Txix hâur shôngk shông txos trâu nhiv no, lực lươngx huyện Trạm Tấu, tỉnh Yên Bái tưz qênhz yuôx pov 22 txuz ruôr ntor jôngr ntông tsik trơưk chêi. Thu tâu 7 khối ntông chiêz, 11 luz yêz máy, 1 luz yêz ô tô; bluô tas 81 triệu nhiêx chox lok  trâu têz qơứs. Zơưv Vũ Trọng Huân, kiểm Lâm huyện Trạm Tấu, tỉnh Yên Bái hêik pâuz:

         Băng: “Luôs hâux lưv sêiz car jôngr ntông, pêz tưz đros lực lươngx công an, lực lươngx tuz lênhv huyện chiê sik côngv đros uô luôs hâux lưv tsưx phưv sêiz car jôngr ntông, tsik chiê têx jôngr ntông trâus ruôr ntor por tsês./.

                                                     (Tsu cxêik nhênhv-TTT)

          Sở đêx ar thiêz tênhx qơư tỉnh Lào Cai nhiv kruôr muôx ntơưr têz trâu chor tuz sâu xor xưv, uô ntơưr pov tsir cik txos tsêr meir tsiv uô kuôr hlâu ntơưv xã Bản lầu, huyện Mường Khương, tỉnh Lào Cai. Iz chas ntơư, tiv tsi uô jông lơưr iz hâur têx tsênhv njiêz pov cov ntâuk grê têx tsi jông uô hiêv txos tênhx qơư, Công ty Tứ Đỉnh car seiz tsêr meir heik sâuv tưz trâus xưv bluô 100 tsov đeiv nhiêx. Iz chas co, đhâu thâuv muôx têx kiês nênhk, vuôz tsuôz uô tsi hur tênhx qơư tưz uô tuôs tas ntâu tsôngv box têx têz txir pur lux thiêz kôngz lôngk, Công ty Tứ Đỉnh tsuv pâux nzir têx trâus uô ruôr hiêv ntơư trâu tsôngv box, tas xar muôx 3 tỷ đeiv nhiêx./.

(An Kiên-Riê Lâux cxeik, nhênhv)

          Nhiv kruôr đhâu tsik ntêr no, công an huyện Vân Hồ, tỉnh Sơn La tưz cơưv đros công an huyện Mộc Châu sik côngv uô luôs hâux lưv tir thêir têx nênhs fêv, nhiês zuôr muôs zax zênhz. Đhâu qênhz yuôx, yơưz phơưz, lực lươngx công an tưz cxov tâu zơưv An kriz tiêk, hur si 3 đêiv zênhz đơưz thiêz 900 ntâu njiêr yuôx shơư zênhz, zos zuôr ntơưv xã Hang Kia, huyện Mai Châu tỉnh Hòa Bình lok chiê chox muk muôs ./.

                                                  (Tsuv cxêik nhênhv-Tuyết Lan)

          Uô lơưr tỉnh tsưr ziv xeir zuôr shux xênhz cơưv lớp 10 shông cơưv 2017-2018, hâur 2 hnuz (xiêz 7-8/6), Sở zoz zux thiêz thox cxov tsưr tsix thik xeir zuôr shux xênhz cơưv lớp 10 ntơưv têx tsêr cơưv: cấp 3 chuyên Lê Quý Đôn, cấp 3 Lương Thế Vinh thiêz têx tsêr cơưv Dân tộc nội trú, cấp 3 hâur thax tsav tỉnh Điện biên.

Chiê bax trâu luôs hâux lưv xeir zuôr shux xênhz cơưv lớp 10 shông cơưv 2017-2018, Sở zoz zux thiêz thox cxov tưz hu muôx 299 lênhx canr bôv seiz car, cưk kriê ntơưr thiêz têx nhân viên uô hâux lưv hâur têx qơư thik. Iz chas ntơư tso tơưv ntơưr fuô kriê têx qơư zoz zux uô jông hâux lưv xeir zuôr shux xênhz; quyết tinhv yênhx lix Hôiv đôngx tso têx jax thik xeir zuôr shux xênhz; hôiv đôngx tso điểm thik cxuô, hâux lưv qênhz yuôx, seiz kaz tâu uô nhoz hur tiz si hâur têx hâux lưv thik xeir zuôr shux xênhz./.

(KT-Riê Lâux cxeik, nhênhv)