Têis cik 28/1, Đoàn côngz xưv Trung ương Hôiv Nênhs trâus tsơưr tưx da cam/dioxin Việt Nam tưz muk sêiz yuô, uô hâux lưv thiêz khơưk muôz hax huv Tsiêz shông 2026 trâu chor nênhs trâus tsơưr tưx da cam ntơưv tỉnh Điện Biên. Ntơưv jiês uô hâux lưv, đoàn sâu jênhv tas nro tỉnh Điện Biên muôx 286 lênhx nênhs trâus tsơưr tưx da cam, hâur co 245 lênhx nênhs tsênhv tâu sơưv phênhv paz. Ntu đhâu, cxuô cấp, nganhx thax tsav qơư tưz kriz uô cxix cuô chor tsênhv chêi paz, tsưr tsix sêiz nus, tsoz phưz thiêz paz trâu lơưr hla đhâu têx phiv liv. Hâu nov Trung ương Hôiv ntâuk gri siêz Hôiv Nênhs trâus tsơưr tưx da cam/dioxin tỉnh Điện Biên têx sir jos, đros co hêik cov tror sir jos uô jông têx hâux lưv, txoz cxơưx jông trâu chor hôiv viên luz nênhx. Jiês no, Trung ương Hôiv sik công đros Công ty TNHH Đức Đạt khơưk muôz 50 kror hax huv, tsic gri muôx 60 triệu đêiv trâu chor nênhs trâus tsơưr tưx da cam sâuv thax tsav tỉnh./.

                                                                                                               BĐBP-Lik Thox cxêik nhênhv

Xor xưv tsiêz têz qơưk-tok shông yiêz” zos Sở Công thương tỉnh Lai Châu đros hâu nov xã Bình Lư fuô uô, chiê paz doanh nghiệp, HTX, têx chuôz zis huôv tsar uô lax luôv buôk ti txos chei têz qơưk têx cui tinhv lok muôv muôs điện tử, gra siêz txux chi zuôr muôs hax huv sâuv nền tảng số, lar heik zos TikTok shop. Zơưv Nguyễn bá Kiện, Phưv Chủ tịch HĐND xã Bình Lư vav chiê siêz, xor xưv tsi tiêk zuôr muôs hax huv hâur têx hnuz zuôr txos tsiêz, tsênhv krêz tsưr ziv yiêz trâu pêx xênhv zuôr muôs hax huv hâur thax tsav.

“Pêz tsi tiêk moz siêz txos têx hax huv zuôr muôs. Zov chênhr zos six hơưv chiê têx lênhx nênhs huôv tsar uô nox, lax luôv xar tơưv tsưr ziv jông, tsiv uô têx hax huv zuôr muôs huv hâur thax tsav, zuôr muôs sâuv điện tử thiêz shâuv cơưv tsưr ziv uô lax luôv, huôv tsar uô nox đhâu sâuv mạng xã hội”./.

                                                                                                     Khắc Kiên-Riê Lâux cxeik, nhênhv

Đros tỉnh tox siêz Lào Cai, qơư muôx trôngx đriv txuôk đros ntiêx têz, sir jos kriz uô Nghị quyết Đaiv hôiv Đảng XIV trâu hâur luz nênhx tưz tsik zos jênhv vưv chinhr triv xưz, mak tsênhv zos kror tsuv uô txix tsênhv tsênhz huôv tsar. Đhâu ciês Đaiv hôiv đại biểu Đảng tas nro têz qơưk jiêx tiv XIV cơưv tiêr, tỉnh Lào Cai tưz xav jênhv hâux lưv hêik pâuz, kriz uô nghị quyết zos jênhv vưv tsênhv njiêz, tsuv sir jos uô hâur tas nro cxiv luôs chinhr triv. Ntơưv xar Tân Hợp, muôz Đảng Nghị quyết hêik trâu pêx xênhv pâuz tâu kriz uô thôngz đhâu chor jiês xênhz huôx chi bôv, cơưv jêx jok đros uô jông têx hâux lưv hâur luz nênhx, uô nox. Zơưv Dương Văn Minh, Bí thư Chi bôv jok Đoàn Kết hêik pâuz:“Đhâu muôx Nghị quyết Trung ương lok txos xar kriz uô, jok zuôr kriz uô txos trâu pêx xênhv pâuz. Pêz njênhs njôngr Đảng chox car zuôr muôz tâu têx Nghị quyết lok kriz uô hâur luz nênhx, tiv zix zos thax tsav tsôngv box mênhx cxưx cux li thax tsav tox siêz”./.

                                                                                                Thanh Thủy-Lik Thox cxêik nhênhv

Ủy ban tỉnh Sơn la thiêz Điện Biên nhiv kruôr tsưr tsix jiês uô hâux lưv lok tsưr ziv yưv pênhr uô txox cêr muk chênhr ntu đhâu Mộc Châu-Sơn La-Điện Biên. Ntơưv jiês uô hâux lưv, 2 tỉnh taz viv piêr kriê  tưz heik pâuz lok têx tsưr ziv yưv pênhr uô têx ntu cêr muk đhâu hâur thax tsav. Iz chas ntơư, cêr muk chênhr heik sâuv njuôk xav ntêr 180 cêik, qir txix ntu cêr muk chênhr Hòa Bình-Mộc Châu ntơưv phường Vân Sơn, tỉnh Sơn La txos trâu cêx ciêv 2 tỉnh Sơn La thiêz Điện Biên, ntu đhâu thax tsav xã Mường Bám, tỉnh Sơn La thiêz xã Mường Lạn. Hâu nov 2 tỉnh thôngx ziv lok têx tsưr ziv cxiv uô txox cêr co ntơưv thax tsav ciêx ciêv, iz chas ntơư sir jos đros đơưk têx phiv liv, chiê uô tâu trơưk cui tinhv, jux juk uô tiêr txox cêr muk chênhr Hà Nội-Sơn la-Điện Biên-Trôngx đriv Tây Trang. Chủ tịch Ủy ban tỉnh Sơn La khav tinhv, cêr sik thôngx ziv uô txox cêr no zuôr paz cxơưz cxiz uô sei thiêz taz por trơưk cui tinhv, sir jos fuô uô dưv anr hâur ntu 2026-2030./.

                                                                                                VOVTB-Riê Lâux cxeik, nhênhv