Hnuz xiêz 4/12 ntơưv Laox Cai muôx jiês cơưv txuôk cêr hlâu đros du liv têz qơưs shông 2017 Laox Cai-Tây Baz. Lơưr ntâuk gri ntơưv jiês cơưv, zoz qơưx thâux xa kruô txix cêr hlâu hâur shông du liv têz qơưk 2017 đros tsênhv njiêz “Cxuô kror jông Tây Băcz” tâu tsưr tsix tsêx trung ntơưv Laox Cai thiêz chor tinhv Tây Baz zos lok six lox. Đros têx tsênhv tsênhz, nhiv no ntu cêr hlâu Hax Nôiv-Laox Cai ntâu tiv zix zuôs thâux xa tâu 5 triêuv lênhx kruô, xar muôx 8 triêuv tânr hax huv iz shông, taz sik kror liv tsênhv tsênhz mak tsik tâu uô tâu. Chiê phuôx huiz cêr hlâu li kror liv hâur shông du liv 2017 zuôr txos, Sơv vênhx huôv, thêv thao thiêz du liv Laox Cai, Hiệp hôiv du liv tinhv Laox Cai tưz cir jênhv sik côngv đros Công ty Côv phânx Thâux xa kruô, hax huv cêr hlâu Hax Nôiv. Zơưv Nguyênr Phur Cươngx, chuv tiv Hôiv đôngx sêiz car Công ty Côv phânx thâux xa kruô, hax huv cêr hlâu Hax Nôiv puz pâuz:

 “Cxaz chuôz jiês cơưv no pêz vav tiêk hâur shông 2017 zuôr sir jos uô thâux xa kruô hax huv txix cêr ar, cêr yêz za trâu tsôngv kruô, li co pêz cê paz trâu tsôngv kruô ngaz tuk, jông siêz, cê sir zôngv tâu têx kror zuk muôx tưv tâu yưv pênhr taz sik ho uô tsik tas”./.

                                              (An Kiên-Lik Thox cxeik, nhênhv)

Hnuz xiêz 3/12, ntơưv xã Cát Thịnh, UBND huyện Văn Chấn, tỉnh Yên Bái tưz tsưr tsix ntênhs côngz fur thiêz lênhk txeik ntơưr côngz jênhv tập thể “ Txir thênh caz Văn Chấn”. Hâux lưv côngz jênhv tập thể “ txir thênhx caz Văn Chấn” zuôr muôx nzir six hơưv, hnuz nhôngs jông chiê trâu tsôngv box thiêz têx tsưr tsix, xiz nênhs huôv tsar uô nox, lax luôv trơưk têk, trơưk tsưr ziv. Huyện Văn Chấn, tỉnh Yên Bái nhiv no tsênhv muôx 1.300 ha têz txir thênhx caz. Đros thiêz iz ha sâu tâu muôx 12-15 tênhr; niêx shông tâu muôx 8 cxênhz tênhr, sâu tâu 200 tỷ đeiv. Txir thênhx caz Văn Chấn li bê hu no zos qơư chiê tsôngv box chos txir thênhx caz Văn Chấn krêz uô, por hưv zuk têx xiv huv. Iz chas ntơư, paz huyện cxiv têx ntâuz ntơưr seiz car, cui tinhv sir zôngv thiêz qênhz shuôs tsơưr lươngv têx txir thênhx caz “ txix chos, tu thiêz sâu đê, tsiv uô thiêz por hưv têx txir, muôz jông six hơưv trâu huyện tror njuôk hov, cêv kuôk qơư huôv tsar chos thiêz gra siêz grê têx txir thênhx caz hâur six hơưv zuôr txos./.

                                              (Tuấn Xuân-Riê Lâux cxeik, nhênhv)

Kror Uyv ban qênhz yuôx Trung ương nhiv kruôr hêik pâuz lok iz cxiê lênhx canr bôv đangv viên uô hâux lưv tsik trơưk chêi, cik txos zơưv Trinhv Xuân Thanh tưz jênhv tâu pêx xênhv Lai châu li thôngx ziv siêz. Taz sik, phênhv ntâu pêx xênhv Lai Châu hêik tiêk, đros têx kror mak iz cxiê canr bôv no phamv cxâuv mak tsuôk kyv luật thiêz hêik xưz tsênhv tsik tâu zos. Pos Đoanx Thiv Ngocv, nhoz jos 23, phươngx Đông Phong, thanhx phôr Lai Châu hêik:

 “Cur xav tiêk xưv lik chor canr bôv cik txos zơưv Trinhv Xuân Thanh mak ntu đhâu pov chir tưz hêik zos kror tsuv uô. Kror hâux lưv no zos iz kror kriê trâu chor canr bôv tsênhv uô hâux lưv siêz hâur Đangv, têz qơưk sir jos uô jông đuô têx jênhv vưv”./.

                                           (Khắc Kiên-Lik Thox cxeik, nhênhv)

Lok sâuv hâux lưv Ủy ban qênhz yuôx T.Ư heik tsênhz mênhx txos têx phênhv tik cêr cxâuv trâu chor canr bôv cik txos Trịnh Xuân Thanh, zơưv Hoàng Văn Pặn, cử tri jok 1, phường Quyết Thắng, TP Sơn La heik li no:

 “Cur lok six jông siêz, thôngx ziv đros trâu T.Ư hâux lưv, tưz tso tơưv phênhv tik cêr cxâuv trâu têx lênhx canr bôv cik txos Trịnh Xuân Thanh. Đhâu txuz nuv no, tsôngv box ziv njênhs njôngr trâu Đảng tsưr ziv chox car, sir jos uô nuv cxiv tsa Đảng ziv hnuz ziv hur, truôx jông. Pêz cux vav chiê siêz tiêk, hâur six hơưv zuôr txos, ntơưv têx thax tsav, têx bộ ngênhx thâuv njuôk hov, xeir zuôr canr bôv zuôr tsuv uô jông trơưk têx chei, cui tinhv, xeir tsov têx lênhx muôx txâuk txux chi, tsưr ziv uô nuv lok lês car uô têz qơưs têx hâux lưv”./.

                                               (TTT-Riê Lâux cxeik, nhênhv)

Txix hâur shôngk shông txos nhiv no, ntơưv qơư tuôr chiê têx chiv xênhz Mươngx Nhêr (huyênv Mươngx Nher, tinhv Điênv Biên) muôx yưv jiês hluôr tơưl cuz jôngr (tsơưs đuô 7 jiês pir li shông 2015) uô hiêv xar muôx 13 ha jôngr, tas muôx nhos 42% jôngr. Qir tiv tâu xav jênhv zos pêx xênhv zôngv hluôr tơưl tsik ngaz tuk. Chiê phax cuz, tuô cuz jôngr muôx chêx cur, chor qơư sêiz jor por vêv jôngr nhoz Ban sêiz car thax tsav tuôr chiê têx chiv xênhz Mươngx Nher tưz hêik trâu UBND chor xar iz ndis uô jông 5 ban sêiz car phax cuz, tuô cuz jôngr câpz xar đros 86 lênhx nênhs thiêz 26 tôv đôiv phax cuz, tuô cuz têx jêx jok đros xar muôx 300 lênhx nênhs tsik so sêiz shuôk, chơưv paz tâu sêi zos tiêk muôx yưv cuz chiê txo grêk tsơưs têx trâus hiêv tiv zix./.

                                                     (KT-Lik Thox cxeik, nhênhv)