Đhâu ntâu hnuz yar ntux cuz sor, zar hnuz kêix 6/6, sâuv thax tsav tỉnh Yên Bái tưz muôx yưv ntux nas chuô đros xoz đrông.

         Ntơưv jok Khe Đeng, xã Phong Dụ Hạ, huyện Văn Yên, xoz tưz tuô trâus zơưv Đặng Xuân Chu, zus shông 1971, mênhx cxưx Cho trâus tuôs. Đhâu ciês muôx yưv txuz hâux lưv no, Ban chox kriê phax tar ntux têz uô hiêv, zok nriêr chơưv paz huyện Văn Yên tưz muk sêiz nus thiêz paz trâu chuôz zis muôx nênhs trâus tuôs 4 triệu đêiv, hêik chính quyền tiv phaz paz trâu chuôz zis tsưr tsix uô đaz uô kruô trâu nênhs trâus tuôs. Cux hâur hnuz 6/6, uô ntêx thâuv muôx yưv ntux nas chuô, xoz đrông, ntơưv xã Ngòi A tưz muôx yưv iz txuz hluôr tơưl cuz tas oz luz tsêr, xav trâus pôngz plox tas muôx 200 triệu đêiv ntâu.

         Chiê truôx tuk luz nênhx trâu chuôz zis trâus hiêv, ciês hâur tsâuk ntux nas hmo lênhx tov huyện Văn Yên tưz muk sêiz nus thiêz paz trâu iz chuôz zis 20 triệu đêiv./.

(Tuấn Xuân-Lik Thox cxêik nhênhv)

         Ntơưv thax tsav qơư qênhz yuôx B nhoz trôngx đriv ntiêx têz cêr ar số 2 Kim Thành, xã Đồng Tuyển, TP Lào Cai, tỉnh Lào Cai, Zênhx pênhz phax trôngx đriv ntiêx têz Lào Cai nhiv kruôr ntês tâu Ngô Khánh Duy, xênhz shông 1992, nhoz jos Tả Hà 4, xã Sơn Hà, huyện Bảo Thắng, tỉnh Lào Cai tsênhv gra lơưr 20 poz zax zênhz mul muôs. Hnuz xiêz 6/6, đhâu chêx cuk seiz car xav tênhv lênhx nênhs thiêz chor zax zênhz heik sâuv, Zênhx pênhz phax trôngx đriv ntiêx têz Lào Cai tưz cuiz tênhv krêz tik cêr cxâuv hình sự đros Ngô Khánh Duy, chiê tror krêz đar qênhz yuôx hâux lưv no./.

(An Kiên- Txâur Vax cxeik nhênhv)

         Hnuz 7/6, Cơ quan an ninh qênhz yuôx Công an tỉnh Sơn La tưz khởi tố thiêz txưr zơưv Nguyễn Hồng Bài, zus shông 1957, nhoz ntơưv jok Mùn 6, xã Yên Quang, huyện Kỳ Sơn, tỉnh Hòa Bình muk đhâu qơư nhoz lok kror cxâuv nziêk đas zuôr nhiêx txiêx cxuô zav.

         Đhâu qênhz yuôx xav jênhv, txix hli 6/2016 txos nhiv no, Nguyễn Hồng Bài tưz đros chor nênhs zos Lò Văn Chaư, Lò Văn Thời thiêz Đinh Công Bắc liv zôngv pêx xênhv txar qơư nhoz yiêz uô tsêr mêir đêx tênhv Sơn La jênhv pauz kik chiê nziêk đas tiêk zuôr paz zok nriêr chính phủ thiêz tỉnh Sơn La li têx tsênhv chêi paz lok txar qơư nhoz uô tsêr mêir đêx tênhv Sơn La chiê pâux nzir thiêz paz trâu lơưr.

         Li co, xav txos nhiv no, cơ quan an ninh qênhz yuôx tỉnh Sơn La tưz cxov tâu 4 lênhx nênhs lok kror cxâuv đas nziêk chiê zuôr têx nhiêx txiêx cxuô zav cik txos txar qơư nhoz chiê uô tsêr mêir đêx tênhv Sơn La./.

(Tuyết Lan-Lik Thox cxêik nhênhv)

         Six hơưv jê ntơưv no, qênhx shênhx uô cxâuv lok taz por vêv xênhz zav nox sâuv thax tsav thành phố Điện Biên Phủ tỉnh Điện Biên ziv hnuz ziv muôx ntâu, tiv zix zos hâur cheix ntux sor qiv hơưv cuz sor zos tênhx qơư jông chiê têx zav caz moz huôv xênhz, uô zôngx ziv trâus tsơưr tưx zav nox. Chiê taz por đas jos trâu tsôngv box, jav qênhx shênhx trâus tsơưr tưx tiv nox hâuk tsi huv vêv xênhz, UB thành phố chox kriê têx chiz coaz muôx txơưx jênhv chêx chôngk qênhz yuôx, seiz car têx qơư tsiv uô, muôv muôs zav nox; yưr lir txos qơư têx lênhx nênhs uô cxâuv lơưr cui tênhv. Thôngx cxix, cxơưz tiês côngz xưv yax mông sâuv têx phaz pênhv thôngz xor mông; muôz siêz jênhv pâuz, pênhr xưv yax mông trâu cán bộ uô côngz xưv taz por zav nox têx cấp, têx cộng tác viên, nhân viên y tế xã, phường..../.

( KT- Txâur Vax cxeik nhênhv)