Zar hnuz kêix hnuz 20/6, Tỉnh ủy-HĐND-UBND tỉnh Yên Bái tsưr tsix njiz njêx muôs chiv nhênhv 92 shông Hnuz pov tsir cách mạng VN (21/6/1925-21/6/2017) thiêz muôz huv kruôs trâu têx tuz sâu xor xưv Yên Bái sâu tâu pov tsir jông shông 2017.

Txos nhiv no, hội têx lênhx nênhs uô ntơưr pov tsir tỉnh Yên Bái muôx 182 lênhx, têx cơ quan pov tsir ntơưv qơư thiêz cơ quan tuôx nhoz hâur tỉnh uô hâux lưv pov tsir tưz seiz kaz, heik mênhx, uô tâu trơưk Đảng, têz qơưk tsưr ziv chox car, fuô kriê lok sâuv luz nênhx nox nhoz; xa mông cxix cxuô, zênhx max lok têx txơưr txar luz nênhx xã hội trơưk tsôngv box sơưr đơưk tsưr ziv, siêz xar, paz jông trâu tsôngv pêx xênhv luz nênhx huôv tsar./.

(KT-Chia dịch đọc)

           Nhiv kruôr đhâu, ntơưv huyện Mộc Châu, tỉnh Sơn La, Hôiv gâux muôv vir ndâuk tỉnh tưz tsưr tsix jiês cơưv hênhr kruôk chor gâux muôv vir ndâuk mênhx cxưx tsơưs nênhs uô kinh tế hênhr jiês tiv iz.

Hêik ntơưv jiês kruôk, zơưv Hoàng Văn Chất, bí thư tỉnh ủy ntâuk gri siêz chor gâux muôv vir ndâuk mênhx cxưx tsơưs nênhs txơưx uô kinh tế hênhr hâur ntu đhâu li têx chêx cur. Thôngx cxix, hêik chor sở, ban, nganhx, têx huyện, thành phố kroz uô đros chor tsaz yênhx, dự án huôv star kinh tế-xã hội, taz por muôx pox niêv cxaz chuôz thiêz tâu sơưv liv; paz muôx hâux lưv uô, tsov cưv paz trâu chrr gâux muôv vir ndâuk mênhx cxưx tsơưs nênhs, gâux muôv vir ndâuk muôx luz nênhx txov nhêv sir jos hla đhâu cêr pluôs, huôv tsar kinh tế-xã hội…/.

(KT-Lik Thox cxêik nhênhv)

          Jiês thik cơưv tiêr ntơưr lớp 12 thôngz têz qơưk shông no, tỉnh Lai Châu muôx 3.300 ntâu lênhx shux xênhz đas cir dưv thik ntơưv 16 qơư thik. Txos iz jiês no, cxuô luôs hâux lưv bax trâu jiês thik txix taz por txiv ngaz, vêv xênhz ngaz tuk zav nox; txos trâu cxuô zav lok sâuv têx chuôz zênhx, qơư thik, seiz thik, niêk uô têx ntơưr thik.....tưz uô tâu tiêr hur si. Têx huyện Phong Thổ, Mường Tè, Nậm nhùn, Sìn Hồ, Than Uyên tưz cxiv tsa tsưr ziv paz nhiêx nox nhoz, mul lok trâu têx shux xênhz muôx luz nênhx txov nhêv, iz lênhx tâu paz txix 50-100 cxênhz đeiv. Xưk li têx shông đrav ntêx, cxuô thax tsav hâur tỉnh tror paz hur si lok sâuv qơư nhoz, mor nox tsi zuôr shux xênhz nhiêx./.

(Khắc Kiên-Riê Lâux cxeik, nhênhv)

         Tsênhv qơư y tế huyện Mường Chà, tỉnh Điện Biên nhiv kruôr chơưv paz tâu iz lênhx nênhs moz zuôr trấu stuôs tiv chiv chir plênhr yuôx por vêv đrox tsuôs trâus luz chêr cov tsik khâuk.

Nênhs moz tâu xav jênhv zos niêv tix Cử Thị Phua, zus shông 1971, mênhx cxưx Hmôngz, nhoz ntơưv jok Nậm Hài, xã Chà Cang, huyện Nậm Pồ. No zos nênhs pâuz tsik tsênhz têx phiv liv txix chor yuôx co, viv li nganhx y tế huyện Mường Chà tưz hêik chor cán bộ y tế tiv phaz sir jos yax kriê, hêik trâu sơưr đơưk pâuz lok sir zôngv têx yuôx por vêv đrox tsuôs tsik huv tsưr ziv li kror phiv liv, cux xưk li tsuv tuôx njuôk shuôk moz ntơưv têx qơư y tế thâuv muôx moz…/.

(Vũ Lợi-Lik Thox cxêik nhênhv)