Têx hnuz no, ntơưv tỉnh ntus đriv Lào Cai muôx ntâu têx fiêx, ntâuz, ntơưr txix tsênhv qơư têx đrôngs txos chor jêx jok tox siêz, đêz đrôngs, hêik txos canr bôv, đảng viên, pêx xênhv cxuô mênhx cxưx li siêz njênhs, vav njôngr trâu Đaiv hôiv đại biểu Đảng tas nro têz qơưk jiês tiv XIV. Nhoz xar tox siêz li Dền Sáng, Khao Mang, Pha Long, Nậm Xe… shir phaz txeik tok Đaiv hôiv tâu tso pov txix têx ntâuz ntơưr, fiêx hêik txos sik côngv siêz, cxiv tsa Đảng, hlôngr yiez, hlôngr yiêz sôr thiêz huôv tsar truôx đrênhk. Txix têx đrôngs txos tox siêz, Lào Cai tsênhv shir phaz đros tas nro têz qơưk, sir jos uô tsưr ziv huôv tsar sêi, truôx đrênhk thiêz hôiv nhập đêz đar hâur ntu yiêz./.

                                                                                            Thừa Xuân-Lik Thox cxêik nhênhv

Shir phaz lul ndar txos Đảng li Đại hội teiv plor tas nro têz qơưk jiês tiv 14, cán bộ, đảng viên tỉnh Sơn La njênhs njôngr lok têx tsênhv chêi, tsưr ziv krêz tơưv ntu huôv tsar yiêz trâu têz qơưk. Nhoz thax tsav ntus đriv, Thượng tá Lò Văn Diện, Chính trị viên Zênhx pênhz phax trôngx đriv ntiêx têz Lóng Sập (Bộ chỉ huy quân sự tỉnh Sơn La) khav tênhv cán bộ, chiến sĩ lưx lươngv vũ trang thâuv tưs cux njênhs njôngr trâu Đảng li lênhs tov, cán bộ chiến sĩ njênhs njôngr Đại hội 14 zuôr krêz tơưv ntu huôv tsar yiêz bluô nux, vav mênhx thiêz shir phaz đuô, thôngx cxix paz por vêv truôx tul tsưr qênhx, txiv ngaz ntus đriv têz qơưk:“Đros tas nro Đảng, tas nro tsôngv px thiêz tas nro quân li siêz njênhs njôngr ndar txos Hnuz hội lox hâur têz qơưs, cur njênhs njôngr lok têz qơưk li têx hlôngr yiêz thiêz huôv tsar hâur ntu yiêz; chuôz tsar côx phax txiv ngaz thax tsav ntus đriv, reik đros yưv pênhr cxiv tsa thax tsav ntus đriv truôx khor; muôx tsênhv chêi huv đros hâur thax tsav ntus đriv thiêz poz hiêr”./.

                                                                                               Trấn Long-Txâur Vax cxêik nhênhv

 Công an tỉnh Lào Cai sik côngv đros Cục Cảnh sát qênhz yuôx nênhx phamv cxâuv lok nox nhiêx têz qơưk, kinh têr, zuôr muôs hax huv chuôr (Bôv Công an) thiêz Công an TP Hà Nội nhiv kruôr ruôr tâu qơư uô, zuôr muôs chor hax huv chức năng lok zos yuôx paz đas jos chuôr lox, huôx tôngv txix shông 2012. Hnuz 5/1, zuôr xar 200 canr bôv, chiến sĩ sik đros qênhz yuôx 5 kror qơư ntơưv Hà Nội, pov ntơưv Công ty TNHH Medistar Việt Nam (Qơư công nghiệp Quang Minh, Mê Linh) muôx qơư uô yênhx cxênhx hax huv paz đas jos chuôr. Lơưr qênhz yuôx xuz thơưx xav jênhv txix hâur shôngk shông 2012 txos 2025, chor nênhs uô tưz muôs sâuv ciêz đrôngs muôx yênhx puô tấn hax huv chuôr, sâu tâu liv xar muôx 1.800 tiv đêiv, tsik thêv nhiêx sê thiêz sâu tâu liv tsik zos chêi muôx yênhx puô tiv đêiv. Cơ quan Cảnh sát qênhz yuôx Công an tỉnh Lào Cai tưz khởi tố txuz anr, cxov cơưv Đoàn Trung Đức (xênhz shông 1980, nhoz quận Cầu Giấy, Hà Nội)-Tổng Giám đốc Công ty TNHH Medistar Việt Nam đros 5 lênhx nênhs uô cxâuv. Txuz anr tsênhv tror tâu qênhz yuôx, nriêr pâuz cov tsênhz mênhx./.

                                                                                                     An Kiên-Lik Thox cxêik nhênhv

          Ntơưv thax tsav jos Mạy Hốc, xã Si Pa Phìn, tuêv côngz xưv zos Phongx cảnh sát qênhz yuôx nênhs phamv cxâuv lok zax zênhz, Công an tỉnh Điện Biên lov lik, sik côngv đros têx taz viv muôx txơưx jênhv tưz ruôr yênhx côngz chuyên án 126P, ntês Tráng A Páo xênhz shông 1982 nhoz jos Huổi Khương, xã Mường Chà, tỉnh Điện Biên viv muôv muôs tsi trơưk chei zax zênhz. Đhâu seiz shuôk lưx lươngv sâu tâu 10 đeiv zax zênhz, muôx 8 đeiv zênhz đơưz hnhar 2,2 cir, 12 cxênhz njiêr zax zênhz đros iz cxiê chuôz zênhx cik txos. Nhiv no Phongx cảnh sát qênhz yuôx công an tỉnh Điện Biên tsênhv ntês lênhx nênhs no thiêz tror krêz đar qênhz yuôx, uô tsênhz mênhx lênhx nênhs cik txos chiê yưr lir trơưk PL li cui tênhv./.

                                                                                                                 Vũ Lợi-Txâur Vax cxêik nhênhv