv chuyên môn, six hơưv njuôs xav./.

(TTT-Txâur Vax cxeik nhênhv)

      Đros chor cán bộ dân số txix huyện txos tiv phaz li sir jos, sik côngv truôx nhoz chor tsưr tsix, đoàn thể, hâux lưv muôz côngz xưv yax mông uô đros div vuv đas jos xênhz zus txos trâu thax tsav nhoz đêz, tox siêz ntơưv huyện Nậm Pồ, tỉnh Điện Biên muôx ntâu hlôngr yiêz jông. Chiê gra siêz tsơưr lươngv dân số, txo grêk tsơưs chor nhuôs zâu trâus tuôs đhâu xênhz zus cux xưk li nhuôs zâu tsik tâu muôx 5 shông, lơưr pos Cao Thị Khánh, giám đốc tsênhv qơư dân số-tsưr ziv xênhz zus nhuôs hâur chuôz zis huyện Nậm Pồ puz pâuz hâur ntu zuôr txos, tsênhv qơư zuôr sir jos uô côngz xưv sik côngv đros chor tsưr tsix đoàn thể, hôiv gâux muôv vir ndâuk thiêz chor thành viên ban chox kriê côngz xưv dân số-tsưr ziv xênhz zus nhuôs hâur chuôz zis xã, huyện sir jos uô côngz xưv yax kriê uô đros div vuv tsoz phưz đas jos xênhz zus-tsưr ziv xênhz zus nhuôs hâur chuôz zis. Đros co, sik côngv đros tsênhv qơư y têr huyện uô jông chor côngz xưv yax mông uô đros div vuv đas jos xênhz zus mê nhuôs txos têx jêx jok./.

(TTT-Lik Thox cxeik, nhênhv)