Chiv nhênhv 86 shông hnuz yênhx lix đoanx hluôk nênhs cộng sản Hồ Chí Minh, têik cik hnuz 25/2, tỉnh đoàn Sơn La tưz tsưr tsix kriz uô hli hluôk nênhs shông 2017 ntơưv huyện Mai Sơn, tỉnh Sơn La. No zos huôx tôngv tsênhv tsênhz, phuôx huiz chor hluôk nênhs li pưk txux uô ntêx hlo cxaz chuôz huôv star kinh tế-xã hội thiêz cxaz chuôz cxiv tsa jêx jok yiêz. Hâur hli hluôk nênhs jiês no, tỉnh Đoàn Sơn la njuôk xav zuôr uô cêr bê tông ntơưv xã Mường Bon, huyện Mai Sơn; uô 100 ntâu luz tsêr vêv xênhz; tso nyar siêz jông thiêz têx huôx tôngv vêv xênhz tênhv qơư…tưz zaz zâuv chôngz hluôk nênhs tỉnh Sơn La cxaz chuôz. Tix lâus Lav Xênhv Vax, Bí thư tỉnh đoàn Sơn La puz pâuz:

“Đhâu Hli hluôk nênhs li chor huôx tôngv mak Ban thường vụ tỉnh Đoàn vav tiêk no zos jiês chiê zoz zux Đoàn li chax chês cxôngx nzor, tiv 2 thiêz zos paz gra siêz txơưx jênhv trâu cxênhx hluôk hâur sik côngv têk đros cấp ủy, chính quyền thiêz pêx xênhv uô chor tsưr ziv lok kinh tế, vênhx huôv, xã hội, côx phax, ngaz tuk hâur tỉnh”./.

(Hoàng Long-Lik Thox cxêik nhênhv)

         2,3 hnuz đhâu, chuô txiêk cxôngx faz Bắc lol Lào Cai đros thiêz lol nas yâur iz cxiê qơư viv li jêx tưv grês kis, ntux no njiv nhoz têx thax tsav tox siêz. Tas cik hnuz 26/2, jêx tưv ntơưv têx tiv phaz nhoz Lào Cai tưz grês kis tiv zix, li nhoz TP Lào Cai yuôr 13 tưv, huyện bảo Yên 12,9 tưv, tox siêz Bắc Hà 7,6 tưv. Tiv zix ntơưv thị trấn Sa Pa grês yuôr 4,8 tưv. Njuôs pov cxôngx hnuz no tror mul, jêx tưv zuôr jux jus ndê tuôx. Taz sik, têx tiv phaz tsuv tror krêz uô têx tsưr ziv phax tar ntux no sâu lênhx nênhs thiêz tsiêx cxu./.

( An Kiên- Txâur Vax cxeik nhênhv)

        Phongx cảnh sát hình sự, công an tỉnh Yên Bái nhiv kruôr cxov tâu Cư Seo Đồng, zus shông 1997, nhoz ntơưv huyện Bảo Thắng, tỉnh Lào Cai lok kror cxâuv muôl muôs lênhx nênhs. Lơưr hêik pâuz mak hnuz 17/10/2016, lênhx nênhs co tuk cưr zos Cư Seo Quang, zus shông 2000, nhoz ntơưv thị trấn Phong Hải, huyện Bảo Thắng, tỉnh Lào Cai đros oz lênhx nênhs txơưr đuô zos: Thox Seo Chúng, zus shông 1991, nhoz ntơưv huyện Bảo Thắng, tỉnh Lào Cai thiêz Shôngx Seo Vảng, zus shông 1996, nhoz ntơưv huyện Mường Khương, tỉnh Lào Cai hu tênhv thiêz sik thav đros Đồng sir zôngv yêz mêir chiê thâuv oz lênhx nxêik tâu chor nênhs co sik thav sưv uô ntêx co muk trâu Trung Quôc muôs zuôr nhiêx. Đros Cư Seo Đồng trâus công an tỉnh Yên Bái cxov tsês mak oz lênhx nênhs zos Vảng thiêz Quang cux tưz trâus Công an tỉnh Lào Cai cxov hâur iz txuz muôs nênhs txơưr đuô. Txuz hâux lưv no cux tsênhv tâu công an tỉnh Yên Bái tror sir jos qênhz yuôx uô cov tsênhz mênhx./.

(TTTB-Lik Thox cxêik nhênhv