Hnuz 13/1, Ủy ban Thường vụ Côx hôiv, Hôiv đôngx bâux xeir têz zơưk Đoanx seiz kaz, qênhz yuôx zos Phưv Chủ tịch Côx hôiv Vũ Hồng Thanh uô thơưx chox đoanx tưz uô hâux lưv đros tỉnh Sơn La lok bax uô cxuô luôs hâux lưv bâux xeir Đại biểu Côx hôiv khóa 16 thiêz đại biểu Hôiv đôngx cxuô cấp six cxiv 2026-2031. Heik trâu Đoanx pâuz, tỉnh Sơn La tưz bax fuô uô nzor, cxix cxuô têx hâux lưv bâux xeir; yênhx lix Ban chox kriê, Ủy ban bâux xeir tỉnh thiêz têx Ban bâux xeir trơưk cui tinhv; tsưr tsix cơưv hiệp thương jiês tiv iz taz por huv đros, lês uô tâu têx hâux lưv zok muôz, muôx txâuk nênhs, cxix cxuô lưv heir nênhs.... Luôs hâux lưv yax kriê tâu sir jos fuô uô, huv đros trâu tsênhv tsênhz ntơưv qơư. Tỉnh cux heik tơưv iz cxiê phiv liv li: Thax tsav lox đar, cêr muk lol phiv liv, ntâu cử tri muk uô nox đêz thiêz iz cxiê phiv liv lok cui tinhv canr bôv Hôiv đôngx cấp xã, iz chas ntơư heik T.Ư moz siêz paz max nhiêx txiêx thiêz fuô kriê huv đros. Heik suô luk, Phưv Chủ tịch Côx hôiv Vũ Hồng Thanh heik tỉnh tror uô truôx jông, trơưk cui tinhv bâux xeir; taz por cử tri vax huôv bâux xeir, đơưk tu zênhx max têx tsi jông, siz pênhr cov, tsưx phưv truôx tuk thax tsav. Hâu nov tỉnh Sơn La khav tinhv, zuôr sâu jênhv thiêz tsưr tsix jông jiês bâux xeir trơưk cuiv tinhv./.

                                                                                                             Thu Thùy-Riê Lâux cxeik, nhênhv

Hnuz 13/1, Phưv Chủ tịch Côx hôiv Lê Minh Hoan chox thơưx đoàn côngz xưv Ủy ban Thường vụ Côx hôiv, Hôiv đồng Bâux xêir Têz qơưk qênhz yuôx côngz xưv bax trâu bâux xêir đại biểu Côx hôiv khoar XVI thiêz đại biểu Hôiv đồng cxuô cấp ntu 2026-2031 ntơưv Lai Châu. Tỉnh Lai Châu tưz uô tiêr côngz xưv bax, tso tơưv cxix cxuô têx ntâuz ntơưr kriê, yênhx lix Ủy ban Bâux xêir tỉnh, chor tiểu ban chuyên trách, bax taz viv bâux xêir thiêz chor đại biểu. Lok chor nênhs, muôx 13 lênhx nênhs chiê bâux uô đại biểu Côx hôiv, hâur co muôx 7 đại biểu tâu bâux, zos chor hâu nov chênhr, đại biểu chuyên trách, Quân đôiv, vênhx huôv-nghệ thuật thiez 7 đại biểu zos mênhx cxưx tsơưs nênhs. Đại biểu Hôiv đồng tỉnh muôx 93 lênhx nênhs tâu bâux xêir zuôr 50 lênhx nênhs, cấp xar muôx 1.358 lênhx nênhs tâu bâux xêir zuôr 754 lênhx nênhs. Côngz xưv yax kriê, chox kriê thiêz bax cxuô zav tâu kriz uô cxix cuô, chiê gra siêz cử tri li jênhv pâuz thiêz txơưx jênhv. Phưv Chủ tịch Côx hôiv Lê Minh Hoan ntâuk gri siêz txos tỉnh têx sir jos, uô tâu, đros co hêik chuôz cxaz sik côngv cxuô cấp, paz uô hâux lưv bâux xêir cov tâu jông, ngaz tuk, huv chêi, zos yênhx pêx xênhv hnuz hôiv lox./.

                                                                                                           Khắc Kiên-Lik Thox cxêik nhênhv

Txix ciês têx hnuz hâur shôngk shông, nhoz cxuô doanh nghiệp, qơư huôv tsar uô nox hâur thax tsav tỉnh Lào Cai tưz sir jos max bax uô cxuô luôs hâux lưv lov jêv ntưk. Yênhx cxênhz lênhx công nhân sir jos tsiv uô cov tâu têx hax huv muôs trâu kruô trơưk li tưz đas cir, muôz qơư chuôz jos uô tiêr cxuô luôs hâux lưv tso tơưv hâur shông 2026, shông zov chênhr uô lơưr đêx anr huôv tsar công nghiệp truôx thiêz jông. Co cux zos six hơưv chiê cxuô taz viv uô tâu ntâu hâux lưv bax tok Đảng Đại hội jiês tiv 14. Shông 2026, Công ty Cổ phần sứ kỹ thuật Hoàng Liên Sơn tso tơưv hâux lưv tsiv uô 3 cxênhz ntâu tênhr xiv huv, sir jos uô têx hâux lưv txix ciês têx hnuz xuz thơưx, hâur hlik hli. Chiê taz por uô tâu cxuô luôs hâux lưv uô ntêx thâuv zuôr txos tsiêz, cxuô lênhx cxuô tus hâur công ty puôr lênhx sik thôngx siêz, sir jos uô hâux lưv. Pos Đỗ Thị Ánh Hồng, uô hâux lưv hâur công ty heik sâuv heik pâuz:“Cur thâuv tưs tưz sir jos uô hâux lưv thiêz shông yiêz, canr bôv, công nhân hâur công ty lênhx tưs cux xar cov chor hloz, hâu nov công ty muôx ntâu hâux lưv trâu pêz uô, chiê muôx nzir phênhv sâu tâu, đros cxiv tsa công ty ziv hnuz ziv huôv tsar”./.

                                                                                                                 Đinh Tuấn-Riê Lâux cxeik, nhênhv

Tỉnh Điện Biên nhiv kruôr tsưr tsix Jiês cơưv tổng kết côngz xưv Y têr shông 2025 thiêz kriz uô jênhv vưv shông 2026. Shông 2026, nganhx Y têr tsêx trung kho đuô y têr ntơưv qơư lơưr tsưr ziv chinhr quyền 2 cấp, chuôz cxaz y têr dưv phòng, sir jos hlôngr yiêz sôr thiêz gra siêz tsơưr lươngv njuôk, kho moz. Shông 2025, nganhx Y têr tưz uô tiêr cxuô luôs hâux lưv: 100% trạm y têr xar muôx bác sĩ; chor nenhs muôx ntơưr bảo hiểm y têr tax 98%; 901 cxênhz ntâu lênhx nênhs tâu njuôk, kho moz; 65% ntâu dân sôr tâu sêiz car ntâuz ntơưr đas jos đhâu điện tử. Phưv Chủ tịch Ủy ban tỉnh Nguyễn Minh Phú hêik nganhx Y têr sir jos uô chor luôs hâux lưv tsik tâu tiêr, gra siêz tsơưr lươngv txoz cxơưx đas jos trâu pêx xênhv. Ndax jiês no, ntâu tập thể, tiz nênhs tưz tâu muôz ntơưr kruôk./.

                                                                                                                  Vũ Lợi-Lik Thox cxêik nhênhv