Shông 2016, qênhx shênhx txiêz nanv zaoz thôngz ntơưv tỉnh Lai Châu tưz txu grês lok chor txuz, lênhx nênhs trâus tuôs thiêz trâus saz. Taz sik, ntơưv tiv phaz tsênhv muôx 59 txuz, uô tuôs 34 lênhx thiêz 63 lênhx trâus saz, uô puôk tsuôx 57 luz yêz ô tô thiêz yêz meir. Qir tiv mak lưx lươngv muôx txơưx jênhv sâu jênhv tâu phênhv ntâu zos tiv cêr mul lol tsi jông thiêz phênhv ntâu lênhx nênhs tsar yêz mul chênhr, mul tsi trơưk cui tênhv. Đại úy Hoàng Minh Tiến Dũng, phưv phòng cảnh sát zaoz thôngz, Công an tỉnh Lai Châu puz pâuz:

“Hâur côngz xưv taz por zaoz thôngz shông 2017, phòng cảnh sát zaoz thôngz zuôr chêx chôngk lok côngz xưv yax mông, heik kriê zaoz zux chei trâu pox nhuôs, tiv zix zos pox nhuôs nhoz tox siêz. Đrâuv co, lưx lươngv cảnh sát zaoz thôngz zuôr chuôz tsar qênhz yuôx, yưr lir txos qơư têx uô cxâuv li: tsi muôx ntơưr tso chei tsar yêz, yêz mul chênhr, hâuk chơưr bia tsar yêz, hâuk zax zênhz...”./.

(K.Kiên- Txâur Vax cxeik nhênhv)

       Hnuz 28/12, ntơưv Sa Pa, Phongx cảnh sát seiz car lok txiv ngaz XH đros Phongx tsưr tsix canr bôv (Công an tỉnh), đoanx uô têx nuv jông siêz tsêr meir xơưs tsôngk trik yo ABC Sài Gòn tsưr tsix muôz huv puz trâu 450 chuôz zis pluôs hâur 3 xã: Tả Phìn, Tả Giàng Phìn thiêz San Sả Hồ. Hâur ntơư, xã Tả Phìn zos 250 poz huv; Tả Giàng Phìn thiêz San Sả Hồ, iz xã tâu 100 poz huv. Iz poz huv heik sâuv zos muôx: Pav sor, 10 cir cxur,  đêx cuô njêl njêr, trox nox, mì tôm, xaz phôngx, nhiêx….; iz poz tsiv grê nhos iz tsov đeiv. Tâu pâuz, hâur jiês no, iz chas têx huv muôz puz ntơưv Sa Pa, Phongx Cảnh sát seiz car lok sâuv txiv ngaz XH (Công an tỉnh) tsênhv đros đoanx uô têx nuv jông siêz tsêr meir xơưs tsôngk trik yo ABC Sài Gòn tsưr tsix muôz huv puz trâu 180 chuôz zis pluôs ntơưv xã Sán Chải, huyện Si Ma Cai. Xav hur si têx huv muôz puz trâu 630 chuôz zis tsôngv box ntơưv 2 huyện heik sâuv zos 630 tsov đeiv./. 

(KT-Riê Lâux cxeik, nhênhv)

       Têx shôngk đhâu, chi hội văn học nghệ thuật têx mênhx cxưx tsơưs nênhs tỉnh Sơn La thâuv tưs cux seiz car jông tỉnh li tsưr ziv yax mông, chêx chôngk heik lok côngz xưv hlôngr yiêz têz qơưk, lok tuôr tsês, phuôx huiz têx mênhx cxưx vênhx huôv jông thôngz đhâu têx tác phẩm văn học nghệ thuạt; nhênhz chơưv, huôv tsar vênhx huôv têx mênhx cxưx chiê heik kriê txos cxuô qơư hâur têz qơưk. Shông 2017 thiêz têx shông lơưr co, chi hội văn học nghệ thuật thiêz mênhx cxưx tsơưs nênhs tror tsưr tsix trâu hội viên nhênhz chơưv, cơưv shâuv, muôz siêz jênhv pâuz chinhr triv, yênhx tưv chuyên môn nghiệp vuv; krêz têx lớp kriê cxaz uô muôx cxaz nzir têx cêr vênhx huôv jông hâur têx mênhx cxưx tsơưs nênhs nhoz Sơn La./.

(KT-Txâur Vax cxeik nhênhv)

        Hnuz 28/12, Sở zoz thôngz-Vênhv têiv đros Sở vênhx huôv, Thêv thao thiêz ju lix tỉnh Điện Biên tsưr tsix cơưv fuô kriê lok ntênhs hội pax lâus shông  2017, fuô uô đei têx ntâuz thiêz ntơưr piêr kriê sâuv têx yêz kruô. Trơưk li Sở zoz thôngz-vênhv têiv số laov thôngz sâu, hâur thax tsav tỉnh nhiv no muôx 264 luz yêz kruô thiêz 126 luz yêz taxi. Chiê hlôngr yiêz thiêz gra  siêz luôs hâux lưv yax kriê lok ntênhs hội pax lâus shông 2017, Sở Vênhx huôv, Thêv thao thiêz Ju lix tưz nhênhz chơưv trâu UBND tsưr tsix yax kriê sâuv têx yêz kruô, yêz taxi thâux xa kruô muk lok hâur thax tsav tỉnh….txix ntâu faz tsưr ziv. Ntơưv jiês cơưv, chor đại biểu tưz siz chos seiz lax thiêz tso tơưv ntâu ziv chênhv li: Đei, lo têx ntơưr piêr kriê trâu kror tưs sâuv yêz chiê zôngx ziv seiz pov, pâuz tâu….chiê gra siêz luôs hâux lưv yax kriê cov tsôngv kruô hâur thiêz đrâuv luôs 2 chas têz qơưs pâuz txos lênhx nênhs Điện Biên thiêz Điện Biên têx đuôz jông./.

(KT-Riê Lâux cxeik, nhênhv)