Xav txos iz jiês no, tỉnh Lào Cai muôx 3.600 doanh nghiệp tâu tso chei uô lax luôv. Hâur ntơư, muôx nhos 2.300 doanh nghiệp tsênhv uô hâux lưv, nhoz hâur thax tsav, phênhv ntâu zos hâur têx hâux lưv li: cxiv tsa thiêz công nghiệp…..

Uô ntêx, têx doanh nghiệp hâur tỉnh tưz zok nriêr tâu 60 cxênhz ntâu zav nuv uô trâu lox tôngv ntơưv qơư. Shông 2016, doanh nghiệp nhoz Lào Cai têx nhiêx gôngr paz uz no trâu têz qơưk tâu 3 cxênhz tỷ đeiv ntâu.

Tỉnh Lào Cai nhiv no tsênhv muôz jông six hơưv trâu doanh nghiệp huôv tsar. Tỉnh sir jos txos shông 2020 zuôr muôx 10 cxênhz ntâu doanh nghiệp. Zơưv Nguyễn Huy Long, Phưv Chủ tịch Hiệp hội Doanh nghiệp tỉnh Lào Cai heik pâuz:

         “Chiê uô tâu jông đuô, pêz tsênhv tsưr tsix yênhx lix nzir têx công ty chiê siz chos huôv tsar huôv tsar uô, phuôx huiz têx muôx jông. Đros thiêz trâur nuv yiêz, pêz zuôr gra lok ntâu hâux lưv uô trâu ntâu lênhx lox tôngv, chuôz cxaz phênhv sâu tâu, muôx cêr sik thôngx siêz hâur côngv thôngx doanh nghiệp cux li paz trâu tỉnh Lào Cai huôv tsar hâur ntu sik côngv đros luôs 2 chas thax tsav uô nox”./.

 (An Kiên-Riê lâux cxeik, nhênhv)

          Tsôngv box….! Xã Tuy Lộc, TP Yên Bái txix thâuv ntêx lok tưz tâu pâuz txos zos thax tsav côngz ntâu têx jâuz tâuv trâu TP Yên Bái thiêz têx thax tsav nhoz jê iz ndis ntơư. Têx hnuz no, tsôngv box nhoz suôv qơư co tsênhv chêx tsôngk sâu đê têx jâuz tâuv chiv uô ntêx, chos thiêz tu têx jâuz chiv chos yiêz chiê zênhx amx phưx vưv zoz qơưx ciêz đrôngs. Têx shông jê lok no, lênhx nênhs chos jâuz nhoz Tuy Lộc tưz tâu heik kriê tsưr ziv chos trơưr têx tsưr ziv yiêz jâuz ngaz tuk, tưz muôx zuôr xar 60 paz, uô trơưk chuôz zis chos lơưr tsưr ziv VietGap. Luôs hâux lưv chos jâuz lơưr tsưr ziv no tưz paz gra siêz têx jâuz tâuv uô tâu hâur têx liêx têz. Tix lâus Trần Quốc Dương, nhoz jok Minh Thành,  xã Tuy Lộc heik pâuz: đros thiêz chuôz zis 2880 xưv phaz liêx, zos uô blêx li đrav ntêx mak tsuôk txâuk nox xưz; txix thâuv muôz hlôngr chos jâuz, iz shông chuôz zis tưz muôx phênhv sâu tâu 60 tsov đeiv. Khov chos jâuz tâuv hâur niêx shông, tsôngv box Tuy Lộc luz nênhx tưz iz hnuz hlôngr yiêz jux juk. Shông 2016, xav kror đruôz đraz iz lênhx nênhs sâu tâu zuôr xar 28 tsov đeiv, têx chuôz zis pluôs hâur xã tsuôk yuôr tsơưs đuô 5%, paz chox Tuy Lộc yênhx xã xuz thơưx hâur TP Yên Bái tâu côngz jênhv uô tâu luôs hâux lưv cxiv tsa jêx jok yiêz./.

 (Thừa Xuân-Riê lâux cxeik, nhênhv)

          Chi cục kiểm lâm tỉnh Điện Biên nhiv kruôr yơưz tâu 13 thôngx ntông chiêz thiêz ntông đaz; nhiv no cux tsênhv qênhz yuôx pâuz tsik tâu tsênhz mênhx chor nênhs nhiês txiêr ntơư. Uô ntêx ntơư, zos hnuz 20/2, Chi cục kiểm lâm tỉnh Điện Biên cux zok nriêr tâu iz chor ntông nhoz trâu ntơưv iz saz ntus cêr, xã Ẳng Tở, huyện Mường Ẳng, tỉnh Điện Biên. Chor ntông ntơư cux pâuz tsik tsênhz mênhx chor nênhs ruôr ntor ntơư./.

                                                           (Tsu cxêik nhênhv-CTV-TTTB)