Zar hnuz keix hnuz 26/6, đ/c Tòng Thị Phóng, Ủy viên Bộ chính trị, Phưv chủ tịch thường trực côx hôiv đros đoanx teiv plor côx hôiv tỉnh Sơn La tưz muôx jiês njiz cử tri ntơưv xã Hua La, TP Sơn La. Phuôx plov ntơưv njiês njiz cử tri, đ/c Tòng Thị Phóng jông siêz cxôngx têx hlôngr yiêz jông nhoz Hua La, nôngx cxênhz muôx ntâu hlôngr yiêz, gôngr phênhv coaz tsôngv lol TP thiêz tỉnh Sơn La li hâux lưv huôv tsar. Đồng chí heik mênhx, hâur six hơưv zuôr txos, Sơn La tsuv bax cov jông trâu hâux lưv tsưr tsix têx hâux lưv chiv nhênhv 55 shông cêr coaz siv jông Việt Nam- Lào zuôr tsưr tsix ntơưv Sơn La, xưk li hnuz ntênhs vênhx huôv, thiv thao thiêz ju lix thax tsav ntus đriv Việt-Lào jiês tiv 2; uô tiêr qơư di tích lix xưv cơưx mênhv Việt-Lào ntơưv jos Lao Khô, xã Phiêng Khoài, huyện Yên Châu..../.

( Hồng Việt-Txâur Vax cxeik nhênhv)

          Hnuz 26/6, Ban chox kriê T.Ư phôngz yaox tas nro tsôngv box sơưr đơưk sik côngv tês cxiv tsa luz nênhx vênhx huôv đoanx côngz xưv zos đôngx chir Nguyễn Hồng Lý, Phưv Chủ tịch T.Ư Hội nôngx mênhx Việt Nam uô thơưx chox đoanx tưz muôx jiês uô hâux lưv đros huyện Mường Chà, tỉnh Điện Biên lok luôs hâux lưv uô lơưr phôngz yaox tas nro tsôngv box sik côngv tês cxiv tsa luz nênhx vênhx huôv hâur thax tsav. Heik ntơưv jiês uô hâux lưv, đôngx chir Nguyễn Hồng Lý ntâuk grê siêz ban chox kriê huyện Mường Chà luôs hâux lưv uô lơưr phôngz yaox tas nro tsôngv box sơưr đơưk sik côngv tês cxiv tsa luz nênhx vênhx huôv. Lar heik hâur ntơư zos hâux lưv cxiv tsa tsưr ziv, fuô kriê, tsaz yênhx uô phôngz yaox uô tâu jông, zênhx max; têx lênhx hâur Ban chox kriê sik paz uô tâu trơưk tsưr ziv, cui tinhv, moz siêz  uô tiêr tâu jông têx hâux lưv zok muôz./. 

(KT-Riê Lâux cxeik, nhênhv)

         Nhiv kruôr đhâu, Phòng vênhx huôv-thôngz xor mông huyện Mường Tè, tỉnh Lai Châu đros UB xã Nậm Khao tsưr tsix Hnuz ntênhs vênhx huôv thiv thao têx mênhx cxưx Cống, Mảng, La Hủ thax tsav faz Bắc huyện Mường Tè. Têx huôx tôngv vênhx ziv- thiv thao tsưr tsix hâur hnuz ntênhs chiê tuôr truôx, phuôx huiz têx mênhx cxưx Cống, Mảng, la Hủ sâuv thax tsav huyện Mường Tè li tsiv grê vênhx huôv jông. Thôngx cxix, zaoz zux cêr chax chês nhiêv têz nhiêv qơư, chinhz yênhx sik côngv siêz gôngr phênhv tsoz phưz luz nênhx chinhz yênhx trâu tsôngv box têx mênhx cxưx hâur huyện./.

KT- Txâur Vax cxeik nhênhv

          Thâuv 4 six 20 phênhz tas cik sơưr nzor hnuz 25/6, ntơưv thax tsav jê ntus đêx đriv têz nhoz hâur jok Tùng Sáng, xã A Mú Sung, huyện Bát Xát, tỉnh Lào Cai, Tổ qênhz yuôx Zênhx pênhz phax A Mú Sung tưz qênhz pov thiêz ntêk tâu 2 lênhx nênhs tsênhv taz tov hla đhâu đriv têz tsi trơưk chei gra đros zax zênhz txix Trung Quốc lok hâur Việt Nam đhâu đêx liêz. Têx chuôz zênhx sâu tâu ntơưv 2 lênhx nênhs heik sâuv zos 2 poz, krưr hnaz tax đuz, saz hâur muôx têx hmôngr đơưz thiêz kruôr. Nhiv no, 2 lênhx nênhs heik ntơư thiêz têx chuôz zênhx gơưk gra đros tsênhv tâu Zênhx pênhz phax A Mú Sung sâu tsês chiê tror qênhz yuôx, uô tsênhz mênhx trơưk cui tinhv./.

(An Kiên-Trung Dũng-Riê Lâux cxeik, nhênhv)