Hội nghị hênhr krfuôk chor lâuk jos, chor txir ndâux txir luk, lênhx nênhs muôx côngz nto bê cxuô hêir nênhs tỉnh jiês tiv 5, zuôr tau ủy ban MTTQ tỉnh Điện Biên tsưr tsix trâu hli 5 shông 2017.  Hội nghị no, cux zos chiê cxuô lênhx sđ sik njiz, sik đros kênhx cxuô luôs hâux lưv uô tâu jông lok huôv tsar kinh tế, vênhx huôv xã hội, quốc phôngx, an ninh…ntu 2012-2017 thiêz tso tươv luôs hâux lưv hâur shông zuôr txos. Ntươ cux chênhr zos iz luôs hâux lưv cxươz cxiz uô cov cxuô heir nênhs muôx cêr côngv siêz đuô./.

                                                (Tsu cxêik nhênhv-KT)

    Hnuz 27/3, viv niêv txir muk uô liêx têz tas, tsuôk muôx tuk tix lâus muôx 2 shông nhoz hâur tsêr seiz jor tuk zâu, viv li tuk nhuôv Nú Xênhv Muôk, muôx 6 hli, nhoz xã É Tòng, huyện Thuận Châu, tỉnh Sơn La tưz trâus cuz hnhiêz lok six saz, tiv trâul tos hâur kror chuz. Lênhx nhuôv heik no trâus cuz ntâu txix sâuv chax đaz txos hâur co tơư, tưz uô trâu tuk nhuôv lok six saz.

Đhâu ciês thâuv co, lênhx nhuôv nxeik Nú Xênhv Muôk tưz tâu chox zênhx max tuôx trâu tsêr kho moz Đa khoa tỉnh Sơn La chiê chơưv kho. Taz sik viv vax tsêr txov nhêv, Chi đoanx tsêr kho moz, tsênhv qơư piêr kriê zuôr têx ar têz thiêz vax tsêr tỉnh Sơn La đros trâu têx lênhx nênhs siêz jông tưz mu luk hu lơưk sơưr đơưk siz chos gôngr paz tâu xar muôx 20 tsov đeiv chiê chơưv kho moz trâu lênhx nhuôv heik sâuv. Taz, viv tuk nhuôv no trâus cuz hnhiêz lok six saz viv li tưz tsuv xa muk chơưv kho trâu tsêr kho moz cuz hnhiêz T.Ư, tso nưk nhoz nưk iz qar tsêr chiê chơưv kho.

Nhiv no lênhx nhuôv heik co têx tơưr grêix tsênhv taz tov hlê tas, uô cuô zis đơưk thiêz tưz tsi tâu tâu jông hlo, tsuv lêis, txiêr lênhx txir zos Tuôv Xênhv Muôk têx tơưr grêix chiê lok xơưs, nzir trâu tuk nhuôv chor tơưr grêix. Njuôk xav lênhx nhuôv Nú Xênhv Muôk zuôr tsuv nhoz chơưv kho moz  hâur nhos 20 hnuz ntâu, viv li lok six zuôr trâus txos têx lênhx nênhs siêz jông sik đros paz max, chơưv kho.  Tsôngv cưr tix nênhx tsa sơưr đơưk têx cêr paz muôx têx buôk ti heik trâu chuôz zis lok sik đhâu tix lâus Hùng, lơưr xor tôngx: 0968.001.155./.  

(Hoàng Long-Riê Lâux cxeik, nhênhv)

    Hâur ntu đhâu, Đoanx hluôk nênhs nhoz pov tsir Nhân dân tưz đros tuz lênhv zênhx biên phôngx Điện biên Pa Long thiêz ủy ban xã Tà Ngài Chồ, huyện Mường Khương, tỉnh laox cai tưz uô tiêr iz côngz trênhx trâu shuv xênhz hâur tsêr cươv  kriê nhuôv zâu xã Tả Ngài Chồ.

    Grê nhiêx cxiv uô tas 50 triệu đêiv thiêz ntươ zos iz luôs hâux lưv, chor hluôk uô tâu truôx, muôx liv trau tsôngv tuz nxêik shuv xênhz sđ. Ndax trâu ntu no,  Pov tsir li đoanx hluôk nênhs cux muôz 20 suất học bổng puz trâu chor shuv xênhz muôx cêr txov nhêv thiêz muôz 70 poz huv trâu trâu cán bộ tuz lênhv Biên phôngx ; cán bộ ủy ban xã Pha Long./.

                                                (Tsu cxêik nhênhv-TTT)

     Hâur 3 luz hlik hâur shôngk shông 2017 (txix hli 1-3), cxuô thax tsav qơư hâur tỉnh Yên bái tưz sir jos qênhz yuôx shuôs têx yêz mul lok đhâu hâur thax tsav, đhâu ntơư qênhz pov 16 luz yêz uô cxâuv têx chei, cui tinhv li: Thâux ntâu têx xiv huv tsi trơưk chei, trâus bluô nhiêx tâu xar muôx 200 tsov đeiv. Pir li cxiê shông, qênhx shênhx têx yêz thâux ntâu xiv huv uz no tưz txo grêk tsơưs; iz lênhx nênhs tsar yêz, tsưr yêz thiêz doanh nghiệp txux chi, tsưr ziv jênhv pâuz tưz tâu gra siêz. Taz sik, iz ntuk jê lok no, têx uô cxâuv  lok sâuv thâux ntâu xiv huv tsi trơưk chei, cui tinhv tror muôx yưv phiv liv; iz lênhx tsar yêz, tsưr yêz mak lơưr cxoz txưv, tsi uô lơưr têz qơưk têx chei, cui tinhv li: Thâuv têx lênhx nênhs muôx vax huôv cov đrêk yêz qênhz yuôx shuôs yêz, têx ntâuz ntơưr.... mak tsi uô trơưk, uô trâu sơưr đơưk tsi jông siêz, uô tsi truôx tuk têx yêz mul lok thiêz uô tsi jông txos têx cêr. Txix têx li heik no, tỉnh Yên Bái tưz chox kriê cxuô ngênhx, thax tsav qơư tror sir jos uô jông lơưr tsưr ziv, hâux lưv qênhz shuôs têx yêz mul lok, ndar txos trâu tsi pov muôx luz yêz tưs thâux ntâu têx xiv huv mul lok đhâu tâus cêr./.

(KT-Riê Lâux cxeik, nhênhv)