Hnuz  xiêz 5/12, Vụ vênhx huôv mênhx cxưx lok zos Dân tộc (Bộ vênhx huôv Thêv thao thiêz ju lix) đros Sở vênhx huôv Thêv thao thiêz ju lix tsưr tsix  cơưv lok cxiv tsa trâur nuv uô siv gra siêz luz nênhx vênhx huôv, vênhx ziv tsôngv box heir nênhs tsơưs thax tsav tsôngv box yeik  txar lok nhoz qơư yiêz chiê zuôr qơư cxiv uô tsêr meir tênhv tênhz thax tsav Tây Bắc. Ntơưv jiês cơưv, chor đại biểu tưz heik lok têx tsênhv tsênhz hâur luz nênhx vênhx huôv, vênhx ziv tsôngv box heir nênhs tsơưs thax tsav qơư nhoz qơư yiêz chiê zuôr qơư uô tsêr meir tênhv tênhz. Tỉnh Lai Châu zos thax tsav muôx ntâu côngz trênhx tênhv tênhz, hâur ntơư lox yax zos tsêr meir tênhv tênhz Sơn La, tsêr meir tênhv tênhz Lai Châu….đros thiêz têx liêx têz, đêx ar trâus pak đêx tênhv ngaz txos zos yênhx vav ha. Six hơưv đhâu, tỉnh tưz uô tiêr luôs hâux lưv yeik txar 8.940 chuôz zis tsôngv box nhoz 32 xã, iz phường thiêz 4 thị trấn muk nhoz trâu qơư yiêz zuôr qơư uô tsêr meir tênhv tênhz. Têx thax tsav, suôv qơư tsuv yeik txar tsôngv box muk nhoz qơư yiêz, phênhv ntâu zos tsôngv box cxuô heir nênhs li: Thêir, Khơ Mú, Hà Nhì, Si La, Cống. Ndax six hơưv no, chor đại biểu cux tưz tso tơưv iz cxiê tsưr ziv chiê paz por hưv, tuôr tsês chiê tsôngv box cxuô heir nênhs tsơưs têx txux chi vênhx huôv jông. Hâur ntơư, uô uô cê têx tsênhv chei mênhx cxưx thiêz tsênhv chei lok huôv tsar kinh tế-XH; kriê cxaz txux chi, tsưr ziv uô nuv, sir zôngv têx canr bôv zos heir nênhs tsơưs hâur cxix luôs chính trị cxuô cấp; taz por chiê sđ muôx vax huôv siz luôs trơưk li têz qơưs têx chei, cui tinhv./.  

                  (KT-Riê Lâux cxeik, nhênhv)

Hâur ntu đhâu, Bộ tuz lênhv biên phôngx tỉnh Laox cai tưz uô jông luôs hâux lưv tsưx phưv truôx thax tsav ntus đriv thiêz uô jông luôs hâux lưv qênhz yuôx đros tuz lênhv Trung Quốc; lar hêik, hâur hli 9 đhâu tưz tsưr tsix tâu yênhx côngz jiês sik côngv cơưv shâuv tir thêir têx nênhs fêv hâur thax tsav ntus đriv thiêz tâu hâu nov oz têz qơưs kruôk txos. Hâur shông, lực lươngx cux zok nriêr, yơưz phơưz tâu ntâu txuz, hâuz nziêk đas lênhx nênhs muôs; iz txuz zuôr muôs zênhz gaz ntơưr; tu tas 17 txuz, 26 lênhx trâus tik cêr cxâuv zos đrêiv chêi têz qơưs./.

                                                                                     (Tsu cxêik nhênhv-KT)

Zar hnuz kêix hnuz xiêz 5/12, Tỉnh ủy, Hôiv đôngx pêx xênhv, Ủy ban thiêz Ủy ban Mặt trận tổ quốc tỉnh Yên Bái tưz tsưr tsix cơưv njiz njêx muôs têx lênhx chức sắc, lênhx nênhs uô tâu nuv jông; txir ndâux txir luk têx Tôn giáo shông 2016. Hâur shông, têx nuv tín ngưỡng, tôn giáo hâur thax tsav tỉnh tưz uô tâu trơưk têx lênhx tsôngv box muk lơưr vax tsưr li zoz qơưx, uô jông trơưk Đảng, têz qơưs têx chei, ntơưv qơư cui tinhv, sir jos uô têx nuv jông, luz nênhx tsiv txiêx, đros cxaz chuôz têx cxiv vênhv tôngv, phôngz yaox sik tưr nhiêv têz nhiêv qơư. Ntâu qơư têx Tôn giáo tưz yênhx qơư chi cax, zos têx lênhx uô ntêx nyuôs hâur huôv tsar uô nox uô hnar, cxuz cêr yeiz pluôs, cxiv tsa luz nênhx vênhx huôv trâu thax tsav tsôngv box nhoz….paz phênhv trâu Đảng, hâu nov ntơưv qơư, lưv lươngv vũ trang thiêz tsôngv px cxuô heir nênhs hâur tỉnh uô tiêr cxuô luôs hâux lưv ntơưv qơư./.

                     (KT-Riê Lâux cxeik, nhênhv)

Lực lươngx công an tir thêir têx nênhs fêv zuôr  muôs zax zênhz, công an huyện Mường Ẳng tưz cxov tâu 2 lênhx thiêz yơưz tâu iz cxiê zênhz đơưz thhiêz yuôx shơư zênhz. Ntơư zos hâur hnuz xiêz 2/12, ntơưv thax tsav jos Pá Khôm, xã Nặm Lịch, công an huyện Mường Ẳng tưz cxov tâu oz lênhx thiêz sâu tâu iz đêiv zênhz đơưz đros trâu 15.800 njiêr yuôx shơư zênhz. Ntơư zos Muôk x Ly, xênhz zus shông 1980, nhoz jos Nặm Ngắm B, xã Pu Nhiv, huyện Điện Biên Đông; Lý x Hav, xênhz zus shông 1985, nhoz jos Nọng Luông 2, xã Mường Phăng huyện Điện Biên.

Nhiv no công an huyện Mường Ẳng tsênhv taz tov qênhz yuôx cov tsênhz mênhx chiê muôz tik cêr cxâuv cov zos đrêiv chêi têz qơưs tso tơưv./.

                                                                                     (Tsu cxêik nhênhv-KT)

Trơưk li Đại tá Đỗ Tiến Dũng, Phưv Giám Đốc, lênhx thơưx seiz car Cơ quan Cảnh sát qênhz yuôx-Công an tỉnh Hà Giang: Cơ quan Cảnh sát qênhz yuôx-Công an tỉnh Hà Giang tưz tso tơưv quyết tinhv xơưz xưv, tik cêr cxâuv trâu Phù Minh Tuấn, xênhz shông 1984, heir nênhs Pà Thẻn, nhoz ntơưv jok Tả Ngảo, xã Tân Trịnh, huyện Quang Bình, tỉnh Hà Giang lok sâuv tuô 4 lênhx nênhs hnuz xiêz 1/12 nhiv kruôr đhâu./.

                   (VOV4-Riê Lâux cxeik, nhênhv)