Hnuz 12/1, đoàn seiz kaz Ủy ban Thường vụ Côx hôiv thiêz Hôiv đồng Bâux xêir têz qơưk zos Phưv Chủ tịch Côx hôiv Lê Minh Hoan uô Tsar đoàn tưz uô hâux lưv đros tỉnh Lào Cai lok côngz xưv bax bâux xêir đại biểu Côx hôiv khoar XVI thiêz Hôiv đồng cxuô cấp ntu 2026-2031. Hâu nov tỉnh Lào Cai puz pâuz côngz xưv bax trâu bâux xêir tâu kriz uô truôx jông, huv six hơưv, huv cui tênhv; bôv mêir tsưr tsix bâux xêir tâu uô truôx jông, tsik muôx yưv têx phiv liv. Hiệp thương jiês tiv iz tưz hêik pâuz txâuk chor nênhs ứng cử trơưk cui tênhv; côngz xưv yax kriê, paz ngaz tuk cux tâu uô jông. Phưv Chủ tịch Côx hôiv Lê Minh Hoan ntâuk gri siêz txos tỉnh têx uô tâu, hêik Lào Cai tror sêiz bâux xêir zos jênhv vưv chinhr triv zov chênhr, uô huv zos chêi têz qơưk, ngaz tuk, cxênhx txuôs, paz muôx cov txâuk cxuô kror trâu bâux xêir. Đros hnuz, đoàn côngz xưv tưz qênhz yuôx tsênhv tsênhz côngz xưv bax trâu bâux xêir ntơưv xar Trấn Yên./.

                                                                                                                Thừa Xuân-Lik Thox cxêik nhênhv

Têx hnuz đhâu, mông txix Sở zoz zux Sơn La njuôk xav, zuôr tsưr tsix thik xeir zuôr shux xênhz lớp 10 đros têx jax thik 6 môn, iz chas 2 môn xav fax thiêz ngữ văn, tưz uô chôngz lênhx ntâu tus moz siêz thiêz heik txos. Iz chas shux xênhz niêv txir cêr cxơưx lok chor nhuôx cơưv ntâu hênhr thiêz six hơưv bax cơưv tưr thik, ntâu lênhx cux thôngx ziv, jông siêz đros thiêz heik tiêk, tsưr ziv co paz shux xênhz cơưv tâu txux chi đuô. Trơưk li têx lênhx hlôngr njêx muôs Sở zoz zux Sơn La, hlôngr yiêz tsưr ziv tưr thik chiê khưx phưx têx tsi jông, uô tsi yuô tâu hâur xeir zuôr shux xênhz đhâu học bạ thiêz thik 3 môn li thâuv ntêx, paz ntâuk grê tâu huv đros shux xênhz pênhr xưv cơưv txux chi, gra siêz tsơưr lươngv zoz zux thiêz côngz fênhx đuô đros trâu cxuô thax tsav qơư. Heik pâuz nzor têx li heik sâuv cux paz shux xênhz thiêz shux xênhz niêv txir, chor cưk kriê ntơưr bax tâu jông cxuô zav trâu tưr thik ntơưr. Sở zoz zux Sơn La heik pâuz, tsưr ziv tưr thik tiês zuôr tâu uô tiêr đhâu thâuv zuôr cxuô luz tsêr cơưv li ziv chênhv thiêz tsưr tsix tưr thik siv, uô ntêx thâuv thôngz đhâu Ủy ban tỉnh quyết định, taz por huv đros tsênhv tsênhz, tsi uô tuôr thênhv txos shux xênhz cêr cơưv txux./.

                                                                                                                        Thu Thùy-Riê Lâux cxeik, nhênhv

9/ Tas nro tỉnh Lai Châu nhiv no muôx 456 cxênhz ntâu héc ta jôngr tâu thêv chor nhiêx dịch vuv tênhv qơư jôngr, hâur co muôx 243 cxênhz ntâu héc ta zuôr zôngx ziv trâus cuz jôngr siêz. Đros qênhx shênhx no, cxuô thax tsav qơư thiêz lưx lươngv kiểm lâm tưz kiz uô ntâu tsưr ziv phax tar cuz tox cuz jôngr txix ciês thâuv hâur chêix ntux kruôr. Chi cục Kiểm lâm tỉnh tsêx trung qênhz shuôk têx tsưr ziv por vêv jôngr, uô truôx ban sêiz car cxuô cấp, chuôz cxaz qênhz yuôx thiêz yax krie trâu pêx xênhv pauz sir zôngv hluôr tơưl ngaz tuk, uô jông hâux lưv por vêv jôngr. Khov muôx tas nro cxiv luôs chinhr triv đros uô thiêz pêx xênhv thôngx ziv, côngz xưv phax cuz, tuô cuz jôngr tsênhv tâu sir jos uô jông, paz por vêv tâu jông chor har jôngr thiêz paz trâu pêx xênhv uô nox tâu truôx jông./.

                                                                                                                        BLC-Lik Thox cxêik nhênhv

Nhiv kruôr đhâu, ntơưv thax tsav jok Ma Ly Pho, xã Phong Thổ, chor tz lênhv Pênhz phax tỉnh Lai Châu đros Công an tỉnh thiêz Zênhx Pênhz phax trôngx đriv Ma Lù Thàng tưz ntêk tâu Phàn Láo San, xênhz shông 1995, nhoz xã Sì Lở Lầu tsênhv thâux gra 8 far fov ntơưr, xav hur si muôx zuôr xar 16 cir, zos têx fov ntơưr saz têz qơưk đrâuv. Đhâu qênhz nus, Phàn Láo San krêz lênhk tiêk, luôs lưv tus ntiêr thâux xa chor fov ntơưr co txix Trung Quốc lok Việt Nam chiê muôs. Nhiv no tuz lênhv pênhz phax tỉnh Lai Châu tsênhv đros công an tỉnh tror qênhz yuôx, uô tsênhz mênhx trơưk đriev chei têz qơưk cui tinhv./.

                                                                                                                  Khắc Kiên-Riê Lâux cxeik, nhênhv