Đônx pênhz phax trôngx đriv Tây Trang sik côngv đros Cục Haiv quan thiêz phax tar nênhs phamv cxâuv zax zênhz (Bôv đôiv pênhz phax tinhv Điênv Biên) nhiv kruôr cxov tâu Dua Xênhv Zax (zus shông 1961, nhoz jok Tin Lanr, xar Nuar Ngam, huyênv Điênv Biên) thâuv tsênhv gra 24.000 luz yuôx zax zênhz. Lênhx nênhs co muôz chor yuôx zax zênhz 20 poz tso hâur luz cơưv êr sâuv đraz kâuv tiêk muk uô têz lok trâu jok Na Ư tưz trâus cxov. Đrâuv chor zax zênhz hêik co, tsênhv muôx iz luz mêir điênv thoại chiê sik thav đros chor nênhs muôl muôs zax zênhz. Nhiv o chor lưx lươngv txơưx jênhv bôv đôiv pênhz phax tinhv Điênv Biên tsênhv tror qênhz yuôx txuz hâur luv no./.

(VOV4-Lik Thox cxeik, nhênhv)

Tas cik hnuz xiêz 6/12, thành đoàn, Hội đồng đội TP Lào Cai đros Phongx zaoz zux thiêz thox cxov TP tsưr tsix krêz côngz uô côngz tsinhx tsêr cơưv niêv txir zus mor trâu shux xênhz tsêr cơưv cấp 1 thiêz cấp 2 xã Tả Phời. No zos iz hâur têx côngz tsinhx hluôk nênhs cấp tỉnh tâu Thành đoàn Lào Cai krêz uô hâur shông 2016. Njuôs xav côngz tsinhx zuôr uô tiêr hâur hâur hlik hli 1/2017. Tsêr cơưv cấp 1 thiêz cấp 2 xã Tả Phời nhoz jos Xéo Tả 2 zos luz tser cơưv nhoz tox siêz tsênhv yuôr ntâu txov nhêv. Tsêr cơưv nhiv no muôx 283 lênhx shux xênhz, haur co muôx 71 lênhx nhoz ciês hâur tsêr cơưv zos tsôngv box têx mênhx cxưx tsơưs nênhs li tuz nhuôs. Txơưv tiêk tưz jênhv tâu têz qơưk li ntâu tsov cưv, taz sik tsêr cơưv tsênhv yuôr ntâu txov nhêv lok chuôz zênhx chuôz tas, tiv zix zos tsi muôx txâuk qơư nhoz trâu shux xênhz./.

(KT-Txâur Vax cxeik nhênhv)

Zar hnuz kêix xiêz 6/12, UBND tinhv Yên Bair tsưr tsix sêiz shuôk chêx cur qênhz shuôk, xav jênhv jêx jok txov nhêv tiv zix, xar thax tsav mênhx cxưx tsơưs nênhs thiêz tox siêz nhoz chor huyện sâuv thax tsav tinhv. Lơưr thuv tươngr chinhr phv li cuêz tênhv sor 50 nhiv kruôr tso tơưv, tsưr ziv xav jênhv jêx jok txov nhêv tiv zix zos zos jok muôx iz hâur oz kror li: tas nro chor chuôz zis pluôs thiêz zuôr xar pluôs txix 65% tror sâur, hâur co chor chuôz zis pluôs txix 35% tror sâur thiêz muôx 2 hâur 3 kror li (zos chor jok muôx 80% chor chuôz zis mênhx cxưx tsơưs nênhs, tsuv muôx 1 hâur 3 kror li): Cêr muk lok chênhr hâur jok thiêz sik txuôk jêx jok tsik tâu uô truôx jông lơưr tsưr ziv jêx jok yiêz; txix 60% chor qar cơưv ntơưr trâu nhuôs zâu tsik tâu uô truôx jông; tsik tâu muôx tsêr vênhx huôv-qơư thêv thao lơưr Bôv vênhx huôv-thêv thao thiêz du liv li cuiz tênhv…khov lơưr têx tsưr ziv co, nhiv kruôr đhâu, tinhv Yên Bair tưz tsưr tsix qênhz shuôk thiêz ntâuk gri chêx cur xav jênhv jêx jok txov nhêv tiv zix, xar thax tsav mênhx cxưx tsơưs nênhs thiêz tox siêz thax tsav 3, 2, 1, ntu 2016-2020./.

(TTT-Lik Thox cxeik, nhênhv)

Muôx cxaz tsênhv chei paz txưv cưk kriê thax tsav txov nhêv. Co zos cử tri xã Tà Tổng huyện Mường Tè li iz hâur têx ziv chênhv thix ziv ntơưv jiês đoanx teiv plor côx hôiv tỉnh zos đồng chí Phùng Quốc Hiển- Ủy viên Trung ương Đảng, Phưv chủ tịch côx hôiv uô tsar njiz cưv tri hnuz xiêz 5/12. Ntơưv jiês njiz, hlôngr njêx muôk lênhs tov xã Tà Tổng pov cov chêx cuk phuôv tsar KTXH, côx phax txiv ngaz shông 2016, jênhv vưv tsênhv hâur shông 2017; đoanx teiv plor côx hôiv tỉnh thôngz pov chêx cuk jiês khiêz phêv tiv 2 côx hôiv khóa 14. Cử tri xã Tà Tổng thix ziv: côx hôiv tsuv nzor seiz shuôk car chêx txos qơư vênhv thix sik txênhz ar têz muôx lênhx coaz txos xã Tà Tổng thiêz xã Huổi Lếch huyện Mường Tè, tỉnh Điện Biên; nzor pheiz Tà Tổng yênhx 2 xã Tà Tổng thiêz Nậm Ngà chiê ngaz tul hâux lưv coar lik, taz por txiv ngaz côx phax; muôx cxaz tsênhv chei paz txưv đros cưk kriê uô côngz xưv ntơưv thax tsav txov nhêv; tsov cưv yưv pênhr cxiv tsa cxix luôk njưs đêx, cưx đês taz por muôx đêx tso lol hâur liêx...

Sik pheiz kênh xã Tà Tổng li têx phêv liv hâur uô têx jênhv vưv phuôv tsar KTXH, txu yeiz cxuôv pluôs, Đoanx teiv plor côx hôiv tỉnh têz cử tri li iz cxiê ziv chênhv thix ziv nhoz zuk li qênhx, yuôr iz cxiê ziv chênhv mak đoanx sâu jênhv, thix ziv taz viv muôx txơưx jênhv seiz shuôk, car chêx./.

( TTT- Txâur Vax cxeik nhênhv)