Hâur hnuz thik xuz thơưx jiês thik cơưv tiêr ntơưr cxênhx pêz têz qơưk shông no, tỉnh Điện Biê muôx 37 lênhx shux xênhz tsik tuôx thik. Chôngz lênhx shux xênhz cxơưx hlo lok chêx cur thik trắc nghiệm môn toán zar hnuz kêix 22/6. Ntơưv qơư thik tsêr cơưv ntơưr cxênhx pêz thành phố Điện Biên Phủ, jiês thik môn toán tsik muôx lênhx shux xênhz tưs tơưv uô ntêx tas six hơưv thik. Chôngz lêhx shux xênhz hêik tiêk, thik trắc nghiệm môn toán lok six yiêz, chor shux xênhz tsuôk txâuk six hơưv uô jax thik thiêz tsik muôx six hơưv sêiz shuôk đuô zuk jax thik. Shux xênhz Đoàn Xuân Hòa hêik:

         “Lok chor jax nus mak đar thiêz cur pov li co lok six ntâu. Six hơưv uô muôx njil lur viv li pêz cux uô tsik tâu tas jax thik. Cur tsuôk uô tâu xar muôx 70%, 30% tsênhv yuôr mak khov trâu hmôngr xưz”./.

(Vũ Lợi-Lik Thox cxêik nhênhv)

          Zar hnuz keix hnuz 22/6, têx shux xênhz tỉnh tox siêz Yên Bái qir thik môn Toán. Jiês thik tâu ntâus grê tsưr tsix jông, tsi muôx shux xênhz thiêz lênhx nênhs seiz thik tưs uô cxâuv quy chế thik. Taz sik, tas nro tỉnh muôx 29 lênhx shux xênhz tsi tuôx thik. Lok đề thi, têx shux xênhz ntâus grê tsi lax uô, huv đros yênhx tưv cơưv hâur tsêr cơưv. Shux xênhz Lê Thu HUyền Hạnh, tsêr cơưv THPT Nguyễn Huệ, thành phố Yên Bái puz pâuz:

          “ Cur pov đề thi cux fênhx yax, huv đros yênhx tưv thâuv zuk siv thik. Cur jax thik cux uô tâu 70%”./.

( Thừa Xuân-Txâur Vax cxeik nhênhv)

         Lơưr Công an huyện Mường Tè, tỉnh Lai Châu li hêik pâuz hâur 6 luz hli hâur shôngk shông no, sâuv thax tsav huyện muôx yưv 5 txuz txiêz nanv zoz thôngz, 5 lênhx nênhs trâus saz, tsik muôx nênhs trâus tuôs (pir li six chênhz shông 2016 txo grêk 3 lênhx nênhs tuôs). Chêx cur no zos Công an huyện sik côngv đros Đaix nta suôz- đuôz shav, Phòng vênhx huôv-thôngz mông, Phongx zoz zux thiêz Thox cxov huyện, lưx lươngv Công an xã sir jos yax kriê pháp luật zoz thôngz sâuv thax tsav chiê gra siêz pêx xênhv li jênhv pâuz thâuv cxaz chuôz zoz thôngz. Tsênhv njiêz yax kriê zos “Cxiv tsa vênhx huôv zoz thôngz hâur hluôk nênhs” thiêz têx cuiz tênhv mak nênhs cxaz chuôz zoz thôngz tsuv uô lơưr Luật zoz thôngz cêr ar…/.

(KT-Lik Thox cxêik nhênhv)

          6 luz hlik hâur shôngk shông no, tỉnh Sơn La zaz zâuv 57 dự án yưv pênhr, chuôz tsar 3 jiês pir đros thiêz tsêz no, chuôz ndê tas nro dự án yưv pênhr hâur tỉnh txos 370 dự án, hâur co muôx 9 dự án đrâuv luôk oz chas têz qơưk. Tas nro pênhr đăng ký yưv zos 26 cxênhz 500 tỷ đeiv. Tỉnh Sơn La tưz chêx chôngk hlôngr yiêz ntâuz ntơưr hành chính, txu grês six hơưv uô têx ntâuz ntơưr yưv pênhr; seiz car, tso tsês têx cui tênhv tsi huv đros, tiv zix zos đros hâux lưv cungz Ntơưr côngz jênhv đăng cir yưv pênhr, đăng cir muôv muôs, tsov cưv yưv pênhr..../.

Hồng Việt- Txâur Vax cxeik nhênhv