Chiv nhênhv 87 shông hnuz yênhx lix Đảng cộng sản Việt Nam (3/2/1930-3/2/2017) thiêz kriz uô jênhv vưv hâur shôngk hsông yiêz kêiz shông 2017 tâu tỉnh ủy Lai Châu tsưr tsix têik cik hnuz 2/2, zơưv Nguyễn Khắc Chử-bí thư tỉnh ủy sêí shuôk jiês cơưv. Muôx Đảng lênhx tov, Đảng bộ thiêz pêx xênhv cxuô mênhx cxưx Lai Châu tưz hla đhâu ntâu phiv liv, phuôx huiz nhiêv têz qơưk, sir jos uô zênhx liv no txos zênhx liv tor. Tso siêz lok Đảng, lok chủ tịch Hồ Chí Minh, iz lênhx cán bộ, đảng viên hax zav pov tsênhz đuô zuk li txơưx jênhv, zuôr muk lơưr Đảng, cxiv tsa Đảng ziv hnuz ziv truôx jông, muôx jos. Hơưv Đảng 87 shông, hơưv shông yiêz 2017, njênhs tiêk, đros thôngx ziv, sir jos siêz, cxuô câpz ủy Đảng, chính quyền thiêz pêx xênhv cxuô mênhx cxưx hâur tỉnh tror phuôx huiz têx chêx cur uô tâu; sik côngv siêz, txơưx xar tơưv, sir jos hla đhâu têx phiv liv, kriz uô jông têx tsar tov chiê huôv tsar; sir jos uô đuô chor phongz yaox sik tưr nhiêv têz qơưk, sir jos đros tas nro quân thiêz pêx xênhv hâur tỉnh uô zênhx liv chor tsưr ziv, jênhv vưv shông 2017./.

                                                                                                                        (Báo Lai Châu-Lik Thox cxêik nhênhv)

     Hnuz xiêz 2/2, cán bộ, công nhân viên chức thiêz nênhs lox tôngv sâuv thax tsav tỉnh Lào Cai tror mul uô hâux lưv đhâu iz six hơưv so tsiêz. Têx tsêr cơưv sâuv thax tsav cux qir huôx tôngv, shux xênhz mul cơưv ntơưr tax 90% ntâu. Ciês hâur hnuz xuz thơưx mul uô hâux lưv, UB tỉnh Lào Cai tưz tsưr tsix phêv ziv chiê pheiz côngz jênhv vưv trâu têx Sở, ban, nganhx, tiv phaz. Tas nro cán bộ, công chức, viên chức tsi hâuk chơưr bia hâur six hơưv uô hâux lưv; tsi zôngv yêz chiz coaz uô zuk li hâux lưv; tsi cxaz chuôz ntênhs phêv hâur six hơưv uô hâux lưv.... Pos Nguyễn Thị Tấn, Phưv chủ tịch Hội pov tsir tỉnh Lào Cai heik:

“ Hnuz no hnuz xuz thơưx mul uô hâux lưv đhâu iz six hơưv so tsiêz, cur cux xưk li têx cán bộ công chức txơưr lok six jông siêz. Txơưv tiêk tsiêz tưz đhâu taz sik cur pov tsênhv lok six lov jêv, phôngv cxuô lênhx nênhs iz shông yiêz muôx jông đas jos, uô jông cxuô luôk hâux lưv tâu choz zok”./.

                                                                                                                          ( An Kiên- Txâur Vax cxeik nhênhv)

      Teik cik 2/2, chor tiv phaz hâur tỉnh Yên Bái sik đros tsưr tsix “Tsiêz chos ntông ndo txos lâul Hôx” ntux yiêz kêiz shông 2017. Yênhx shông sâuv thax tsav tỉnh Yên Bái, phongz yaox chos ntông, chos jôngr, por vêv jôngr tưz huôv tsar tsik so, sâu tâu ntâu chêx cur lox, thax tsav muôx jôngr vor ziv hnuz ziv chuôz ndê, nhiv no tax 62% ntâu, paz thơưz kinh tế-xã hội huôv tsar, por vêv tênhv qơư thiêz siz bâus sinh thái. Têik cik hnuz 2/2, chôngz pêx xênhv sir jos chos ntông, piz trâu iz chiv chos jôngr yiêz đros tsưr ziv chos tâu muôx 15 cxênhz ntâu hec ta jôngr. Niêv tix Phạm Thị Nga, phường Đồng Tâm, thành phố Yên Bái puz pâuz:

“Hnuz no cxaz chuôz tsiêz chos ntông cir lok six shir phaz. Tâu paz iz kror đas jos chos jôngr. Kriz shông yiêz chos ntông mak pêz vav tiêk zuôr muôx tâu iz shông tsâu sor, shir phaz, luz nênhx truôx jông”./.

                                                                                                                     (Tuấn Xuân-Lik Thox cxêik nhênhv)

      Hnuz xiêz 2/2, 100% chiz coaz, đoanx thêv, têx tsêr cơưv sâuv thax tsav tỉnh Sơn La puôr lênhx tror uô hâux lưv đhâu iz six hơưv so tsiêz. Iz cxiê tsêr cơưv tsưr tsix trâu shux xênhz chos ntông cheix ntux yiêz. Nôngx mênhx qir mul uô liêx têz, bax trâu iz chiv cheix yiêz. Tas nro cán bộ, công nhân viên chức, nênhs lox tôngv shux xênhz puôr lênhx qir uô hâux lưv, cơưv ntơưr đros siêz xar shông 2017 zuôr zos iz shông muôx ntâu môngr jông thiêz zênhx liv. Zơưv Lê Minh Tuấn, giám đốc zênhx hangx bưu điện Liên Việt, nhoz Sơn La puz pâuz:

“ Cur xar njôngr shông yiêz 2017 tas nro cán bộ, nhân viên hâur taz viv cux xưk li lơưr chuôz zis thâuv tưs cux muôx jông đas jos, nhoz uô nênhx shir phaz, uô jông cxuô jênhv vưv tâu choz”./.

                                                                                                                                   ( H.Long-Txâur Vax cxeik nhênhv)