Hâur six hơưv cơưv ntâuk grê têx luôs hâux lưv fuô uô dưv anr “Gra siêz tsưr ziv sir zôngv meir tính thiêz krêz mạng Internet côngz côngv ntơưv VN” zos Cuiv Bill thiêz Melina Gates paz trâu thax tsav tỉnh Sơn la. Hnuz 27/12, hnuz hội Internet tsês trâu tsôngv box ntơưv qơư tưz tâu tsưr tsix ntơưv Thư viện tỉnh Sơn La.

Sơn La muôx 72 qơư thư viện côngz côngv, hâur ntơư cấp tỉnh: iz qơư, cấp huyện, TP 11 qơư, cấp xã 60 qơư thiêz 52 qơư lênhk txeik, uô dưv anr “Gra siêz tsưr ziv sir zôngv meir tinhr thiêz krêz Internet côngz côngv ntơưv VN”. Xuz thơưx tưz gra lok tâu têx jông tsênhv tsênhz, muôz six hơưv zôngx  ziv trâu tsôngv box tâu sir zôngv meir tinhr, tâu krêz têx xor xưv zov chênhr, zuôr trâus txos seiz, paz gra siêz luz nênhx nox nhoz, jux juk cxuz cêr yeiz pluôs truôx trâu tsôngv box cxuô heir nênhs tỉnh Sơn La./.

(Việt Anh-Riê Lâux cxeik, nhênhv)

      Xav txos thâuv 4 six hnuz 27/12, têx nhiêx txiêx têz qơưs sâu tâu hâur thax tsav tỉnh Yên Bái tax tâu 2.168 tỷ đêiv, bâuv li 124%  hội đôngx tỉnh luôs hâux lưv zok muôz. Hâur ntơư,  sâu hâur thax tsav tỉnh tax tâu 2.018 tỷ đêiv; Hải quan sâu tax tâu 150 tỷ đêiv; njuôk xav tax tâu 98% luôs hâux lưv tỉnh zok muôz. Xav txix nhiv no txos hnuz 31/12/2016, hur si tỉnh zuôr sir jos sâu cov tax tâu 2.255 tỷ đêiv./.

(Tsu cxêik nhênhv-KT)

     Txix hlo zar hnuz kêix hnuz 27/12, nhoz cxuô qơư hâur têx thax tsav tỉnh Lai Châu tưz qir muôx chuô txiêk, ntux no đuô. Muôx chuô txiêk ntâu, ntux no njiv tưz uô hiêv txos tsôngv box hâur thax tsav têx kôngz chiv ntux tsâus thiêz por hưv têx tsiêx cxu. Mông txix Tsênhv qơư yuô pov ntux yar ntux nas Lai Châu heik pâuz, ntux no njiv đuô qir muôx thâuv 4 six zar tsâuk ntux hnuz 27/12. Lar heik zos ntơưv têx thax tsav nhoz tox siêz đêz đrôngs li: Sìn Hồ, Phong Thổ, Tam Đường mak ziv no njiv đuô. Ntâu thax tsav tưz muôx chuô, pok huôz ziv uô trâu no njiv đuô nzir. Hâur 2, 3 hnuz zuôr txos, ntux ziv zuôr no njiv, uô phiv liv trâu xênhz huôx, têx kôngz chiv ntux tsâus cux li por hưv têx tsiêx cxu. Zơưv hà Quang Huy, Phưv Giám đốc Sở Kôngz nuv thiêz huôv tsar tox siêz tỉnh Lai Châu heik pâuz: Nhiv no tỉnh tưz muôx ntơưr chox kriê cxuô sở, ngênhx cik txos thiêz têx thax tsav, suôv qơư bax tsưr ziv phax tar no. Sở cux tưz chox kriê Chi cục kho moz tsiêx cxu thiêz têx qơư lês car uô luôs hâux lưv no nhoz hâur Chi cục tso canr bôv muk trâu têx thax tsav đros paz hâu nov cxuô qơư fuô kriê, vênhv tôngv tsôngv box uô jông lơưr têx faz tsưr ziv, bax phax tir thêir ntux no njiv trâu têx kôngz lôngk thiêz tsiêx tu zus./.

(TTT-Riê Lâux cxeik, nhênhv)

      Đhâu xar oz hnuz tu plâuz, hnuz 27/12, ntơưv toax án tỉnh Laox Cai, Hội đôngx tu txuz plâuz tưz tik cêr cxâuv trâu chor zuôr muôs 227 đêiv zênhz đơưz thâux gra txix Lok tsuôk lok trâu VN hâur hnuz 22/4/2015.

Trơưk li  Viện kiểm sát tỉnh Laox cai qênhz yuôx, yơưz phơưz đhâu, hnuz 22/4/2015, ntơưv qơư sâu nhiêx phí 237, sâuv txox cêr muk chênhr Nội Bài-Laox Cai nhoz thax tsav xã Gia Phú, huyện  Bảo Thắng, tỉnh Laox Cai, công an tỉnh Laox Cai tưz cxov tâu luz yêz ô tô, số 5158 Lok tsuôk, sâuv yêz muôx 3 lênhx puôr lênhx zos hêir nênhs Lok tsuôk. Ntơư zos Hơ Lếc, xênhz zus shông 1992; Nha Ly Von, xênhz zus shông 1985 puôr lênhx nhoz huyện Sầm Nưa, tỉnh Hủa Phăn thiêz zơưv Hơ Ly Giê, xênhz shông 1969, nhoz jos Phôn Keo, huyện Vang Viên, tỉnh Viêng Chăn.

Ntơưv qơư tu txuz plâuz no, Hội đôngx tu plâuz tưz tik cêr cxâuv trâu zơưv Hơ Lếc trâus tuô por tsês; zơưv Nha Ly Von; Hơ Ly Giê thiêz Ma Seo Nhà trâus tik nhoz cêr cxâuv tax tas iz siv nênhx./.

(Tsu cxêik nhênhv-An Kiên)