Têx hnuz no, cxuô jêx jok nhoz Sơn La tsênhv bax tok njôngr Đaiv hôiv đại biểu Đảng tas nro têz qơưk jiês tiv XIV tưz zuôr tâu kriz cơưv. Txix chor xar ntus đriv, thax tsav txov nhêv tiv zix, canr bôv, đảng viên thiêz tsôngv box cxuô mênhx cxưx vav njôngr trâu Đảng têx tsênhv chêi zov chênhr hâur têz qơưk ntu huôv tsar yiêz. Đros canr bôv, đảng viên thiêz pêx xênhv nhoz thax tsav ntus đriv Sông Mã, tỉnh Sơn La, Đaiv hôiv Đảng zos xor xưv chinhr triv đros đrêiv hâur luz nênhx yênhx hnuz. Zơưv Nguyễn Văn Độ, đảng viên nhoz jok Hưng Hà, xar Chiềng Khương, tỉnh Sơn La puz pâuz:“Pêz vav tiêk Đảng thiêz Têz qơưk zuôr tror paz trâu pêx xênhv txêik pênhr chiê uô nox. Đros co tror cxơưz cxiz chos doanh nghiệp yưv pênhr uô kôngz nuv ntơưv têx thax tsav nhoz đêz tox siêz li uô thiêz chos kôngz lôngk, tu zus, tsiêx đêx chiê paz muôx tâu kinh têr siêz đuô trâu pêx xênhv”./.

                                                                                                   Thanh Thủy-Lik Thox cxêik nhênhv

Têx txox cêr muk lol đu lus, jêx jok hur si, têz yuôx zêx thiêz vax yuôx đrox njuôz zos têx pov tsênhz xã tox siêz Khun Há, tỉnh Lai Châu sik tưr uô hâux lưv, cxiv tsa qơư nhoz hur jông bax tok Đại hội Đảng tas nro têz qơưk jiês tiv 14. Ntơưv chor jok ju lix côngv thôngx li: Lao Chải 1, tsôngv pêx xênhv sir jos qêz suô, tu đu lus têx vax tsêr, qơư nox nhoz, đei qix têz qơưk, paz cxiv tsa jêx jok vav mênhx, hur jông. Đhâu muôz iz cxiê thax tsav lok uô cê, tsôngv pêx xênhv ziv muôx cêr thôngx siêz truôx đuô, thôngz đhâu têx hâux lưv uô tsênhv tsênhz li: Gôngr paz ar, paz hnuz côngz đas jos krêz uô cêr, cxiv kho tsêr vênhx huôv thiêz têx côngz trênhx xênhz huôx. Hâu nov xã Khun Há xav tinhv, huôv tsar uô kôngz ntâu chiê muôs, ju lix côngv thôngx thiêz por hưv, tuôr tsês têx txux chi vênhx huôv zos hâux lưv zov chênhr. Phôngz yaox sik tưr uô hâux lưv jông bax tok Đại hội Đảng tas nro têz qơưk jiês tiv 14 tưz yênhx đas jos zov chênhr, cxơưz paz huôv tsar kinh tế xã hội, txo grêk yeiz pluôs truôx thiêz gra siêz luz nênhx trâu tsôngv pêx xênhv./.

                                                                                                   Khắc Kiên-Riê Lâux cxeik, nhênhv

Bax tok Đaiv hôiv đại biểu Đảng tas nro têz qơưk jiês tiv 14, canr bôv, đảng viên tỉnh ntus đriv Lào Cai vav njôngr trâu Đảng têx tsênhv chêi zuôr paz trâu têz qơưk huôv tsar hâur ntu yiêz. Bác sỹ Đào Thị Ngọc Lan, kuz giám đốc Sở Y têr tỉnh Yên Bái kuz, nhiv no zos giám đốc Công ty cổ phần Huôv tsar y têr Việt Tràng An, Giám đốc Tsênhv qơư huôv tsar khoa học-công nghệ thiêz paz đas jos côngv thôngx tỉnh Lào Cai, muôx 40 shông nhoz hâur Đảng, tưz tâu cơưv Đaiv hôiv Đảng tas nro têz qơưk jiês tiv 10 hêik pâuz:“Đros zos iz lênhx Đảng viên lâul, cur lok six tsov cưv txos côngz xưv cxiv tsa, kho đuô Đảng thiêz côngz xưv canr bôv. Cur vav tiêk Đaiv hôiv zuôr xêir tsov tâu chor canr bôv lênhx tov cxuô cấp, tiv zix zos cấp Trung ương muôx txux chi chinhr triv, siêz xar jông, txơưx jênhv, sik côngv jông, sưv jê đros pêx xênhv”./.

                                                                                                   Đinh Tuấn-Lik Thox cxêik nhênhv

Hnuz 15/1, Công an tỉnh Phú Thọ heik pâuz, Công an xã Cao Dương tưz qênhz pov, xưv bluô iz txuz muôx ntâu tus chôngz lênhx siz tuôr tsưr ziv krêz uô khoar cxax tsi trơưk chei hâur thax tsav xã. Uô ntêx co, hnuz xiêz 10/1, đhâu qênhz yuôx thax tsav trôngz Cai Trong, jok Yên Lịch, Công an xã qênhz pov iz paz nênhs siz zâuv khơưz, yâu cuz tsi trơuk chei. Chor nênhs co lơưr siz pheiz têx hâux lưv uô, iz lênhs uô iz kro chiê tsi trâus cơ quan muôx vax huôv qênhz pov. Ntơưv qơư, Công an xav tinhv ntâu lênhx nênhs buôk ti khơưz, tso meir tsông, yâu poz jêz thiêz liv cuz tsi trơưk chei hâur thax tsav tơư trôngz. Tas nro têx hâux lưv heik sâuv puôr lênhx tsi tâu tso chei uô, khơưz yâu liv cuz li co uô tsi jông, tsi truôx tuk thax tsav qơư nhoz. Công an xã Cao Dương tưz uô ntơưr bluô thiêz sâu tsês hur si têx chuôz zênhx, meir uz no cik txos thiêz chox chor nênhs heik sâuv lok ntơưv qơư uô hâux lưv chiê tror qênhz yuôx, uô tsênhz mênhx trơưk đreiv chei têz qơưk cui tinhv./. 

                                                                                                      CTVVOVTB-Riê Lâux cxeik, nhênhv