zar hnuz kêix 20/4, zơưv Nguyễn Ngọc Thiện, Ủy viên Ban chấp hành Trung ương Đảng, Bộ trưởng bộ vênhx huôv thể thao thiêz du lịch tưz muôx jiês uô hâux lưv đros lênhx tov tỉnh Sơn La. Hêik ntơưv jiês uô hâux lưv, Bộ trưởng Nguyễn Ngọc Thiện hêik tỉnh Sơn la huôv tsar du lịch tsuv uô đros huôv tsar tênhv qơư; tsov cưv txos tuôr chiê di sản vênhx huôv vật thể thiêz phi vật thể…Tiv zix, đros thax tsav di tích têz qơưk Mộc Châu, tỉnh tsuv sir jos đuô thiêz hâur hu grus sơưr đơưk yưv pênhr. Bộ trưởng Nguyễn Ngọc Thiện hêik:

        “Pêz muôx 3 kror cêv kuôk, cêv kuôk huôv tsar du lịch tỉnh, cêv kuôk qơư di tích têz qơưk Mộc Châu, cêv kuôk thax tsav pak đêx tênhv mak cur hêik sơưr đơưk tsuv sir jos. Tsuv zaz zâuv yưv pênhr, hêik chor nênhs yưv pênhr uô huv li tsưr ziv”./.

(Hồng Việt-Lik Thox cxêik nhênhv)

         Zar hnuz kêix hnuz 19/4, tỉnh Lai Châu tsưr tsix cơưv Ban chox kriê lênhx ngênhx lok vêv xênhz ngaz tuk zav nox. Ntơưv jiês cơưv têx lênhx đại biểu cux tâu mnôngs heik cxuô txos qênhx shênhx kâus tưx chơưr Methanol ntơưv jok Tả Chải, xã Ma Ly Chải, huyện Phong Thổ thâuv hnuz 13/2/2017. Đhâu ntơư, chiê trâu sơưr đơưk pâuz tsênhz, pâuz mênhx txos têx lul heik, mông xa, đros trâu têx taz viv, cxuô cấp hâu nov têx hâux lưv sik paz uô thâuv muôx txuz kâus tưx zav nox hâur thax tsav. Heik ntơưv jiês cơưv, chor đại biểu tưz gôngr ntâu ziv chênhv, tsưr ziv trâu taz por vêv xênhz ngaz tuk zav nox hâur thax tsav tỉnh li: Nzaz nzơưv têx mông heik ntâu txos hâur mạng xã hội trâu xa têx mông cik txos vêv xênhz ngaz tuk zav nox; chuôz tsar tiês uô jông hâux lưv seiz car têx qơư uô lax luôv, zuôr muôs têx zav nox hâur iz qênhz tsav têx tsêr cơưv ntơưr./.

(KT-Riê Lâux cxeik, nhênhv)

       3 hnuz đhâu, lưx lươngv qênhz yuôx Lào Cai hâur qênhz yuôx sâuv thax tsav ntus đriv tưz pov, sâu tsês 2 kror hax huv kê kêiz ol zuôr lok hâur têz qơưk tsik zos chêi txix Trung Quốc. Đội qênhz yuôx Hải quan Lào Cai tưz tso tơưv cuêz tênhv xưv lik lơưr cuiz tênhv. Uô ntêx qênhx shênhx caz moz ơưk kêiz ol A/H7N9 tsênhv phiv liv ntơưv ntâu tiv phaz nhoz Trung Quốc, zuôr zôngx ziv cik lok hâur têz qơưk siêz. Viv li, chor lưx lươngv txơưx jênhv tỉnh Lào Cai zuôr sir jos qênhz yuôx, tir thêir têx kêiz ol thiêz hax huv kêiz ol pâuz tsik tsênhz qơư tâu zuôr tsik zos chêi lok hâur têz qơưk./.

(An Kiên-Lik Thox cxêik nhênhv)

        Đhâu thâuv muôx txuz cêr pôngz siêz, 2 lênhx niêv tuz trâul tuôs tiv nox zuôv cêr yuôx nox tuôs, huyện Nậm Pồ, tỉnh Điện Biên tưz chuôz tsar têx faz tsưr ziv yax mông, heik kriê trâu tsôngv box sơưr đơưk tsưr ziv jênhv pâuz thiêz tiz jông seiz shuôs têx đrox heik co. Iz chas ntơư, têx hnuz đhâu, huyện Nậm Pồ tưz chox kriê lưv lươngv Công an, đros huyện têx lênhx hâur Hôiv đôngx fuô kriê têz qơưk têx chei pháp luật muk trâu têx thax tsav, suôv qơư chiê yax kriê trâu sơưr đơưk pâuz tsênhz txos zav yuôx no li têx tsi jông; gra zav yuôx heik sâuv muk kriê trâu sơưr đơưk pâuz, cov lưv tuk tsi cxoz đê zuôv cêr lok nox xưk li têx muôx yưv nhiv kruôr heik tas sâuv. Iz chas ntơư, hu zâuv têx hluôk nênhs ntơưv têx xã hâur thax tsav đros luôx têx xuôz tsuôs, har đrox muôx yuôx nox tuôs chiê txar jav tsi muôx nzir têx cêr pôngz siêz li heik ntơư./.

(Vũ Lợi-Riê Lâux cxeik, nhênhv)