Tas cik hnuz xiêz 03/10, Ban seiz car thax tsav qơư ndo txiêx njis Chủ tịch Tô Đức Thắng, tỉnh An Giang tưz đros qơư Bảo tàng tir ntâuk zênhx tros châuz Điện Biên Phủ, tỉnh Điện Biên piêr kriê têx đuôz shav lok “Chủ tịch Tôn Đức Thắng têx nuv uô jông đros tuz lênhv Việt Nam”. Qơư piêr kriê têx đuôz shav co tâu uô ntơưv đrôngs Điện Biên Phủ, muôx 80 đeiv đuôz heik lol chor tuz lênhv Việt Nam li cêr yênhx lix thiêz huôv tsar, Chủ tịch Tôn Đức Thắng cêr moz siêz txos cxiv tsa têx tuz lênhv truôx njês.... Piêr kriê têx đuôz li heik sâuv tsênhv uô trâu pêx xênhv, tsôngv kruô hâur thiêz đrâuv 2 chas têz qơưk pâuz tsênhz lok Chủ tịch Tôn Đức Thắng têx cêr nênhx jông, uô ntêx nyuôs hâur cxuô luôs hâux lưv viv têz qơưk, viv tsôngv lax pêx xênhv. Jiês piêr kriê no njuôk xav zuôr uô txix nhiv no txos tas hli 11/2024./.

Vũ Lợi-Riê Lâux cxeik, nhênhv

           Lơưr Sở Zoz thôngz vận tải tỉnh Yên Bái, côngz trinhx qox Yên Bái, ntơưv cêik cêr 280+500, txox cêr 37 tâu uô tiêr thiêz muôz lok sir zôngv txix shông 1992. Qox ntêr muôx 305 thiêr, đar 12,8 thiêr, plas qox trâu yêz muk lok đar muôx 7 thiêr, qox tâu uô txix kuôr hlâu thiêz bê tông… Tiv phiv liv txix coz nas chuô sôr 3, đros muôx đêx huôv lox txix pêv hâur đêx lok tưz uô tuk đêx liêz ntu đhâu thax tsav Yên Bái muôx têx thâuv pur siêz txos 35 thiêr ntâu. Đêx huôv cuôr đros têx vuôz tsuôz, shôngz ntông lok, cuôr yôngz oz luz yêz qênhz yuôx qox. Chiê ngaz tuk trâu nênhs thiêz têx yêz muk lok, Sở Zoz thôngz vận tải tỉnh Yên Bái hêik Cục Cêr ar Việt Nam tso chêi txưr tas nro nênhs thiêz têx yêz muk lok đhâu sâuv qox Yên Bái txix 5 six zuôr tsâuk ntux hnuz 3/10 thiêz tsưr tsix kriê trâu têx yêz muk lok đhâu tuk qox Bách Lẫm, qox Tuần Quán thiêz têx qox txơưr đuô./.

Đinh Tuấn-Lik Thox cxêik nhênhv

              Đhâu Sở Lox tôngv-Saz pênhz thiêz xã hội tỉnh Lào Cai qênhz shuôs, đhâu coz nas chuô sôr 03 uô ruôr hiêv,  têx huyện, TP, thị xã hâur tỉnh Lào Cai xav hur si muôx 50 lênhx mê nhuôv trâus uô njuôs niêv njuôs txir zuôr tsuv tâu sơưr đơưk sik đros paz max. Tsênhv tsênhz, 9 lênhx mê nhuôv trâus uô njuôs niêv njuôs hur si; 41 lênhx mak trâus uô njuôs niêv lok sik njuôs txir. Lơưr zơưv Nguyễn Đức Duy, Tsar phongx pov tsơưv Xã hội, nhuôs zâu, Sở Lox tôngv-Saz pênhz thiêz xã hội tỉnh Lào Cai, đhâu coz nas chuô sôr 03 uô ruôr hiêv, Sở tưz nhênhz chơưv trâu Ủy ban tỉnh tso tơưv ntâuz ntơưr kriê fuô uô luôs hâux lưv paz chor nênhs trâus txov nhêv, hâur co muôx hur si têx lênhx nhuôv njuôs heik sâuv trơưk Chính phủ Nghị định 20,  Nghị định 76 lok paz max têx lênhx nênhs njiz trâus cêr txov. Zơưv Duy hêik pâuz nzir: “Txos nhiv no, txơưv canr bôv cux tưz muk yax kriê, taz sik viv chor nhuôs pôngz siêz lox hênhr, cux tsênhv xar đros têx lênhx nênhs cxênhz jê nhoz, tsi tâu xar muk nhoz hâur tsênhv qơư. Chênhr zos li heik co, Sở cux tsênhv tror paz max, heik têx nhuôs zos thâuv tưs siêz tuk lơưv, xar tuôx nhoz hâur tsênhv qơư mak zuôr tror uô ntâuz ntơưr chiê txeik tok têx nhuôs tuôx nox nhoz hâur co cov chor nhuôs muôx luz nênhx jông thiêz truôx tuk đuô”./.

An Kiên-Riê Lâux cxeik, nhênhv

             Nhoz tỉnh tox siêz Sơn La, cxuô cấp hôiv Pox niêv li tsưr ziv “Luz tsêr sik côngv paz cuiv siêz jông” tâu chôngz lênhx pox niêv thiêz pêx xênhv sik côngv đros uô. Txix 10 tsưr ziv uô siv “Luz tsêr sik côngv paz cuiv siêz jông” đros xar muôx 400 lênhx nênhs zos pox niêv, txos nhiv no Hôiv pox niêv cxuô cấp nhoz tỉnh Sơn La tưz uô cxaz nzir 68 qơư kriz uô tsưr ziv no ntơưv 12 huyện, thành phố, đros muôx 2.700 ntâu lênhx nênhs đros uô. Xav iz hli, chor tsưr ziv no tưz sâu tsês, phêiz lok six ntâu têx vuôz tsuôz nhựa cxuô zav zuôr tror uô tâu, iz tsưr ziv sâu tâu txix 300 txos 500 cxênhz đêiv txix têx hâux lưv no. Pos Vi Thị Bình, Phưv Chủ tịch Hôiv Liên hiệp pox niêv tỉnh Sơn La puz pâuz: “Hôiv Liên hiệp pox niêv tỉnh tror yax kriê txos trâu hôiv viên thiêz pêx xênhv sâuv thax tsav tas nro tỉnh pâuz kriz uô jông côngz xưv phax tar têx vuôz tsuôz nhựa. Pêz zuôr uô đêz đar têx tsưr ziv uô tâu jông. Yax kriê lok têx kror jông txix tsưr ziv no, cxơưz cxiz têx huyện, thành phố kriz uô ciês ntơưv zuk thax tsav qơư”./.

Bích Thủy-Lik Thox cxêik nhênhv