Hnuz 6/10 Bôv trưởng Bôv Tài nguyên thiêz Tênhv qơư, Trưởng Đoàn đại biểu Côx hôiv tỉnh Yên Bái Đỗ Đức Duy đros địa biểu Côx hôiv tỉnh tưz njiz cử tri đros doanh nghiệp, hợp tác xã txix tsưr ziv trực tuyến thiêz njiz ciês. Ntơưv jiês cơưv, cử tri têx ziv chênhv zos hêik txos têx kror li: paz kir txêik pênhr, paz kho đuô uô nox kinh doanh trâu doanh nghiệp; lok ar têz, tài nguyên tênhv qơư, lok cêr vax tsêr cxuô zav đros têx hêik txos lox tôngv, hâux lưv uô, bảo hiểm xar hôiv. Hlôngr njêx muôs Đoàn đại hiểu Côx hôiv tỉnh, Bôv trưởng Bôv Tài nguyên thiêz Tênhv qơư Đỗ Đức Duy hêik mênhx: hâur six cxiv no, Đoàn tưz chuôz cxaz uô chor jiês njiz cử tri zos têx cử tri hlôngr njêx muôs têx doanh nghiệp, hợp tác xã sâuv thax tsav tỉnh, chiê đơưk kho tâu sêi têx phiv liv thiêz paz trâu têx doanh nghiệp, hợp tác xã nzor kho đuô tâu uô nox đhâu muôx moz Covid-19, tiv zix zos đhâu trâus coz chuô sôr 3 ruôr hiêv./.

Đinh Tuấn-Lik Thox cxêik nhênhv

             Nhiv kruôr đhâu, ntơưv tỉnh Điện Biên, Ủy ban qênhz yuôx T.Ư cơưv giao ban côngz xưv qênhz yuôx, seiz kaz, đơưk tu têx taz viv thax tsav 4 uô cxâuv cui tinhv Đảng hâur 9 luz hlik thiêz tsưr ziv, hâux lưv 3 luz hlik kaz shôngk shông 2024. Trơưk li heik pâuz ntơưv jiês cơưv: Thax tsav 4 tâu phênhz côngz seiz car luôs hâux lưv qênhz yuôx, seiz kaz, đơưk tu têx li heik sâuv nhoz 24 thax tsav, taz viv. Hâur 9 luz hlik, cấp ủy cxuô cấp seiz kaz chuyên đề zuôr xar 2 cxênhz tsưr tsix Đảng, xar muôx 8 cxênhz lênhx đảng viên, đơưk tu têx ntâuz ntơưr pênhr 3 tsưr tsix Đảng, xưv bluô 2 lênhx đảng viên. Ủy ban qênhz yuôx cxuô cấp seiz kaz chuyên đề zuôr xar 1.300 tsưr tssix Đảng, 3.480 ntâu lênhx đảng viên.... Đhâu qênhz yuôx, seiz kaz, cấp ủy cxuô cấp thiêz chi bộ tưz xưv bluô 17 tsưr tsix đảng, iz cxênhz ntâu lênhx đảng viên; tsi puz 30 lênhx đảng viên xênhz huôx đảng, tsi puz 15 lênhx đảng viên nhoz hâur đảng. Ủy ban qênhz yuôx cxuô cấp xưv bluô 18 tsưr tsix đảng, 377 lênhx đảng viên, tsi puz xênhz huôx đảng 178 lênhx đảng viên./.

Vũ Lợi-Riê Lâux cxeik nhênhv

             Lok nas ntêr hnuz, côngz xưv kriz uô plas njiz ntâu phiv liv, chuôz lov muôx tsơưr, muôz têx pênhr kênhz… no zos têx qir tiv uô trâu côngz xưv muôz têx pênhr yưv pênhr côngz nhoz Lai Châu shông 2024 tâu uô kênhz pir li tsưr ziv tâu choz. Đhâu 1 shông ntâu nênhs thầu sir jos kriz uô, côngz trinhx Tsênhv qơư Y têr thành phố Lai Châu tưz uô tiêr tâu hâux lưv cxiv tsa tsêr 6 yôngx đar muôx 4.300 thiêr ndis. Chiê nzor uô cov tiêr, choz zok muôz lok sir zôngv hâur hli 11 no, tax tâu pêx xênhv sâuv thax tsav li siêz xar njuôk kho moz, nhiv no nênhs uô tsênhv sir jos kriz uô cov tiêr dưv anr. Zơưv Lê Văn Hùng, sêiz car Công trường, Công ty Cổ phần yưv pênhr cxiv tsa Đức Mạnh hêik pâuz: “Chiê uô tâu tiêr taz viv tưz lok six sir jos, nriêr tâu chor côngz nhân, nênhs uô muôx txux chi jông. Thâuv muôx lok nas taz viv tsuv zuôr ntâuz tax lok thêir vor chiê uô thiêz txơưv lok nas lok zos yar ntux chor nênhs uô cux tsuv sir jos mak thiêx uô tâu tiêr li no”./.

Khắc Kiên-Lik Thox cxêik nhênhv

            Hâur 9 luz hlik, ngênhx ju lix tỉnh Sơn La tưz tok xar muôx 4 tsov lênhx kruô tuôx ndis seiz têz qơưk uô si, phênhv sâu tâu txix luôs hâux lưv co tax 4.500 tyv đeiv ntâu. Shông no, ngênhx ju lix ntơưv Sơn La ziv hnuz ziv uô tâu jông, thâuv cxuô thax tsav qơư tưz sir jos huôv tsar uô yiêz thiêz jông têx xiv huv ju lix. Lar heik zos Thax tsav ju lix Mộc Châu tâu tsưr tsix giải thưởng ju lix ntiêx têz xeir zos qơư jông đuô hur si hâur châu Á chiê tsôngv kruô tuôx ndis shuôs uô si”; thax tsav pak đêx tênhv Sơn La tâu njuôk hov uô qơư ju lix cấp têz qơưk ntu 2021-2030, uô txos shông 2045. Zơưv Trần Xuân Việt, Phưv Giám đốc Sở Vênhx huôv, thêv thao thiêz ju lix tỉnh Sơn La heik pâuz: “Txix nhiv no txos kaz shông, ngênhx ju lix Sơn La tror huôv tsar uô têx xiv huv; sir jos uô jông luôs hâux lưv seiz car; gra siêz tsơưr lươngv dịch vụ, kriê cxaz têx tsưr ziv uô hâux lưv, hlôngr yiêz sôr lok ju lix thiêz yax mông, piêr kriê chiê ziv hnuz ziv hu zâuv tâu chôngz lênhx ntâu tus kruô tuôx Sơn La ndis shuôs têz qơưk uô si txix nhiv no txos kaz shông, cov tâu trơưk li têx hâux lưv tso tơưv, lar heik zos tok cov tâu xar muôx 5 tsov lênhx kruô tuôx ndis seiz têz qơưk uô si, phênhv sâu tâu tax 5 cxênhz tyv đeiv”./.

Trấn Long-Riê Lâux cxeik, nhênhv