Tỉnh Lai Châu tưz yênhx lix 200 ntâu tổ thiêz chuôz zis chiv chir seiz car têx đriv têz, ndêx cxok kuôk cêv ntus đriv, nhoz 69  jok jê đriv têz, đros thiêz iz cxênhz ntâu chuôz zis cxaz chuôz. Têx xã, jêx jok thax tsav ntus đriv cux yênhx lix 200 ntâu tổ chiv chir seiz car txiv ngaz, ngaz tuk. Têx chuôz zis chiv chir seiz đriv têz, ndêx cxok kuôk cêv ntus đriv thiêz tuôr truôx txiv ngaz ntơưv thax tsav ntus đriv tưz uô tiêr tâu jông hâux lưv đros têx tuz lênhv pênhz phax, cấp ủy hâu nov ntơưv qơư tsưx phưv truôx jông ntus đriv thiêz txiv ngaz jêx jok. Đại tá Phan Hồng Minh, Chính ủy Bộ chỉ Bộ đội pênhz phax tỉnh Lai Châu heik pâuz tiêk: “ Têx tổ chiv chir seiz car li heik sâuv thiêz chor chuôz zis tsôngv box uô liêx têz jê đriv têz tưz đros paz lok six ntâu trâu chor tuz lênhv pênhz phax hâur seiz car thiêz tsưx phưv ntus đriv. Tsôngv box tưz zênhx max qênhz pov têx tsi jông, têx txuz nuv uô tsi trơưk chei muôx yưv nhoz ntus đriv chiê heik trâu têx tuz lênhv pênhz phax. Pêz tưz fuô kriê Thủ tướng Chính phủ Chỉ thị 01 thiêz nhiv no tưz fuô kriê txos trâu cxuô xã thiêz zuôr txos no zuôr tror đros têx huyện ntus đriv côngz jênhv chiê tso tơưv quyết tinhv côngz jênhv thiêz uô trơưk chei, cui tinhv”./.

                                                                                                                             ( Riê Lâux cxêik nhênhv)

       Tiv trâus zênhr shar viv chuô txiês, cxôngx hnuz 31/10 txos nhiv no, ntơưv ntâu tiv phaz tỉnh Yên bái muôx nas lol thiêz ntux no, jêx tưv cxôngx 20 txos 24 tưv, nhoz tox siêz kis đuô 20 tưv. Cxôngx qênhx shênhx no, Yên Bái chox kriê têx tiv phaz muôx tsưr zv chiê por vêv tsoz chos thiêz tsiêx tu zus: their guôx, cxax yuôx phax moz trâu paz tsiêx cxu, tsuôk yuôx tuô caz moz; uô cxaz têx krâur trâu nhux tưv nhux đas nox hâur têx hnuz ntux no. Zơưv Chư X Zax chủ tịch UB xã Trạm Tấu huyện Trạm Tấu tỉnh Yên Bái hêik pâuz li no “Tas nro jêx jos theiez têx chuôz zis muôx tsiêx cxu pêz tưz heik cán bộ mul chox kriê pox nhuôs uô guôx, thêir guôx cov jông. Vênhv tôngv pox nhuôs hâur six hơưv ntux no njiv tsi tso tsiêx cxu, tsuv hleik jâuz lol puz nox ciês hâur guôx”./.

                                                                                                                       ( TTT-Txâur Vax cxêik nhênhv)

      Tỉnh Điện Biên nhiv kruôr tsưr tsix jiês thik “ sik đros nriêr pâuz lok têx trâur nuv hợp tác xã lơưr tsưr ziv yiêz” đros thiêz 5 đội nhoz hợp tác xã têx huyện, thị xã hâur thax tsav tỉnh li cxaz chuôz. Hội thik tưz yax kriê txos tsôngv box sđ lok hợp tác xã lơưr tsưr ziv yiêz no li cui tinhv, têx tsưr ziv, nuv uô jông lok sik tsưr ziv tsưr tsix; heik kriê, nthuôr uô đar têx trâur nuv hợp tác xã uô tâu jông, tâu trơưk têk…. Nhiv no, Liên minh hợp tác xã tỉnh Điện Biên muôx zuôr xar 380 hợp tác xã, hur si xar muôx 4 cxênhz lênhx nênhs; 100 ntâu hợp tác xã tsênhv uô hâux lưv, hur si 13 cxênhz ntâu lênhx nênhs cxaz chuôz; têx pênhr uô tâu xar muôx 185 tỷ đeiv./.

Tin 11: Lào Cai: sir jos tsiv uô kôngz-jôngr nuv tax 2.388 tỷ đeiv. Co zos qơư tsov txos nhiv kruôr tâu UB tỉnh Lào Cai thôngz đhâu hâur njuôs xav tsiv uô kôngz jôngr nuv tỉnh Lào Cai txos shông 2020, ndar txos shông 2030. Lơưr co txos shông 2020, tas nro tỉnh muôx 1.974 qơư tsiv uô kôngz jôngr nuv thiêz 1 qơư công nghiệp tsiv uô jôngr nuv. Chiê chêx chôngk yưv pênhr phuôv tsar têx hâux lưv muôx tsiv grê kinh tế siêz, tỉnh Lào Cai xeir 11 xiv huv tsênhv chiê tsiv uô. Hâur co, vênhv thix kôngz nuv muôx 7 xiv huv zos: yuôx zêx, jâuz txir ntông, cuô txoz, cxur, krâur tsiêx cxu, yuôx njuôz; lok jôngr nuv muôx 4 xiv huv: chuôz zênhx ntông, tsiv uô ntơưr, hiêz shôngz ntông... Tsiv grê uô 11 xiv huv tsênhv no tax muôx nhos 2.388 tỷ đeiv. Zaz zâuv 5.300 lox tôngv uô hâur vênhv thix no./.

                                                                                     ( KT-Txâur Vax cxêik nhênhv)

    Hnuz 31/10, Tổ côngz xưv công an huyện Sốp Cộp hux jos đros Phòng Cảnh sát phax tir thêir têx nênhs nhiês zuôr muôs, uô luôv zax zênhz Công an tỉnh thiêz zênhx pênhz phax 449 Nậm Lạnh tsênhv uô hâux lưv ntơưv jok Púng Pảng, xã Sam Kha, huyện Sốp Cộp, tỉnh Sơn La, qênhz pov, ntêk tâu 1 lênhx nênhs, sâu tsês tâu ntâu têx zax zênhz.

Lênhx nênhs trâus ntêk tâu ntơư zos Sộng A Chay ( trơưk li lơưr Lok Tsuôk hu zos Chai Song), xênhz shông 1989, heir nênhs Hmôngz, nhoz têz qơưs Lok Tsuôk; uô nênhx nhoz ntơưv jok Băng Khoảng, Mường Cẩu, huyện Mường Son, tỉnh Hủa Phăn, têz qơưs Lok Tsuôk tsênhv fax thâux muôx 20 luz hnaz tax, saz hâur ntiv 4 cxênhz njiêr yuôx zax zênhz cxuô zav thiêz 2 luz xor tôngx tuôr ntơưv têk, iz luz yêz meir đros trâu ntâu zav chuôz zênhx txơưr đuô cik txos. Nhiv no txuz nhiês zuôr muôs, luôv zax zênhz no tsênhv tâu tror qênhz yuôx, uô tsênhz mênhx./.

                                                                                                    (CTV-CQTTTB-Riê Lâux cxêik nhênhv)