Tsik so hâur oz pêz hnuz đhâu, ntơưv tỉnh Yên Bái, yar ntux cuz sor tưz uô trâu nênhs moz tuôx tsêr kho moz ntơưv chor qơư njuôk kho moz chuôz ndê siêz. Lơưr sâu jênhv ntơưv tsêr kho moz đa khoa tỉnh Yên Bái, nhiv no tưz muôx zuôr xar 650 lênhx nênhs moz tuôx chơưv kho moz; ndê muôx 15% pir li uô ntêx jiês yar ntux cuz sor. Chor nênhs moz tuôx tsêr kho moz chuôz ndê jiês no phênhv ntâu zos cik txos shâur nyar ndê nhoz nênhs lâul thiêz têx zav moz lok cêr uô pa, nox hâuk nhoz nhuôs zâu. Uô ntêx qênhx shênhx no, ngành y tế Yên Bái tưz cxaz nzir yuôx, txax pư, chuôz zênhx; y, bác sỹ nhoz khoa muôx tsơưs nênhs moz paz trâu khoa muôx chôngz nênhs moz chiê tax tâu jông côngz xưv tsoz phưz, chơưv kho trâu nênhs moz. Đros co zos sir jos phax tar chor zav moz tsik so huôv xênhz hâur qiv hơưv yar ntux cuz sor./.

(VOV4-Lik Thox cxêik nhênhv)

          Hnuz xiêz 5/6, Tsêr cơưv cấp 3 chuyên tỉnh Sơn La tưz tsưr tsix tưr xeir zuôr shux xênhz cơưv lớp 10 shông cơưv 2017-2018; muôx 540 lênhx shux xênhz đros tưr.

Trơưk li njuôk xav, phênhv ntâu chor shux xênhz tuôx tưr thiêz hur si 2 jax ntơưr tưr zos jax xav fax thiêz jax ngữ văn shông no cux muôx nhoz hâur têx ntơưr tưz cơưv đhâu, viv li cxuô lênhx nhuôs shuv xênhz cux zuôr tưr tâu trơưk tsưr ziv xar. Trơưk Hội đôngx xeir zuôr shux xênhz li cui tinhv, Shông cơưv 2017-2018, Tsêr cơưv cấp 3 chuyên Sơn La xeir zuôr 385 lênhx shux xênhz lok cơưv lớp 10./.

                                       (Hồng Việt-Riê Lâux cxeik, nhênhv)

          Chor shông đhâu, tỉnh Lào Cai tưz thiêz tsênhv tsêx trung pênhr jos, yưv pênhr uô cxuô zav chiê por vêv tênhv qơư trâu chor qơư công nghiệp, đô thị; hêik chor doanh nghiệp sâuv thax tsav cir jênhv tsik uô phiv liv tsik hur txos tênhv qơư; sir jos uô côngz xưv sêiz car thiêz por vêv tênhv qơư, tir tar qiv hơưv txơưr txar. Côngz xưv por vêv tênhv qơư tax tâu ntâu chêx cur: Chor vuôz tsuôz xênhz huôx ntơưv đô thị tâu sâu tsês, xưv lik tsav muôx 85%; thax tsav muôx jôngr vor 53,7%; nênhs nhoz têx jêx jok tâu cungz đêx sir zôngv huv vêv xênhz muôx 85% ntâu; têx đêx vuôz tsuôz txix chor qơư công nghiệp tâu sâu tsês, xưv lik muôx 40% …/.

(KT-Lik Thox cxêik nhênhv)

          Tsôngv box thiêz cưr tix fôngx zưs hmor yuô! Đhâu thâuv qênhz pov têx caz côngv xuz thơưx ntơưv 2 xã ntus đriv zos Mường Lói thiêz Mường Nhà, huyện Điện Biên hâur têx hnuz kaz hli 5 nhiv kruôr đhâu, UBND tỉnh Điện Biên tưz heik têx cơ quan car uô đreiv luôs hâux lưv heik sâuv hâur tỉnh sir jos tiês têx faz tsưr ziv sox seiz, tsuôs yuôx tuô, lov cov tas têx caz côngv thiêz bax tsưr ziv phax tir thêir têx caz côngv tsênhv zôngx ziv huôv xênhz hâur thax tsav tho nox têx kôngz.

Trơưk li têx cơ quan car uô đreiv hâux lưv no qênhz shuôs, ntâuk grê, co tâu xav tinhv phênhv ntâu zav caz côngv shôngz, đrâuz kâuv đax, lok txix têx tỉnh Bắc Lào lok hâur thax tsav tỉnh Điện Biên. Fâuv caz côngz xuz thơưx tâu qênhz pov hnuz 27/5 ntơưv thax tsav jôngr ntông hâur jok Na Hôm. Txos nhiv no têx caz côngv heik sâuv cux tsênhv mok, tsi tâu tuôx tik, viv li za tsi tâuk mul trâu cxiê qơư./.

(Vũ Lợi-Riê Lâux cxeik, nhênhv)