Zar hnuz kêix 9/11, Ủy ban tỉnh Sơn La tưz tsưr tsix jiês cơưv yax kriê lok tsưr ziv, tsênhv chêi huôv tsar kinh tế-xã hội thax tsav pak đêx tênhv sâuv thax tsav tỉnh ntu 2016-2020. Tỉnh Sơn La li tsưr ziv kinh tế thax tsav pak đêx tênhv Sơn La, Hòa Bình thiêz Nậm Chiến 1 tâu uô sêi, paz muôx hâux lưv uô, gra siêz phênhv sâu, thiv pluôs truôx đrênhk trâu pêx xênhv. Tỉnh Sơn La sir jos txos shông 2020, tas nro tsiv gri hax huv tsiêx đêx tax zuôr xar 550 tỷ đêiv; phênhv sâu txix du liv thax tsav pak đêx tax zuôr xar 290 tỷ đêiv iz shông; yênhx xlix txix 30 txos 50 hợp tác xã tsiêx đêx; cxiv tsa xar muôx 200 qơư tsar đrêk fuôx gox hâur thax tsav…Phênhv sâu lênhx nênhs thax tsav pak đêx muôx 18 triệu đêiv iz shông./.

                                  (VOV4-Lik Thox cxêik nhênhv)

       Tỉnh Lai Châu tưz muôx 15 xã tax ploz tsênhr lok cxiv tsa jêx jok yiêz, nhiv no tsênhv sir jos tas shông no muôx nzir 5 xã tax ploz tsênhr. Txix chor tsaz yênhx, dự án thiêz ntâu pênhr jos sik txơưr, Lai Châu tưz yưv pênhr xar muôx 7.000 tỷ đêiv trâu cxiv tsa jêx jok yiêz. Pêx xênhv cux tưz muôz 230.000 yỉv ndis ar, zuôr xar 20.000 yiv đruôz suôz jêz, poz jêz thiêz yênhx châuv cxênhz hnuz côngz chiê cxiv tsa chor côngz trinhx li: Tsêr vênhx huôv, cêr zoz thôngz, đêx liv…Zơưv Đỗ Ngọc An, chủ tịch UBND tỉnh Lai Châu puz pâuz: “Ban chox kriê cxiv tsa jêx jok yiêz tỉnh tưz muk qênhz yuôx thiêz pov chor xã shông no tưz tax tâu ntâu đuô 17 luôs hâux lưv. Đhâu jiês cơưv UBND Ban chox kriê zuôr muk qênhz yuôx tas nro 5 xã cxiv tsa jêx jok yiêz shông no, sêiz sêz kror tưs tưz uô tâu lơưv, têx kror tưs tsênhv uô tsik tâu tâu chiê sêiz lax nriêr tsưr ziv uô”./.

                                                                  (Khắc Kiên-Lik Thox cxêik nhênhv)