Đại hôiv Hôiv Liên hiệp Việt Nam tỉnh Lai Châu khóa 5, ntu 2024-2029 tưz suôv câuv jông đhâu 2 hnuz uô kriz cơưv. Ntơưv Đại hôiv, tưz muôx 8.000 ntâu côngz trinhx, phênhv huv hluôk nênhs tâu hênhr kruôk. Niêv tix Vừ Mai Dinh, Phưv bí thư Tỉnh đoàn tâu chiê uô Chủ tịch Hôiv. Hâur six cxiv đhâu, cxuô cấp hôiv liên hiệp Hluôk nênhs Việt Nam tỉnh Lai Châu tưz kriz uô tâu jông têx luôs hâux lưv, jênhv vưv côngz xưv Hôiv thiêz phongz yaox hluôk nênhs. Lơưr co, tưz muôx 118 tsưr ziv paz trâu 5.000 lênhx hluôk nênhs; yênhx lix thiêz uô tâu jông 8 câu lạc bôv “Paz muôx siêz njênhs”; uô truôx jông 155 đôiv hluôk nênhs uô ntêx hlo cxaz chuôz tuôr truôx ngaz tuk zoz thôngz, zuôr xar 130 tsưr ziv “Trôngx vas tsêr cơưv ntơưr ngaz tuk zoz thôngz”, qơư tsar đrênhk fuôx gox ngaz tuk zoz thôngz… Đuô li, cxuô cấp hôiv cux tưz kriz uô tâu 8.000 ntâu côngz trinhx, hâux lưv hluôk nênhs, paz uô tâu liv tsiv gri muôx 45 tiv đêiv./.

                                                                                                             Khắc Kiên-Lik Thox cxêik nhênhv

Xor mông txix Sở vênhx huôv-ju lix tỉnh Lai Châu puz pâuz, tiv phaz tưz uô tiêr hâux lưv tos 1,1 tsov jiês kruô ju lix hâur shông no. Hâur co muôx zuôr xar 24 cxênhz jiês kruô saz đrâuv têz qơưk, tax 100% tsưr ziv tso tơưv. Phênhv sâu txix têx huôx tôngv ju lix njuôs xav tax 1 cxênhz tỷ đeiv, chuôz tsar muôx nhos 60% pir đros shông tov ntêx. Zơưv Trần Quang Kháng, Phưv giám đốc Sở vênhx huôv-ju lix Lai Châu puz pâuz, txix nhiv no txos kaz shôngk shông, Lai Châu sir jos tos cxaz muôx nhos 200 cxênhz jiês kruô, paz chiê ju lix tiv phaz huôv tsar đuô hâur ntu zuôr txos:

“Chiê heik kriê têx xiv huv ju lix Lai Châu txos tsôngv kruô hâur thiêz saz đrâuv têz qơưk, pêz tsênhv krêz uô têx tsaz yênhx sik côngv huôv tsar đros têx thax tsav, têx tỉnh, TP lox. Hâur co, pêz tưz thiêz tsênhv krêz uô hâux lưv sik côngv hâur 8 tỉnh Tây bắc krêz đar đros TPHCM thiêz sik côngv Lai Châu thiêz Hà Nội. Lai Châu đros Lào Cai thiêz Lai Châu đros têx tỉnh Nam Trung Bộ. Zuôr txos, pêz zuôr tror sik côngv đros têx tỉnh Tây Bắc krêz đar sik côngv huôv tsar ju lix đros têx tỉnh, TP lox tsênhv yuôr hâur têz qơưk”./.

                                                                                                 Khắc Kiên-Txâur Vax cxeik nhênhv

Đhâu 1 hnuz ntâu sir jos kho đuô, qơư trâus poz sâuv txox cêr 4H, nhoz thax tsav jok Hồ Chim, xar Ma Thì Hồ, huyện Mường Chà (Điện Biên) tưz tâu thoz huk tiêr. Chor yêz tưz muk lok tâu đhâu. Uô ntêx co, hnuz 13/10, sâuv txox cêr 4H, ntu đhâu jok Hồ Chim, xar Ma Thì Hồ tsik so muôx yưv ar poz lok cxuz cêr, uô trâu ntu cêr txix huyện Mường Chà muk chor huyện Nậm Pồ, Mường Nhé (Điện Biên) muk lok tsik tâu. Đhâu muôx ar poz cxuz cêr, chor lưx lươngv muôx vax huôv oz huyện Nậm Pồ thiêz Mường Chà tưz tso nênhs thoz huk, kho đuô cêr, kriê trâu px tsar yêz muk lok đhâu zôngx ziv thiêz ngaz tuk./.

                                                                                                         Vũ Lợi-Lik Thox cxêik nhênhv

Iz lênhx nênhs lênhs tov xã Tân Hương, huyện yên Bình, tỉnh Yên Bái puz pâuz, thâuv 3 six zar hnuz keix hnuz 14/10, lưx lươngv công an tưz ntês cxov zơưv Lục Văn Đông. No zos lênhx nênhs zôngv triêv gâus Tsar công an xã Tân Hương hnuz xiêz 4/10 nhiv kruôr đhâu. Uô ntêx co, VOV tưz tso mông, thâuv 3 six 30 phênhz hnuz xiêz 4/10, Công an xã Tân Hương, huyện Yên Bình jênhv tâu xor mông txix tsôngv box hêik lok zơưv Lục Văn Đông xênhz shông 1979 nhoz jos Khe May, xã Tân hương, zôngv triêv hêv tsôngv box tsi chiê tsôngv box hleik blêx. Jênhv tâu xor mông, thiếu tá Lương Văn Chiến tsar CA xã đros 2 lênhx công an xã tưz muk car chêx. Thâuv co, zơưv Lục Văn Đông thiêz Lục Văn Hùng tưz zôngv triêv gâus lưx lươngv công an. Uô thiếu tá Lương Văn Chiến trâus saz hnhar tsuv muk tsênhv qơư y tế huyện Yên Bình chơưv kho. Thâuv gâus lênhx nênhs trâus saz, 2 lênhx nênhs no tưz gra triêv đros thiêz khiêr đrêiv./.

                                                                                                        Đinh Tuấn- Txâur Vax cxeik nhênhv