Tsôngv box….! Ntâu liêx têz blêx chiv ntux tsâus yiêz ntơưv tỉnh Điện Biên tsênhv trâus caz hmoz tho nox uô ruôr hiêv. Lar heik zos têx hnuz jê lok no, têx caz hmoz tho nox uô ruôr hiêv ziv hnuz ziv ntâu thiêz phiv liv. Txix têx li heik ntơư, Chi cục por vêv đrox tsuôs tỉnh Điện Biên tưz muôx ntơưr xa trâu chor cơ quan car uô đreiv luôs hâux lưv phax tuô têx caz hmoz tho nox uô ruôr hiêv têx kôngz nhoz cxuô thax tsav hâur tas nro tỉnh cxơưz tiês têx faz tsưr ziv phax tuô, lov chiê txo grêk tsơưs yax têx kôngz trâus uô hiêv. Thôngz sâu hâur tas nro tỉnh, hur si têx liêx têz blêx trâus caz hmoz tho nox uô hiêv zos 150 ha; phênhv zos ntơưv têx huyện Điện Biên, Mường Chà thiêz thị xã Mường Lay. Chor caz hmoz tho nox uô hiêv kôngz tâu qênhz pov zos têx caz câur blôngx blêx, caz hmoz tho nox uô têx blêx đax, tsưk….

Chiê txo grêk tsơưs têx kôngz trâus uô hiêv, Chi cục por vêv đrox tsuôs tỉnh Điện biên tưz xa ntơưr heik têx qơư por vêv đrox tsuôs nhoz chor huyện, thị xã, TP hux jos đros phongx kôngz nuv thiêz huôv tsar tox siêz, phongx kinh tế chuôz tsar tiês têx faz tsưr ziv qênhz yuôx, phax tuô zênhx max. Zơưv Chu Văn Bách, Phưv Chi cục tsar Chi cục por vêv đrox tsuôs tỉnh Điện Biên heik pâuz:

          “Nhiv no Chi cục chox kriê tsôngv box heik têx qơư, xuz thơưx zos chuôz tsar qênhz shuôs, nhênhz chơưv heik trâu hâu nov ntơưv qơư pâuz. Tiv 2 zos phênhz côngz canr bôv seiz kaz têx thax tsav zov chênhr, chiê uô chas bax tâu tsưr ziv hâur njuôk xav, pâuz tâu nzor têx caz hmoz tho nox uô hiêv kôngz, đhâu ntơư zos phax tuô, lov nzor tsi chiê têx caz hmoz huôv xênhz ntâu. Tsôngv box tsuv bax tsưr ziv qênhz yuôx shuôs têx đras liêx, thâuv pov caz hmoz huôv xênhz lok sik nhiv kruôr muôx mê njik mak tsuôs ciês yuôx tuô, lov zênhx max”./.

 (CTV-Riê Lâux cxeik, nhênhv)

          2, 3 shông jê lok no, tâu cxuô cấp hâu nov yax kriê, lar heik txix thâuv uô lơưr têx chei, cui tinhv uô jâuz mor nox chêx tsôngk trâu shux xênhz nox nhoz hâur tsêr cơưv, cơưv ntơưr niêv txir zus mor, tsi tiêk hlôngr yiêz tâu qênhx shênhx shux xênhz cơưv txos tos txos nta chiv chir tso ntơưr tsês mak têx nhuôs shux xênhz nhoz Sơn La tsơưr lươngv cơưv ntơưr tưz jux juk tâu gra  siêz. Lar heik hâur ntơư zos muôx tsêr cơưv phưv thôngz mênhx cxưx niêv txir zus mor lok zos tsêr cơưv Phổ thông dân tộc niêv txir zus mor cxenhx 2 Mường Cai. Đros thiêz nhoz trâu xã ntus đriv, txov nhêv yax hâur tỉnh Sơn La, 100% zos tsôngv box heir nênhs tsơưs, viv li đrav ntêx thâuv tsi tâu uô jâuz mor trâu shux xênhz nox hâur tsêr cơưv, chor shux xênhz chiv chir tso ntơưr tsês muôx kênhs jiês ndê txos 20%. Taz sik txix shông cơưv 2013-2014, tsêr cơưv cxênhx 2 Mường Cai tsưr tsix uô jâuz mor nox trâu shux xênhz nhoz hâur tsêr cơưv, cơưv ntơưr niêv txir zus mor trơưk têz qơưk têx chei, cui tinhv paz mak chor shux xênhz tso ntơưr tsês tưz txo grêk tsơưs ntâu./.

(VOV4-Riê Lâux cxeik, nhênhv)

          Zơưv Nguyễn Ngọc Hinh, phó chủ tịch uỷ ban huyện Sa Pa, tỉnh laox cai hêik pâuz,  hâur oz hnuz 18-19/2017, Sa pa tưz tok tâu 3,5  vạn lênhx kruô tuôx sêiz shuôk têz qơưs. Muôx 200 ntâu luz tsêr kruô, tsêr so thiêz muôx xar 100 ziv chuôz zis, uô qơư tok kruô tuôx so, tsôngv kruô tuôx sêiz shuôk têz qơưs cux so pur tas hur tiz si. Lar hêik zos tsôngv kruô tuôx trâu sa Pa hauar hnuz kaz ciêz thưr 7 thiêz uô trâu ntâu ntu cêr ntơưv Sa Pa yêz muk lok tsik đhâu, uô phiv liv txos lực lươngx công an sêiz car cxuô txox cêr ntơưv Sa Pa./.

                                                     (Tsu cxêik nhênhv-VOV4)