Trâur nuv “Tsa têx paz nênhs uô hâux lưv chiv chir seiz car jêx jok, qơư nhoz” zos trâur nuv uô tâu jông đuô hur si, zos têx lênhx uô ntêx nyuôs trâu phôngz yaox Tas nro tsôngv box sơưr đơưk sik đros por hưv txiv ngaz têz qơưk hâur tỉnh Sơn La-No zos ntâuk grê ntơưv jiês cơưv ntâuk grê phôngz yaox no shông 2016 tâu tỉnh Sơn La tsưr tsir zar hnuz kêix hnuz 23/2. Txos nhiv no, tỉnh Sơn La tsênhv tuôr thiêz uô đreiv luôs hâux lưv heik sâuv ntơưv 17.500 paz nênhs chiv chir seiz car jêx jok,  qơư nhoz lok txiv ngaz ngaz tuk hâur 100% thax tsav tsôngv box nhoz. Khov li ntơư tưz huiz tôngv tâu tas nro tsôngv box sơưr đơưk têx tsưr ziv, đas jos sik đros uô hâux lưv qênhz pov, sơưr tơưv txênhz, yơưz vơưz têx nênhs fêv, nênhs uô cxâuv, tuôr truôx txiv ngaz thax tsav qơư nhoz. Tỉnh Sơn La cux moz siêz txos cxơưz tiês uô luôs hâux lưv heik sâuv ntơưv 2 thax tsav zov chênhr, phiv liv lok txiv ngaz ngaz tuk zos xã Háng Đồng, huyện Bắc Yên thiêz xã Lóng  Luông, huyện Vân Hồ. Tsôngv px sơưr đơưk têx cêr cxơưx, tsi jông siêz tưz đơưk uô jông ntơưv jông, lar heik zos đơưk tu tâu têx txuz siz txênhz ar têz, siz pênhr chôngz nênhs…..tưz uô tâu jông. Đại tá Trần Anh Tuấn, Giám đốc Công an tỉnh Sơn La heik mênhx:

       “Luôs hâux lưv cxiv tsa phôngz yaox tas nro tsôngv box sik đros tsưx phưv têz qơưk tror tâu xav tinhv zos hâux lưv zov chênhr. Lưv lươngv công an zuôr bax tsưr ziv thiêz sir jos nhênhz chơưv trâu cấp ủy, hâu nov chêx tsôngk lês car, chox kriê phôngz yaox cov taz por tsênhv njiêz, zoz qơưx thiêz uô tâu trơưk tsưr ziv”./.

 (Hồng Việt-Riê Lâux cxeik, nhênhv)

        Chiê bax tsưr ziv phax tar moz trâu têx tsiêx cxu thiêz côngz zav nox ngaz tuk trâu lênhx nênhs sir zôngv, muôz jông six hơưv trâu huôv tsar tu zus tsiêx cxu truôx tuk, tỉnh Yên Bái tưz cxiv tsa tsưr ziv tsênhz mênhx lok sâuv hâux lưv phax tar moz trâu têx tsiêx cxu chiê fuô kriê txos trâu hur tiz si cxuô thax tsav chiê gra siêz tsôngv px sơưr đơưk txux chi tsưr ziv jênhv pâuz. Hâur tas nro thax tsav tỉnh muôx 679.131 tuk tsiêx lox cxuô zav; hâur ntơư, nhux tưv zos 104.695 tuk, nhux đas 24.664 tuk, buô 549.772 tuk thiêz 4,48 tsov tuk keiz ok. Chi cục tsênhv zênhx max cxiv tsa tsưr ziv cxax yuôx vắc xin phax moz trâu têx tsiêx cxu jiês iz shông 2017, kriê tsôngv box uô jông lơưr tsưr ziv, cui tinhv vêv xênhz, tsuôs yuôx tuô, lov caz moz ntơưv têx qơư tu zus, qơư tuô tsênhr thiêz ciêz đrôngs muôs zuôr têx tsiêx cxu; iz chas ntơư đros cxuô thax tsav qênhz yuôx, thôngz sâu têx tsiêx cxu seiz muôx pêk tsơưs tuk…../.

(Báo Yên Bái-Riê lâux cxeik, nhênhv)