Nhiv kruôr đhâu, Sở lox tôngv-xaz pênhz thiêz xã hội tỉnh Điện Biên tưz muôx ntâuz ntơưr kriz uô tsaz yênhx njuôk shuôk thiêz fêik kho tsik zuôr nhiêx txiêx trâu nhuôs zâu trâus sêv khiz luz chêr sâuv thax tsav tỉnh. Lơưr co, txix hnuz 8/5-13/5/2017, ntơưv chor tsênhv qơư y tế huyện, thị xã, thành phố zuôr tsưr tsix njuôk shuôk trâu chor nhuôs zâu trâus sêv khiz luz chêr txix 1 txos tsik tâu muôx 18 shông trâus sêv khiz li: Khik ndâux; sêv khiz phiv liv txos huôx tôngv muk lok; sêv khiz kror muôs; poz njês; qơư mok; têx zav moz trưx phax tsik yuô phiv liv. Thôngx cxix, uô uô cê kruôz kriê njuôk shuôk têx zav sêv khiz no trâu chor cán bộ y tế, cán bộ uô côngz xưv nhuôs zâu ntơưv chor xã, phường, thị trấn, cán bộ phòng LĐTBVXH chor huyện, thị xã, thành phố. Txix hnuz 18/6-24/6, njuôk xav, tsêr kho moz đa khoa tỉnh zuôr tsưr tsix fêik kho trâu chor nhuôs zâu trâus sêv khiz đhâu thâuv njuôk shuôk tas nhoz chor huyện, thị xã, thành phố tâu hêik cov fêik kho thiêz muôx tsaz yênhx li ntơưr tênhv six hơưv fêik kho./.

(KT-Lik Thox cxêik nhênhv)

   Hnuz 31/3/2017, chiz coaz txiv ngaz qênhz yuôx- Công an tỉnh Sơn La cuiz tênhv krêz tik cêr cxâuv đros thiêz Lò Văn Chaư, xênhz shông 1967, nhoz jos Nhà Sày, xã Mường Sại, huyện Quỳnh Nhai, tỉnh Sơn La viv nziês đas zuôr nhiêx txiêx lơưr cui tênhv ntơưv grê 139 Bộ luật hình sự. Uô ntêx co, thâuv hli 2/2016, Lò Văn Chaư tưz đas nziêk, yax mông tsi zos lok chế độ tsênhv chei txar tsôngv box mul nhoz qơư yiêz chiê zuôr qơư kuz uô tsêr meir đêx tênhv SƠn La ntơưv jos Nà Nhụng, xã Mường Chùm, huyện Mường La, tỉnh Sơn La. Thâuv liv zôngv tsôngv box li siêz njênhs, Chaư tưz nziês đas tas 54 ziv chuôz zis tsuv txar qơư nhoz nhoz jos Nà Nhụng, xã Mường Chùm, huyện Mường La li 27 tsov đeiv. Thôngx cxix Chaư tsênhv hâuz zâuv tsôngv box mul pênhr cov. Hâux lưv no nhiv no tsênhv tror tâu chiz coaz txiv ngaz qênhz yuôx công an tỉnh Sơn La qênhz yuôx uô tsênhz mênhx ./.

(T.Lan- Txâur Vax cxeik nhênhv)

   Xar muôx 10 six zuôr tar su hnuz ¼, ntơưv cêik cêr 51 sâuv txox cêr 4D, nhoz ntu cêr ndê tox Giang Ma, xã Hồ Thầu, huyện Tam Đường, tỉnh Lai Châu muôx yưv txuz txiêz nan nzênhr yêz lox truz chor container hax huv txix Lào Cai lok Lai Châu, uô zoz thôngz muk lok phiv liv. Six hơưv co, luz yêz lox muôx biển số 15C-076.23 tsênhv muk sâuv txox cêr Giang Ma, txix Lào Cai lok Lai Châu, thâuv txos ntu cêr lêv njiz iz luz yêz lox txơưr đuô. Tiv cêr grêiv, thâuv oz luz yêz siz jav tưz trấu snzênhr vâu trâu hâur cêr. Hmôngr jông tsuôk trâus puôk yêz thiêz têx hax huv mê njik, tsik trâus saz lênhx nênhs. Chor jiês yêz vâu nzênhr jê no txơưv tsik phiv liv txos lênhx nênhs, taz sik cxuô zav trâus puôk tsuôcc hnhar, uô muôx yưv phiv liv lok txiêz nanv zoz thôngz sâuv chor cêr ndê tox txix Lào Cai lok Lai Châu zưk li cêr ndê tox Hoàng Liên Sơn, Giang Ma, Hồng Thu Mán./.

(Khắc Kiên-Lik Thox cxêik nhênhv)

   Tuêv cảnh sát hình sự Công an huyện Bảo Thắng, tỉnh Lào Cai nhiv kruôr ntês tâu Quyết Xênhv Vax xênhz shông 1992, nhoz jos Trung Nùng, xã Xuân Quang, huyện Bảo Thắng, tỉnh Lào Cai viv tuô tuôs lênhx nênhs. Uô ntêx co, thâuv 12 six 30 phênhz tar su hnuz 30/3, Quyết đros niêv zos pos Lù Thị Cân mul iz fôngx zưs tsêr chiê nox mor thiêz hâuk chơưr. Thâuv lol tsêr, Quyết thor niêv 100 cxênhz chiê mul uô si, taz sik pos Cân tsi puz thiêz chêv Quyết. Đhâu co Quyết pos cux tuôx uô si thiêz zôngv txox hluô khi tul đêr trâu ntơưv luz kror trôngx, nyei kiês nênhs Quyết đhiê mul gra triêv tuôx chiê tuô tul đêr, taz sik Quyết niêv tsi puz thiêz zôngv pak blơưv Quyết. Tiv hâuk chơưr viv li Quyết tưz tik lol gâus ciês zuk niêv uô pos Cân tuôs thâuv tsênhv chox mul chơưv kho. Nhiv no hâux lưv no tsênhv tâu chiz coaz muôx txơưx jênhv huyện Bảo Thắng tror qênhz yuôx uô tsênhz mênhx./.

(An Kiên+ Thanh Tuấn- Txâur Vax cxeik nhênhv)