Hnuz 15/4, ntơưv Sơn La, Ban tuyên giáo thiêz dân vận TƯ sik côngv đros tỉnh ủy Sơn La tsưr tsix phêv ziv heik kriê Ban bí thư li têx ntâuz ntơưr lok côngz xưv mênhx cxưx, tôn giáo hâur ntu yiêz trâu têx tỉnh thax tsav Tây Bắc. Têx teiv plor tâu heik kriê têx chỉ thị, ntâuk grê, thôngz pov cik txos. Phuôx plov ntơưv phêv ziv, đ/c Triệu Tài Vinh, Phó trưởng Ban tuyên giáo thiêz dân vận TƯ heik mênhx: côngz xưv mênhx cxưx, tôn giáo zos tas nro cxix luôk chính trị li jênhv vưv, tsuv reik đros huôv tsar KTXH, taz por côx phax, txiv ngaz. Têx tiv phaz tsuv chuv tôngv pâuz tâu qênhx shênhx thiêz yưr lir têx hâux lưv muôx yưv, tuôr truôx txiv ngaz chính trị, xã hội: “Têx ban đảng cấp xã li Côngz xưv tuyên giáo thiêz dân vận tsuv chuv tôngv, heik trâu cấp ủy pâuz tâu qênhx shênhx hâur tsôngv px, cxiv tsa xã hội thôngx siêz, tiv zix zos nhoz têx thax tsav muôx mênhx cxưx, tôn giáo phưx txuôx. Têx chiz coaz chuyên môn hâur chính quyênx tsuv muôx siêz tsơưr lươngv seiz car têz qơuk lok mênhx cxưx thiêz tôn giáo, taz por uô trơưk đảng, têz qơưk li chủ trương reik đros yênhx tiv phaz li qênhx shênhx”./.

Trấn Long-Lan cxêik nhênhv

Txos thâuv luz pêz hlik hli ntux, sơưr đơưk ho siz zâuv lok trâu Phú Thọ txi côngv Huôz têik Hùng shông 2026. Cxuô lênhx nênhs txix cxuô qơư ho siz zâuv lok trâu tsêr mnov Hùng, hlơưr shaz ndo txos chor huôz têik Hùng, hêik tơưv siêz ndo txos chax chês, pox côngz zơưv côngz. Nhoz sâuv trôngz Nghĩa Linh, hâux lưv no tưz tsik zos muk sêiz shuôk ntênhk hôiv, mak tsênhv zos ndis shuôk, uô si, nriêr pâuz txos vênhx huôv mênhx cxưx cxôngx nzor. di sản Huôz têik Hùng tưz tsik zos tâu tuôr tsês xưz, mak tsênhv tror tâu phuôx huiz jông hâur ntu nênhx nhiv no./.

DTPT-Lik Thox cxêik nhênhv

Sâuv têx trôngz yuôx zêx njuôz jông tưz tâu chos muôx nhos 50 shông nhoz thax tsav Liên Sơn (Lào Cai), têx tsoz mắc ca qir hloz lox, uô muôx têx trâur nuv tsêz chos uô cê, krêz tơưv iz luz nênhx yiêz trâu têx ziv chuôz zis đhâu ntâu cxênhx nênhs reik đros tsoz yuôx zêx. Pos Trương Thị Hương Giang, Tsar phongx KT xã Liên Sơn, tỉnh Lào Cai puz pâuz, zuôr xar 70 hecta tsoz mắc ca chos shơư yuôx zêx hâur tas nro xã nhiv no tsênhv txos ntu sâu jiês xuz thơưx. Xã tsi taz cxơưz cxiz pox nhuôk chos, mak tsênhv heik kriê tsưr ziv tsoz phưz mắc ca lơưr ploz tsênhr taz por tsơưr lươngv xiv huv: “Pêz xav tênhv tsoz yuôx zêx thiêz mắc ca tror zos 2 tsoz chos tsênhv nhoz tiv phaz. Đros yuôx zêx, pêz chêx chôngk huôv tsar lơưr saz tsiv uô yuôx zêx hur, lơưr ploz tsênhr VietGap chiê muôz siêz tsơưr lươngv, tsiv grê xiv huv. Đros mắc ca, hloz lox jông, tơưs pax jông, njuôs pov hâur têx shông zuôr txos zuôr sâu tâu truôx tul”./.

Đinh Tuấn- Lan cxêik nhênhv

Công an tỉnh Điện Biên nhiv kruôr sik côngv đros chor lưx lươngv hâur thiêz saz đrâuv têz qơưk tir tar tâu chor nênhs fêv nziêk đas công nghệ siêz thôngz têz qơưk, cxov tâu 59 lênhx nênhs. Tsuôk hâur 20 hnuz, chor nênhs no tưz nziêk đas tâu 5.000 lênhx nênhs, muôx 15 tiv đêiv ntâu txix têx tsưr ziv li uô website chuôr, đas zos taz viv xa têx hax huv, sir zôngv sim chuôr thiêz hêik jông cov chor nênhs trâus nziêk đas xa têx nhiêx txiêx. Lưx lươngv muôx vax huôv tưz cxov tâu chor nênhs no ntơưv tỉnh Bò Kẹo (Lào), sâu tsês ntâu chuôz zênhx điện tử thiêz ntâuz ntơưr cik txos. Chor nênhs Việt Nam tưz tâu chox lok hâur têz qơưk chiê tror qênhz yuôx, nriêr pâuz nzir. Kror no puz pov uô tâu jông nhoz côngz xưv sik côngv ntiêx têz hâur tsav txênhz tir tar chor nênhs uô cxâuv công nghệ siêz, paz por vêv tâu jông trâu pêx xênhv./.

Vũ Lợi-Lik Thox cxêik nhênhv