Trơưk li Hạt yuôx jôngr huyện Văn Chấn, tỉnh Yên Bái thôngz sâu, txuz hluôr tơưk cuz jôngr ntông tas cik sơưr nzor hnuz xiêz 5/6 ntơưv jok Khe Nhao, xã Nghĩa Tâm, huyện Văn Chấn tưz uô ruôr hiêv tas muôx 5,5 ha har jôngr, phênhv ntâu zos têx shôngz ntông.

Thax tsav jôngr ntông trâus cuz hnhiêz ntơư zos har jôngr chiv xênhz đrox tsuôs nưk tuôx nưk, tâu choz trâu têx ziv chuôz zis tsôngv box seiz car, por hưv. Thâuv qênhz pov hluôr tơưk txeik cuz, Hạt yuôx jôngr huyện Văn Chấn tưz hu chôngz lênhx nênhs, xar muôx 250 lênhx muk đros tuô hluôr tơưk, txos thâuv xar muôx 10 six tsâuk ntux tưz tuô tâu txuz hluôr tơưk cuz jôngr ntơư. Qir tiv uô hluôr tơưk txeik cuz jôngr tsênhv tâu têx cơ quan muôx vax huôv qênhz yuôx, uô tsênhz mênhx./.

(Tuấn Xuân-Chia dịch đọc)

     Nhiv kruôr đhâu, đhâu thâuv muôx yưv chor chuôz zis nav txênhz thax tsav di tích liêx ntêir sâuv thax tsav huyện Sa Pa txơưr txar phiv liv, tỉnh Lào Cai tưz yênhx lix đoanx qênhz yuôx liên ngành chiê ntâuk gri qênhx shênhx tsênhv tsênhz. Chêx cur qênhz yuôx puz pov đros têx phiv liv hâur côngz xưv sêiz car di tích nhoz tiv phaz mak qir tiv chênhr chor txuz nav txênhz zos tiv pox nhuôs luz nênhx tsênhv txov nhêv.

Đoanx qênhz yuôx cux hêik UBND huyện Sa Pa tsuv nzor uô tiêr chêi sêiz car Di tích têz quuwk liêx ntêir Sa Pa chiê gra siêz chêx cur sêiz car. Đros têx côngz trinhx, vax tsêr tsênhv tâu cxiv uô tsik zos chêi hâur thax tsav di tích, chính quyền huyện tsuv muôx tsưr ziv xưv lik truôx lơưr cuiz tênhv./.

(An Kiên-Lik Thox cxêik nhênhv)

     Uô lơưr luz hlik uô têx nuv phax tar zax zênhz, thâuv 4 six 30 phênhz tas cik sơưr nzor hnuz xiêz 6/6, ntơưv thax tsav jok 8, xã Chiềng Sơn, huyện Mộc Châu, tỉnh Sơn, Công an huyện Mộc Châu đros tổ côngz xưv số 2-Tsưr ziv 279 thiêz Công an huyện Vân Hồ tưz qênhz pov thiêz ntêk tâu 4 lênhx nênhs puôr lênhx nhoz uô cê ntơưv jok Khò Hồng, xã Chiềng Xuân, huyện Vân Hồ, tỉnh Sơn La lok zuôr muôs zax zênhz tsi trơưk chei; têx chuôz zênhx sâu tâu ntơưv qơư muôx 32 cxênhz njiêr yuôx zax cxuô zav.

Ntơưv cơ quan công an, têx lênhx nênhs heik sâuv krêz lênhk tiêk, chor yuôx zax zênhz ntơư tâu lơưr zuôr ntơưv iz lênhx nênhs txơưr đuô lok muôs, tsênhv taz tov thâux gra muk muôs, txos tol cêr txơưv trâus công an qênhz pov thiêz ntêk tâu./.

(Tuyết Lan-Riê Lâux cxeik, nhênhv)

     Hêir nênhs Cống nhoz Điện Biên zos hêir nênhs lok six tsơưs nênhs, nhoz hâur bê ntơưr chor hêir nênhs tsuv tâu tuôr chiê. Txix shông 2011, Đề án “Tuôr chiê thiêz huôv tsar vênhx huôv cxuô mênhx cxưx tỉnh Điện Biên đros huôv tsar kinh tế-xã hội txos shông 2015, tsưr ziv txos shông 2020” paz hlôngr yiêz tsôngv box Cống nhoz Điện Biên luz nênhx. Tsưr ziv uô đề án zos cxuôv yêiz thiv pluôs , iz thênhv jux juk hlôngr yiêz, gra siêz luz nênhx cxuô zav; tuôr chiê thiêz phuôx huiz vênhx huôv mênhx cxưx Cống. Tsưr tsix chor lớp kruôz kriê gra siêz txux chi hâur huôv tsar uô kôngz jôngr nuv đros uô muôl muôs hax huv tưz paz gra siêz tsôngv box txux chi, tsưr ziv uô xênhz yar./.

(VOV4-Lik Thox cxêik nhênhv)