Têx hnuz no, đros tas nro têz qơưk, tsôngv box thax tsav ntus đriv Lào Cai tsênhv shir phaz lú tok txos Đaiv hôiv Đảng tas nro têz qơưk jiês tiv XIV. Têx co tâu njiê pov txix têx hâux lưv uô tsênhv tsênhz, hêik txos njênhs njôngr thiêz vav njôngr trâu têx tsênhv chêi yiêz paz huôv tsar têz qơưk hâur six cxiv yiêz. Xar Trinh Tường, tỉnh Lào Cai tưz tso tơưv ntâu phongz yaox sik tưr muôx tsiv gri, tsêx trung trâu uô tiêr chor côngz trinhx zoz thôngz, đêx xênhz huôx, jux juk gra siêz pêx xênhv luz nênhx. Đảng bôv, chinhr quyền thiêz pêx xênhv nhoz no vav njôngr trâu Đaiv hôiv zuôr muôx têx tsênhv chêi huv đros paz trâu cxuô thax tsav huôv tsar truôx đrênhk, paz jông trâu pex xênhv thiêz por vêv tênhv qơư. Zơưv Nguyễn Thế Tài, Bí thư Đảng ủy xar Trịnh Tường, tỉnh Lào Cai puz pâuz:“Đhâu Đaiv hôiv XIV, Đảng, Têz qơưk tror muôx têx tsênhv chêi paz trâu tsôngv box mênhx cxưx tsơưs nênhs thiêz tox siêz, tiv zix zos chor xar ntus đriv têz qơưk, paz trâu pêx xênhv truôx tuk luz nênhx, huôv tsar kinh têr thiêz sik đros côngv têk por vêv truôx jông tsưr qênhx ntus đriv têz qơưk”./.

                                                                                                                           Thanh Thủy-Lik Thox xêik nhênhv

Ntơưv Lai Châu, txix têx jêx jok tox siêz txos cxuô xã, phường, hâu nov ntơưv qơư lês uô têx hâux lưv lơưr 2 cấp tsênhv jux juk fuô uô tâu jông, muôz qơư chuôz jos chiê tsôngv pêx xênhv huôv tsar uô bluô nux, cxơưz ntơưv qơư huôv tsar, uô tâu cxuô luôs hâux lưv trơưk Nghị quyết Đại hội Đảng bộ tỉnh jiês tiv 15, bax tok Đại hội Đảng tas nro têz qơưk jiês tiv 14. Zơưv Lò Văn Biên, Bí thư Đảng ủy xã Mường Khoa, tỉnh Lai Châu heik pâuz:“Thâuv fuô uô trâur nuv hâu nov ntơưv qơư lês uô têx hâux lưv lơưr 2 cấp, pêz tưz qênhz shuôs tas nro têx ntâuz ntơưr, iz chas ntơư huôk njôngr tỉnh têx pênhr paz chiê yưx zuôr nzir têx chuôz zênhx, meir uz no phưx vưv uô hâux lưv thiêz cxiv kho qơư uô nuv. Lar heik zos zuôr nzir meir tính trâu canr bôv, công cức hâur Tsênhv qơư phưx vưv hành chính công. Khov cấp ủy sir jos chox kriê thiêz tsôngv pêx xênhv jông siêz, thôngx ziv đros, luôs hâux lưv hlôngr yiêz số, hlôngr yiêz ntâuz ntơưr hành chính tưz uô tâu huv đros tsôngv pêx xênhv sơưr đơưk”./.

                                                                                                                          Khắc Kiên-Riê Lâux cxeik, nhênhv  

Đaiv hôiv đại biểu tas nro têz qơưk jiês tiv XIV zos Đảng, Têz qơưk thiêz Pêx xênhv Việt Nam li xor xưv chinhr triv zov chênhr. Hêik txos “sir jos phax tar txix nzor, txix đêz”, đros chor lưx lươngv công an hur si têz qơưk, ntu đhâu, Công an tỉnh Sơn La tưz sik đros kriz uô chor tsưr ziv paz ngaz tuk txix ciês ntơưv thax tsav qơư. Iz chas co sir jos tir tar chor nênhs fêv, Công an tỉnh Sơn La sir jos uô côngz xưv phax tar, tir tar chor nênhs fêv sir zôngv công nghệ siêz. Chor nênhs liv zôngv không gian mạng, mạng xar hôiv, txux chi nhân tọa, phần mềm chiê uô têx tsưr ziv nziêk đas, uô zuôv chei têz qơưk, ruôr hiêv txos Đảng, Têz qơưk, tiv zix zos thâuv uô ntêx, hâur thiêz đhâu Đaiv hôiv Đảng./.

                                                                                                                       Thu Thùy-Lik Thox cxêik nhênhv