Cxôngx qênhx shênhx moz Covid-19 li têx huôv xênhz phêv liv, đrâuv chuôz tsar seiz car jông ntơưv têx qơư seiz car moz Covid-19 đros lênhx nênhs thiêz têx yêz muk lok, tỉnh Sơn La zuôr tsưr tsix njuôs siv sei tas nro lênhx nênhs muk lok sâuv thax tsav tỉnh; thôngx cxix chuôz tsar qênhz yuôx hâux lưv uô Bộ y tế li tsưr ziv “5K”. Lơưr thôngz sâu, iz hnuz Sơn La muôx nhos 1 cxênhz 200 lênhx nênhs muk lok hâur thax tsav, hâur co muôx muôx nhos 300 lênhx nênhs zos lox tôngv nhoz têx qơư công nghiệp nhoz têx tỉnh Bắc Giang, Bắc Ninh, Hải Dương, Bình Dương, Hà Nội....tror lok tiv phaz. Nhiv kruôr jê ntơưv no, đhâu njuôs siv moz, Sơn La pov muôx 2 lênhx nênhs cxôngx Bình Dương tror lok tưz trâus caz moz SARS Covi 2, chuôz ndê têx lênhx nênhs trâus moz cxôngx hli 5 txos nhiv no zos 3 lênhx. Đrâuv têx lênhx nênhs no, Sơn La cux tưz sâu jênhv tas nro 11 lênhx nênhs tror trâus moz, tas nro puôr lênhx tâu cêv kuôk thâuv lok txos tiv phaz, viv li njuôs xav cik moz trâu côngv thôngx mak tsơưs./.

(Thu Thùy-Txâur Vax cxeik nhênhv)

Cux ntơưv Sơn La, chiê uô tâu jông côngz xưv phax tar caz moz, nzor pov, pâuz tâu chor nênhs zuôr zôngx ziv cik caz moz ntơưv côngv thôngx, tiv zix zos chor nênhs txix têx qơư txơưr đuô lok hâur thax tsav, đrâuv choz jênhv vưv siêz tiv zix trâu chor nênhs sơưr thơưx nhoz yênhx cơ quan, taz viv, thax tsav qơư, thành phố Sơn La nhiv no cux tsênhv moz siêz txos chor tôv phax tar moz Covid-19 côngv thôngx li têx hâux lưv uô chiê sêiz kaz tâu truôx jông chor nênhs muk lok trâu hâur thax tsav qơư. Zơưv Trần Công Chính, Phưv chủ tịch UBND thành phố Sơn La puz pâuz:

“Thax tsav thành phố mak nhiv no muôx 1.015 tôv phax tar moz Covid-19 côngv thôngx, đros muôx 2.900 lênhx nênhs uô hâux lưv; iz tôv muôx 3 lênhx nênhs. Chor tôv no têx hâux lưv uô mak tâu phêiz trơưk thax tsav qơư pêx xênhv nhoz. Xav mak iz tôv phax tar moz Covid-19 côngv thôngx tâu phêiz sêiz shuôk xar muôx 26 ziv chuôz zis sâuv thax tsav. Chiê chor tôv no uô tâu hâux lưv jông, pêz tưz choz trâu trạm y têr têx xar, phường kruôz kriê ciês hâux lưv uô trâu chor nênhs no đros uô ntâu tsưr ziv, zos pov muôx cik txos caz moz ntơưv thax tsav qơư mak nriêr pâuz tâu sêi thiêz ndar six hơưv”./.

(Thu Thùy-Lik Thox cxêik  nhênhv)

Muôx lênhx coaz txos txuz ntor luôx jôngr chiêz phax phưv sâuv trôngz Pha Đin nhoz xã Tỏa Tình, huyện Tuần Giáo (huyện Điện Biên) mak VOV thiêz têx chiz coaz pov tsir txơưr tưz heik hâur ntu đhâu, UB huyện Tuần Giáo nhiv kruôr tso tơưv Cuiz tênhv tso tsês tsi puz uô hâux lưv đros Chủ tịch UB xã Tỏa Tình chiê uô tsênhz mênhx txơưx jênhv viv li chas chiê muôx yưv qênhx shênhx ruôr hiêv jôngr phax phưv sâuv thax tsav.

Lơưr co, tso tsês tsu puz uô côngz xưv hâur 15 hnuz đros zơưv Lầu A Dùa, Chủ tịch UB xã Tỏa Tình tiv chiê muôx yưv qênhx shênhx ntor jôngr ntông chiêz phax phưv tsi trơưk phuôx lix li cui tênhv ntơưv jos Hua Sa A. Six hơưv uô cuiz tênhv no cxôngx hnuz 23/7 txos hnuz xiêz 6/8. Uô ntêx co, tỉnh Điện Biên tưz muôx ntâuz ntơưr heik UB huyện thiêz UB xã Tỏa Tình ciêr chênhr sik côngv đros têx chiz coaz muôx txơưx jênhv uô jênhv vưv qênhz yuôx, xav tênhv tsênhz mênhx hâux lưv uô cxâuv no. Cxôngx co seiz shuôk têx tập thêv, lênhx nênhs muôx lênhx coaz li txơưx jênhv, chiê uô tsênhz mênhx hâux lưv uô cxâuv thiêz yưr lir trơưk phuôx lix li cui tênhv./.

(Vũ Lợi-Txâur Vax cxeik nhênhv)

Xor mông txix Công ty tênhv tênhz Lai Châu puz pâuz, sâuv thax tsav nhiv kruôr muôx yưv iz txuz hâux lưv iz lênhx hluôk nênhs trâus tênhv gruk thiêz trâus tuôs.

Txuz hâux lưv muôx yưv ntơưv qơư njuôk shuôk tênhv trung thế TBA T1, Tsêr mêir đêx tênhv Nậm Bụm 1, huyện Nậm Nhùn, tỉnh Lai Châu-zos qơư txuôk tênhv đros trâu chor hluôk 35kv NR Hua Bum. Nênhs trâus tuôs zos P.T.L, zus shông 1993, nhoz jok Chang Chảo Pá, xar Hua Bum, huyện Nậm Nhùn. Trơưk têx xor mông xuz thơưx tâu pêx xênhv ntơưv qơư hêik pâuz, qir tiv muôx yưv txuz hâux lưv no zos tiv L nhiês txiêr têx hluô tênhv tưz uô cxâuv lok ngaz tuk tênhv thiêz trâus tênhv gruk. Ntơưv qơư, lưx lươngv muôx vax huôv pov muôx iz trax chiêx txiêr, iz trax txiêz txiêr hluô tênhv, 1 txox hluôk tôngx txuôk tênhv trâu hâur ar M70 thiêz iz luz yêz mêir./.

(Khắc Kiên-Lik Thox cxêik nhênhv)