Ndax trâu chiv nhênhv 72 shông hnuz cxiv tsa tâu tuz lênhv VN thiêz 27 shông Hội quốc phôngx, hnuz 20/12, Bộ tuz lênhv tỉnh Sơn La tưz tsưr tsix nthuôr uô cêr lov jêv muôx njiêz luk “Tuz lênhv thax tsav faz Bắc”, ntơư zos suôz sênhr hêik cưr cxiêx cxươz cxiz cxuô lênhx tuz lênhv tir ntâuk tros châuz cxiv kho têz qơưs hauar ntu đrav ntêx. Đhâu ntơư, yax kriê tsôngv hluôk px sđ đros cxiv tsa quốc phôngx truôx tuk, hlôngr yiêz.  Pos Lò Thị Thắm, nhoz huyện Mường La hêik pâuz:

    “Cur sêiz mak cux lov jêv hênhr thiêz jông siêz; cxuô jax nthuôr uô cêr lov jêv ntơư jông sêiz hênhr thiêz huv đros cxuô hêir nênhs sđ”./.

(Tsu cxêik nhênhv-Hoàng Long)

     Sở vênhx huôv-Thêv thao thiêz ju lix tỉnh Lai Châu nhiv kruôr tso tơưv thiêz côngz fur sâuv tas nro têz qơưs lok Lê Minh Cừ, hội viên Hội vênhx huôv vênhx ziv tỉnh têx ntơưr sâu pax huôv, jax sâu, suôz gâux “heik lok têz qơưs”. No zos muôx 8 jax gâux tâu cxeik, sênhr suôz heik lok heir nênhs Hmôngz têx suôz sênhr gâux hâur ntu nhiv no. Six hơưv cxiv sâu têx gâux co muôx têx lênhx txơưx sênhr suôz, pâuz heik gâux jông zos heir nênhs Hmôngz đros uô, viv li cux uô tâu trơưk nênhs Hmôngz têx txux chi, vênhx huôv, suôz sênhr cưr cxiêx. Uô tâu tiêr, tso tơưv têx gâux heik sâu, tsi tiêk paz piêr kriê tsôngv box Hmôngz nhoz Lai Châu têx đuôz, txux chi, vênhx huôv jông mak tsênhv paz phênhv tuôr tsês chiê tâu jông pêz Hmôngz têx phôngz cxưx, cêr nênhx vênhx huôv./.

(Bích Thủy-Riê Lâux cxeik, nhênhv)

     Hâur shông 2016, chor nênhs chêix tsar yêz uô yêz siz đrâuk siz tsông muk lok tâus cêr hâur thax tsav tỉnh Yên Bái tưz txo grêk tsơưs lơưv ntâu. Tsênhz mênhx, hur si tỉnh muôx yưv 221 txuz uô yêz siz đrâuk siz tsông  muk lok tâus cêr, uô 57 lênhx trâus tuôs, 263 lênhx trâus saz; xav mak txo grêk tsơưs 3 txuz thiêz txo grêk tsơưs 8 lênhx trâus tuôs,  6 lênhx trâus saz pir li shông uô ntêx. Uô tâu truôx têx luôs hâux lưv li hêik sâu, cux zos cxuô lực lươngx công an tỉnh Yên Bái tưz uô jông  côngz xưv yax kriê thiêz sêiz car truôx chor nênhs tsar yêz muk lok tâus cêr tsik trơưk chêi zos đrêiv chêi têz qơưs tso tơưv. Thiêz txix nhiv no txos tsiêz 30 têz qơưs shông 2017 thiêz đhâu tsiêz, cxuô lực lươngx cux tsênhv tror uô jông luôs hâux lưv sêiz car chor nênhs tsar yêz muk lok tauas cêr cov zos đrêiv chêi fuô.  Zơưv Bùi Danh Tú, phưv giám đốc sở zoz thôngz tỉnh Yên Bái hêik pâuz:

     “Ban sêiz car chor nênhs tsar yêz muk lok tâus cêr tưz tso tơưv luôs hâux lưv uô, sêiz car chor nênhs tsar yêz muk lok tâus cêr hâur ntu zuôr txos tsiêz têz qơưs shông 2017; Lar hêik, yax kriê px tsik hâuk chơưr, bia thâuv tsar yêz thiêz thâuv chêix tsar yêz tsuv ntông câuk mov yêz, tsik uô yêz siz đrâuk siz tsông muk lok tâus cêr”./.

(Tsu cxêik nhênhv-Thừa Xuân)

     Hâur shông 2016, hâur tas nro thax tsav tỉnh Lào Cai, têx txuz uô yêz siz yar siz đrâul tâus cêr tưz txo grêk hur si 3 tsưr ziv (zos txo grêk têx txuz uô yêz siz yar siz đrâul, lênhx nênhs trâus tuôs thiêz nênhs trâus saz). Tsênhv tênhz, tas nro tỉnh muôx 144 txuz uô yêz siz yar siz đrâul tâus cêr, uô tuôs 66 lênhx nênhs, 155 lênhx trâus saz. Pir li shông 2015. Txơưv tiêk têx txuz uô yêz siz yar siz đrâul tâus cêr txo grêk, taz sik qênhx shênhx uô lơưr chei, cui tinhv ngaz tuk zoz thôngz cux yuôr ntâu kror uô tsi tâu trơưk li: Nênhs cheix yêz muk lok tâus cêr uô cxâuv ntâu têx chei, cui tinhv, lar heik zos hâuk chơưr bia thâuv zuôr tsar yêz, tsi ntông câuk mov por hưv tâuz hâu thâuv cheix yêz, têx yêz meir, yêz tuôv tênhv thâux ntâu lênhx nênhs đhâu cui tinhv, tsar yêz muk chênhr….. Hâur shông, lưv lươngv muôx vax huôv tưz qênhz pov, uô ntơưr bluô 13.533 lênhx nênhs uô cxâuv têx li heik sâuv; tax sâu tsês 1.470 têx ntơưr tsar yêz thiêz tuôr chiê 1.309 ntơưr tsar yêz muk lok tâus cêr./.

(TTT-Riê Lâux cxeik, nhênhv)