Hnuz 8/10, Tsênhv qơư Chinhr triv huyện Mù Cang Chải, tỉnh Yên Bái tưz tsưr tsix kriz lớp kriê txux chi jênhv pâuz lok Đảng, kriê chax chês cxôngx nzor trâu 100 ntâu lênhx hluôk nênhs txâuk cxuô kror chiê muk uô tuz lênhv shông 2024. Uô lơưr Ban Thường vuv Huyện ủy Mù Cang Chải li tsưr ziv sôr 94 hnuz 15/7/2022 lok huôv tsar đảng viên hâur lưx lươngv vũ trang thiêz công an hâur hnuz nhôngs uô tuz lênhv chiê nhoz hâur quân đôiv thiêz uô công an, Tsênhv qơư chinhr triv huyện tưz tsưr tsix oz lớp kriê jênhv pâuz lok Đảng, kriê chax chês cxôngx nzor trâu chor hluôk nênhs txâuk cxuô kror chiê muk uô tuz lênhv shông 2024. Đhâu lớp kriê no chiê paz trâu chor nênhs cơưv pâuz tâu txos têx kror zov chênhr hâur ntu cxiv tsa thiêz huôv tsar Đảng, cách mạng Việt Nam, Đảng li tsưr tsix thiêz huôx tôngv. Khov lơưr co, xav jênhv tâu tsưr ziv nhoz hâur Đảng cov huv đros, tror sir jos cơưv shâuv lok cêr uô nênhx jông hâur tênhv qơư quân đôiv, công an, sir jos cov zos yênhx đảng viên Đảng cộng sản Việt Nam./.

BYB-Lik Thox cxêik nhênhv

Dự thảo dự án Chei hâux lưv uô (Kho đuô) tsênhv tâu tsôngv box nhoz tỉnh tox siêz Sơn La tsov cưv. Lơưr pos Nguyễn Thị Kim Thanh, cán bộ so lâuk nhoz tuêv 2, phường Chiềng lề, TP Sơn La, dự thảo Chei hâux lưv uô (kho đuô) đros 9 yôngx, 130 grê tưz krêz đar cxaz ntâu lênhx nênhs tâu paz txưv tiv zix zos vênhv paz nênhs lox tôngv, paz nênhs mênhx cxưx tsơưs nênhs, car chêx hâux lưv uô trâu nênhs lox tôngv zos nênhs muôx hnuz nhôngs siêz, seiz shuôk đuô lok six hơưv uô hâux lưv đros nênhs gôngr bảo hiểm txưv zênhv… pos Nguyễn Thị Kim Thanh puz pâuz: “Shux xênhz tâu tso chei muk uô hâux lưv, taz sik muk uô hâux lưv lơưr cêr chei mak cur pov txix txâuk 15 shông ndê muk tâu tso chei uô lox tôngv, zos txix cxênhx 2 txos cao đẳng, đại học, têx shux xênhz muôx luz nênhx txov nhêv mak tâu uô lox tôngv”./.

Trấn Long-Txâur Vax cxeik nhênhv

         Hnuz 8/10, Sở Lox tôngv- Saz pênhz thiêz Xar hôiv tỉnh Điện Biên sik côngv đros Tsênhv qơư II-Paz ciês trâu chor nhuôs trâus sêv khiz luz chêr tsưr tsix khơưk muôz hax huv paz trâu chor chuôz zis pluôs, zuôr xar pluôs đơưk kho têx phiv liv tiv trâus ntux nas chuô đêx ngaz cuôr ruôr hiêv sâuv thax tsav xar Xa Dung, huyện Điện Biên Đông. Tsaz yênhx tưz khơưk muôz 600 kror hax huv trâu chuôz zis pluôs, zuôr xar pluôs ntơưv xar Xa Dung. Iz kror hax huv muôx: cxur, pav, lêr, vix tsav thiêz iz cxiê zav txơưr. Tas nro tsiv gri muôx 297 triệu đêiv ntâu. No zos huôx tôngv tsênhv tsênhz chiê phêiz kênh đros tsôngv box đơưk kho têx trâus ruôr hiêv. Têx hax huv no zuôr paz phêiz kênh têx phiv liv, pôngz siêz đros tsôngv box chiê lơưr sir jos hla đhâu têx phiv liv, truôx tuk luz nênhx./.

BĐB-Lik Thox cxêik nhênhv

Sâuv têx njuôs siv 6 AND sâu tâu, chiz coaz muôx txơưx jênhv nriêr tâu cxaz 2 lênhx nênhs trâus plox mông nhoz jos Làng Nủ, xã Phúc Khánh, huyện Bảo Yên, tỉnh lào Cai. 2 lênhx nênhs no nhoz hâur 6 lênhx nênhs tưz nriêr pov ntơưv Làng nủ, lok sik trâus đêx cuôr yôngz sâuv tul đêx Chảy, đhâu co tâu muôz tâu lok ntơưv huyện Lục Yên, tỉnh Yên Bái. Thgâuv njuôs siv AND tas, hnuz xiêz 8/10 Công an huyện Bảo Yên tưz pov cov txos Bí thư, chủ tịch UB huyện thiêz phongx seiz car thênhv siêz. Li ntơưv, txos nhiv no, jiês đêx cuôr yôngz nhoz Làng Nủ hnuz xiêz 10/9 tưz muôx 60 lênhx nênhs tuôs, 7 lênhx tsênhv tsi tâu nriêr pov./.

An Kiên-txâur Vax cxeik nhênhv

Công an huyện Mường La (Sơn La) nhiv kruôr cxov tâu 3 lênhx nênhs tiv uô cxâuv “Uô, tsês chiê, zuôr muôs fov tsik zos chêi” thiêz “tsês chiê, tsưr tsix sir zôngv zax zênhz tsik zos chêi”. Lơưr co hnuz 5/10/2024, Công an huyện Mường La tưz cxov tâu Chinh Xênhv Zax (zus shông 1988, nhoz jok Huổi Hiểu, xar Mường Chùm, huyện Mường La, Sơn La) tiv uô cxâuv “Tsês chiê zax zênhz tsik zos chêi”, sâu tsês tâu 1,37 las zênhz đuz. Qênhz yuôx nzir, Công an huyện Mường La tưz cxov sêi đrơưv Choai Xênhv Zax (zus shông 1990, nhoz Mường Lát, Thanh Hóa; thiêz Câu Xênhv Zax (zus shông 1993 nhoz jok Huổi Hiểu, xar Mường Chùm, huyện Mường La, Sơn La) zos oz lênhx nênhs đros Chinh uô fov. Nhiv no txuz hâux lưv no tsênhv tror tâu nriêr pâuz, qênhz yuôx lơưr chêi têz qơưk têx cui tênhv./.

VTV-Lik Thox cxêik nhênhv