Hnuz 24/4, ntơưv zênhx Biên phôngx Chiềng On, huyện Yên Châu, tỉnh Sơn la, Bộ tư lệnh Biên phôngx tưz tsưr tsix muôz 50 tus nôngz nhux puz trâu chor ziv chuôz zis pluôs nhoz iz cxiê xã ntus đriv ntơưv oz huyện Mai Sơn thiêz Yên Châu, tỉnh Sơn la. Thiếu tướng Lê Như Đức-phó sêiz car Chính trị, Bộ tư lệnh Biên phôngx tưz choz zok 50 tus nôngz nhux trâu tỉnh Sơn La. Hâur ntơư muôx 15 tus nôngz nhux tâu muôz trâu 15 ziv chuôz zis pluôs ntơưv oz huyện Mai Sơn, Yên Châu; đuô li zuôr tsưr tsix choz zok cov tas chor nôngz nhux ntơư trâu chor ziv chuôz zis pluôs uô ntêx hnuz 30/4. Zơưv Giàng Lao Giống nhoz jos Pa Khôn, xã Chiềng Tương, huyện Yên Châu hêik pâuz: “Hnuz no tâu tuz lênhv biên phôngx muôz nôngz nhux chox muk zus, cur jông siêz hênhr. Cur chuôz zis zuôr sir jos tu zus cov vav ntâu tus, muôx phênhv sâu tâu cxaz nzir nhiêx txiêx chuôz zis. Cur uô tsâus txos tuz lênhv Biên phôngx”./.

(Tsu vưx cxêik nhênhv-Thào Ly)

       UBND tỉnh Lào Cai nhiv kruôr tso tơưv quyết tinhv tsa đoanx côngz xưv lênhx ngênhx chiê qir uô hâux lưv qênhz yuôx, qênhz shuôs, đơưk tu têx uô cxâuv lok sâuv nav ar qơư Di tích liêx tơư ntêir Sa Pa. Luôs hâux lưv qênhz yuôx zos chiê cxiv kho thiêz tir thêir têx taz viv, tsưr tsix, xiz nênhs, têx ziv chuôz zis hâur thax tsav qơư nav têx ar kuôk cêv por hưv tsês uô têz qơưk, qơư Di tích liêx tơư ntêir Sa Pa. Iz chas ntơư, thôngz đhâu qênhz yuôx, qênhz shuôs cux zos chiê ntâuk grê hâux lưv uô lơưr T.Ư thiêz tỉnh Lào Cai têx cui tinhv hâur hâux lưv seiz car têx qơư di tích chiv xênhz đrox tsuôs jông hâur thax tsav tỉnh./.

(An Kiên-Riê Lâux cxeik, nhênhv)

       Blêx liêx tơư ntêir Mù cang Chải, sêiz njiê jông jav cơưs; taz sik chor liêx tsêz chos tâu oz chiv hâur iz shôngk tsik muôx ntâu. Xav txix kaz shông 2015, huyện Mù cang Chải tưz chos siv 10ha mos sâuv chor liêx tsêz chos tâu iz chiv bliêx liêx, cux sâu tâu trơưk tsưr ziv njuôk xav.  Chênhr zos li hêik ntơư, chiv shông 2016-2017, chor liêx tơư ntêir chos mos tưz tsar ndê txos 20ha; phênhv ntâu zos chos hâur thax tsav xã La Pa Tẩn, Púng Luông, Nậm khắt… sâu tâu nju 5-6 tấn/ha./.

(Tsu vưx cxêik nhênhv,Đinh Tuấn)

       Tỉnh Điện Biên tso tơưv tsưr ziv, shông no hu zâuv yưv pênhr uô 15 dưv anr, đros hur si têx pênhr yưv uô tas muôx nhos 800 tỷ đeiv, hâur ntơư muôx tsơưs tsơưs iz dưv anr têz qơưk đrâuv buôk ti yưv pênhr. Shông uô ntêx, tỉnh tưz muôz ntơưr côngz jênhv đas cir yưv pênhr uô thiêz quyết tinhv tsưr ziv uô trâu 15 dưv anr, hur si têx nhiêx đas cir yưv pênhr uô zos iz cxênhz 700 tỷ đeiv ntâu. Taz sik, hâur hur si ntu 2011-2016, tỉnh tsi muôx dưv anr FDI tưs đas cir thiêz fuô uô. Qir tiv phênhv ntâu zos tỉnh tox siêz, ntus đriv, cêr mul lok phiv liv. Chiê hu zâuv têx dưv anr têz qơưk đrâuv buôk ti yưv pênhr tuôx đas cir thiêz fuô uô ntơưv thax tsav hâur têx shông zuôr txos, tỉnh Điện Biên tưz xav tinhv sir jos cxơưz tiês uô ntâu faz tsưr ziv đuô thiêz./.

(Thu Thùy-Riê Lâux cxeik, nhênhv)