Hnuz 21/6, đoanx côngz xưv Bộ zoz zux thiêz thox cxov zos thứ trưởng Bùi Văn Ga uô trưởng đoàn tưz muk qênhz yuôx côngz xưv tsưr tsix jiês thik cơưv tiêr ntơưr cxênhx pêz têz qơưk shông 2017 ntơưv tỉnh Yên Bái. Jiês thik cơưv tiêr ntơưr cxênhx pêz têz qơưk shông 2017, tỉnh Yên Bái muôx 6.881 lênhx shux xênhz đăngk cir dự thik. Hâur co muôx 3.993 shux xênhz đăngk cir thik cơưv tiêr ntơưr, 2.411 lênhx shux xênhz cê đăngk cir thik cơưv tiêr ntơưr cê đăngk cir xêir zuôr cơưv đại học, cao đẳng, 477 lênhx shux xênhz tsuôk thik chiê xêir zuôr cơưv đại học, cao đẳng, 598 lênhx shux xênhz thik tự do…/.

(KT-Lik Thox cxêik nhênhv)

       Qơư cxiz kôngz Thuận Châu, tỉnh Sơn La nhiv kruôr đros Công ty zuz nôngz tsoz chos T.Ư tsưr tsix cơưv lok trâur nuv hlôngr yiêz uô zav nôngz blêx tsư ha Hưng Yên ntơưv xã Chiềng pấc, huyện Thuận Châu. Zav nôngz blêx tsư ha Hưng Yên co tsêz chos tâu 2 chiv (chiv ntux yiêz thiêz chiv ntux tsâus). Blêx muôx têx tsi yuô trâus caz hmoz tho nox uô ruôr hiêv, tir tâuk ntux kruôr gis, chor car blêx khor, six hơưv uô thiêz hloz lox zos txix 125-130 hnuz, huôv jông, chor blêx pur, lox siz luôs. Xav kror đruôz đraz iz ha sâu tâu 6,5 tênhr. Tsơưr lươngv cxur đơưz, jôngx muôs, jông nox...../.

(KT-Riê Lâux cxeik, nhênhv)

         Shông 2017, tỉnh Điện Biên tâu choz 17.696 triệu đêiv chiê uô Dự án huôv tsar kinh tế-xã hội thax tsav mênhx cxưx Cống. txos nhiv no, tưz muôz tâu muôx 13 tiv đêiv ntâu. Hâur co, yưv pênhr cxiv uô 4 côngz trình (3 côngz trinhx uô nzir txix shông 2016 thiêz 1 côngz trình cxiv uô yiêz). Hâur chor côngz trinhx tâu yưv pênhr uô, côngz trinhx qox đêi jok Púng Bon, xã Pa Thơm (huyện Điện Biên) tưz uô tiêr thiêz muôz lok sir zôngv. Côngz trinhx cêr zoz thôngz (ntu 2) jok Lả Chà, xã Pa Tần (huyện Nậm Pồ) thiêz cêr zoz thôngz Pa Thơm-Huổi Moi (ntu 2) xã Pa thơm njuôk xav uô tiêr choz zok muôz lok sir zôngv kaz hli 6/2017./.

(KT-Lik Thox cxêik nhênhv)

         Nhiv kruôr đhâu, Công an huyện Than Uyên, tỉnh Lai Châu tưz ruôr por tsês tâu txuz plâuz muôx số 617M lok sâuv nhiês zuôr muôs, uô luôv zax zênhz tsi trơưk chei. Đhâu qênhz yuôx shuôs, sox seiz, Công an tưz ntêk tâu Hùng Xênhv Zax, xênhz shông 1983 nhoz ntơưv jok Hua Đán, xã Khoen On, huyện Than Uyên, tsênhv taz tov zuôr muôs zax zênhz tsi trơưk chei. Đhâu qênhz yuôx, yơưz vơưz, têx  lênhx công an tưz sâu tsês tâu xar muôx 2 cir zênhz đuz thiêz iz cxiê chuôz zênhx txơưr đuô cik txos. Krêz đar qênhz yuôx, lưv lươngv Công an huyện ntêk zênhx max tâu Tu Xênhv Zax, xênhz shông 1982 nhoz ntơưv xã Chế Tạo, huyện Mù Cang Chải, tỉnh Yên Bái, sâu tsês tâu 1,18g zênhz đuz thiêz iz cxiê chuôz zênhx txơưr đuô . Nhiv no, Công an huyện Than Uyên tsênhv tror qênhz yuôx, uô tsênhz mênhx txuz plâuz heik sâuv./.

(KT-Riê Lâux cxeik, nhênhv)