Trơưk li sox seiz jiês cơưv tiv iz, Côx hôiv khóa 16, cux li cử tri hâur tas nro têz qơưk, cử tri Lào Cai heik tơưv cêr njênhs njôngr trâu têx lênhx hâu nov lox six cxiv yiêz, iz chas ntơư chiê siêz têx luk chos tsês ntơư zuôr nzor tâu uô trơưk txix hâux lưv tsênhv tsênhz. Cử tri Nguyễn Thảo Phương heik lok cêr xar njôngr li no:

“Cur xar cov têx lênhx hâu nov six cxiv yiêz moz siêz txos đuô pêx xênhv luz nênhx, lar heik zos thax tsav tox siêz tsênhv yuôr ntâu txov nhêv. Tsênhv chei tsuv tsênhz mênhx, zôngx ziv pâuz, ndo tâu, uô trơưk chiê pêx xênhv tso siêz huôv tsar uô nox uô hnar, cxaz nzir phênhv sâu tâu. Tsôngv pêx xênhv cux xar cov têz qơưk tror yưv pênhr ntâu đuô lok sâuv uô têx cêr muk lol, y tế, tsêr cơưv ntơưr chiê luz nênhx iz hnuz truôx tuk, vav mênhx jux juk”./.

Thừa Xuân-Riê Lâux cxeik, nhênhv

Trơưk cử tri Mai Nguyễn Ngọc Huyền, nhoz phường Tô Hiệu, tỉnh Sơn La, hâur qênhx shênhx têz qơưk tsênhv hla trâu ntu huôv tsar yiêz tsuv tsar ndê sêi, truôx đrênhk, tsuv muôx tâu têx tsênhv chêi hênhr, yiêz jông đuô, chor hâu nov tsuv muôx tsưr ziv xar tơưv yiêz, car xar, car uô, car muôx txơưx jênhv viv kror liv cxuô:

“Pêz vav tiêk chor hâu nov nhiv kruôr tâu bâux puôr zuôr sưv jê pêx xênhv, buôs ti pêx xênhv, mnôngs thiêz tsov cưv txos pêx xênhv têx ziv chênhv, siêz xar, muôz pêx xênhv thiêz doanh nghiệp uô tsênhv njiêz phưx vưv. Cur njênhs tiêk đrox bax cxix cxuô lok côngz xưv chor nênhs uô hâux lưv, Côx hôiv khoar XVI zuôr xêir tsov tâu chor hâu nov muôx txux chi, sir jos uô hâux lưv chiê paz trâu têz qơưk huôv tsar sêi thiêz truôx đrênhk”./.

Thanh Thủy-Lik Thox cxêik nhênhv

Hâur têx hnuz cơưv jiês tiv iz, Côx hôiv khóa 16 ntơưv Hà Nội, zar hnuz kêix xiêz 06/4, txix têx nghị quyết tưz tâu thôngz đhâu, Chủ tịch Côx hôiv Trần Thanh Mẫn tưz muôz Nghị quyết cir xeir têx lênhx thơưx đoanx Đại biểu Côx hôiv trâu chor tỉnh, TP trơưk cui tinhv. Tỉnh Sơn La mak trơưk li Ủy ban Thường vụ Côx hôiv khóa 16 Nghị quyết sôr 26/NQ-UBTVQH16 hnuz xiêz 06/4/2026, zơưv Hoàng Văn Nghiệm, Ủy viên BCH T.Ư Đảng, Bí thư Tỉnh ủy tưz tâu xeir uô thơưx đoanx Đại biểu Côx hôiv tỉnh Sơn La khóa 16. Zar hnuz kêix đros hnuz, zơưv Hoàng Văn Nghiệm, Ủy viên BCH T.Ư Đảng, Bí thư Tỉnh ủy, thơưx đoanx Đại biểu Côx hôiv tỉnh Sơn La tưz muôz Ủy ban Thường vụ Côx hôiv Nghị quyết cir xeir pos Hoàng Ngân Hoàn, Ủy viên BCH Đảng bộ tỉnh, uô Phưv thơưx đoanx Đại biểu Côx hôiv khóa 16 tỉnh Sơn La. Pos Hoàng Ngân Hoàn thâuv ntêx zos Giám đốc Sở Vênhx huôv, Thêv thao thiêz Ju lix tỉnh Sơn La./.

     VOVTB-Riê Lâux cxeik, nhênhv 

Đros qênhx shênhx zôngx ziv muôx cuz tox cuz jôngr nhoz phênhv siez, ntâu thax tsav qơư nhoz thênhv lok six phiv liv, tỉnh Điện Biên tưz huiz tôngv tas nro lưx lươngv kriz uô têx tsưr ziv qênhz yuôx txix thax tsav qơư txos cấp tỉnh, chiê phax tar thiêz xưv lik tâu cxuô qênhx shênhx. Lưx lươngv Kiểm lâm – chor nênhs chênhr hâur côngz xưv no – tsênhv sir jos qênhz yuôx, sêiz jor ntơưv têx qơư zov chênhr, tiv zix zos têx jôngr zôngx ziv muôx cuz tox cuz jôngr siêz. Đros co, sir jos yax kriê, hêik pêx xênhv kriz uô truôx jông cui tênhv hâur luôx têx đrox nhov, hlơưr têz; tsuv hêik trâu chinhr quyền thiêz lưx lươngv muôx vax huôv pâuz chiê sêiz shuôk jông sir zôngv hluôr tơưl.

Zơưv Lò Văn Hương, Hạt trưởng Hạt Kiểm lâm Mường Ảng, tỉnh Điện Biên puz pâuz:

“Hâur ntu đhâu, pêz tưz kriz uô lok six ntâu tsưr ziv yax kriê trâu pêx xênhv pâuz li yênhx lix chor tôv đôiv thiêz chuôz cxaz qênhz yuôx, sêiz jor, sêiz car por vêv jôngr thiêz phax cuz tuô cuz jôngr. Đros co kriê trâu pêx xênhv luôx têz; thâuv hlơưr têz tsuv hêik trâu chinhr quyền ntơưv qơư thiez lưx lươngv kiểm lâm pâuz chiê sêiz shuôk jông hlơưr têx têz huv zos lơưr cui tênhv”./.

Vũ Lợi-Lik Thox cxêik nhênhv